7 Tsi unu ucak tsi kanëm, bi wund júk bi pa pëtawësar upom, a Pol nan kai pëtsëp tsi unu ufaantsan, na ci tsi kawël përim; na mob tsi uñakan te myëŋ ucaak.
tsi uyër pëcaal unu umënts wun, un ci wi unu ucäk kanëm, a ilëman tsëko tsi bafets ci tsi nigana, undo bë lal Bajudeu. A Yeesu baandi ee nats tsi pëncuaf bukul, a na ja bukul: “Pëfac pa ciin ni ind!”
A u par ngënu këwas, a bafetsul kaka ci di bametsu, a Tomaas ci ni bukul. Ŋal bi ilëman nigana bi, a Yeesu baandi ee nats tsi pëncuaf bukul, a na ja: “Pëfac pa ciin ni ind!”
Bi na win bi bëwinal bi, uyëk umënts wun wund kë tsas pëtsëp Masedoonia, par wund abaaraan pëme u ci Nasien-batsi rui wund un, pa pëleents rul Upetsan-uwar.
A ulon upaas wi ka n jaka wi Eutiiku ro tsoar tsi ujaneela a nuu ŋënd. Bi Pol mob bi tsi uñakan ajon, a bëŋooy peul, a na pëni di ruëts mtaal mwaajantsan ee yër; a bu kë jejul, na cäts ba.
A ba tsu unu ni Pol. Tsi unu umënts wun, a ba cumi ee jëk ni Pol di katoul, ki bëfa te bëtakala, na leents bukul uleka pësien Nasien-batsi ajëntsan. A nuu tsas pëtsu bukul ba niiran uleka Yeesu, bi na ci bi tsi pëñakan tsi uleka ulua-Moises, ni bayëlia.
Maa tsi bëtseend Nasien-batsi, man ci ko wi n ci wi. A bëtseendul bi wëla bi, cits ko un kaats wi bëkat, maa man leemp a n pean bukul bëlieng, maa cits nji; aci bëtseend Nasien-batsi ka leemp bun ni nji.
Kara unu ucak kanëm, kara ñaan tsi ind na pënani ko, tsi ko wi na ka wi di katoul, na patsan, në tsëpand kee bofëlan; pa ubi nji, katse ka fiera pëbofëlan bëtseend.
Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.