NGËRO 2:46 - KARÚK-PËRIM KAWALU Nouveau Testament

⁴⁶ A ba baar pëloole, uja kara unu bu ka mob tsi pëci di kato-kayëman, bu kë tawës upom di kara kato, bu kë re bariala bukul ni ulílan, ni kajuab-uwaas.

NGËRO 2:46 ပူးပေါင်းရင်းမြစ်များ

NGËRO 5:42

A kara unu di kato-kayëman, ni di kara kato, bë wëtanats pëjukan ni pëleents Upetsan-uwar, Yeesu ci-un Këristu.

NGËRO 2:42

Bu mob tsi bëjukan bapostolu, ni tsi manteelar, ni tsi katawës upom, ni tsi bëñaan.

NGËRO 20:7

Tsi unu ucak tsi kanëm, bi wund júk bi pa pëtawësar upom, a Pol nan kai pëtsëp tsi unu ufaantsan, na ci tsi kawël përim; na mob tsi uñakan te myëŋ ucaak.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

NGËRO 16:34

Din, a na tsëpand bukul katoul, na tsoaran bukul bariala. Na ci ni ulílan mak undo awak tsi Nasien-batsi, nul ni bañaan katoul bëlieng.

KOLOS 3:22

Ind baluek, nda fetsan përim bajug ind tsi utsia tsi, tsi ko un ci wi-ba këci. Cits rin tsi uwal wi ba tsuuna ind wi këkës, pi nduu tsas bukul pëlilandër ind, maa nda roan ank ni ngëwaas ngan fac ngi, ni urispiitu, pa Ajug.

ROOMA 12:8

uci pa puu liinc-liincan ngëwaas bañaan, na liinc-liincani ngëwaas bañaan; uci pa puu tsënk, na tsëkan ni uwaas un fac wi; uci pa puu mandaar, na mandaari ni uŋal; uci pa puu yëkar bañaan ipës, na roan ank ni ulílan.

LÚKAS 24:53

Ba ja ba roon bu kë ci di kato-kayëman, bu kë bëndan Nasien-batsi.

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

NGËRO 5:21

Bi ba te bi ko wan, din a unu kë jënts ba niaj kato-kayëman ee kur pëjukan bañaan. A bi nan pei pëci nawiak-bajakan baandi bi ni bacintsul, a ba rú bëjuk kato kawat-pëleents kawiak, ni bawiak babuk Israel bëlieng; a ba wël ulai di ukalabus pa bapostolu pë biindee.

NGËRO 3:1

Ulon unu, a Per ni Joŋ kata tsëp kato-kayëman, pa bëñaan ngëler ngëwaants ngi bëtakala.

LÚKAS 24:30

Bi na tsoar bi bariala ni bukul, na jej pëpom, na beenir, na tawës pul, na wël bukul.

MATEU 6:22

Pëkës ci pun ulamp uliaf. Uci pëkësu ci pëwar, uliafu bëlieng ka ci tsi ufac;

EFEESU 6:5

Ind baluek, nda roan ko wi bajug ind tsi uyamats kë ja ind wi. Nda roan wul tsi bulal ni pëlënk, ni kajuab-ngëwaas ind; pi aci pa Këristu ni nduu leempar un.

LÚKAS 11:41

U wara wi, nda tseendan baranj ngan ci ngi di bametsu, din ngëko bëlieng ka jënts ind.

1 KORINTU 10:16

Ane karaani bëbeenir ki ngë beenir ki, cits kambof tsi pëñaak Këristu-a? A upom wi ngë tawës wi, cits kambof tsi uliaf Këristu-a?