NGËRO 2:42 - KARÚK-PËRIM KAWALU Nouveau Testament

⁴² Bu mob tsi bëjukan bapostolu, ni tsi manteelar, ni tsi katawës upom, ni tsi bëñaan.

NGËRO 2:42 ပူးပေါင်းရင်းမြစ်များ

LÚKAS 24:30

Bi na tsoar bi bariala ni bukul, na jej pëpom, na beenir, na tawës pul, na wël bukul.

LÚKAS 24:35

A batëb bukun leents ko un par-na wi bukul tsi bëga, ni bi ba yëkëranul bi tsi katawës upom.

NGËRO 1:14

A ba baar bëlieng pëloole a bu kë mob tsi bëñaan, ni balon bakaats, ni Maaria anin Yeesu, ni ban tsaar biki ni nul Yeesu.

NGËRO 11:23

Bi na band bi, a na win bëtseend Nasien-batsi, na lílan, a na liinc-liincan bukul ngëwaas bëlieng, pa ba mob ba liincan tsi Ajug, di ngëwaas bukul bëlieng.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

NGËRO 2:46

A ba baar pëloole, uja kara unu bu ka mob tsi pëci di kato-kayëman, bu kë tawës upom di kara kato, bu kë re bariala bukul ni ulílan, ni kajuab-uwaas.

NGËRO 20:11

Pol kaka paya, a na tawës pëpom are, na mob tsi pëñakanaan bukul mak, te kafa-unu, na tsëp.

NGËRO 20:7

Tsi unu ucak tsi kanëm, bi wund júk bi pa pëtawësar upom, a Pol nan kai pëtsëp tsi unu ufaantsan, na ci tsi kawël përim; na mob tsi uñakan te myëŋ ucaak.

NGËRO 4:23

Bi Per ni Joŋ wëtana bi, din a ba witsa di bacints bukul ee leents bukul ngëko ngi bawiak-bajakan, ni bawiak Bajudeu ja ngi bukul bëlieng.

NGËRO 4:31

Bi ba ba bi bëñaan, a tsëko tsi ba jukëna tsi siintsar, a ba cum bëlieng Uwejats-ujënts, bu kë leents përim Nasien-batsi ni bëyeentsal.

NGËRO 6:4

Maa wund, wund ka mob tsi bëñaan, ni tsi uleemp përim.”

ROOMA 12:12

Nda lílani tsi uwats, ndë ci baja ngëwar tsi unoor, ndë mob tsi bëñaan nda liincan.

1 KORINTU 10:21

Nda yëlants përaan tsi karaani Ajug, ndë kaka raan tsi karaani ngëcaay. Nda yëlants pëci ban bof biki tsi bariala Ajug, ndë bofand tsi bariala ngëcaay.

1 KORINTU 11:2

Tsi ucär, man bëndan ind, par nda ja nda roon ndu lesin tsi ko un ci wi-ba këci, a nda mob tsi ngëdiimaan ngi n wël ind ngi.

1 KORINTU 14:6

Maa inkri, batsaar ni nji, uci n bi di ind a ndu n ñakan mleents ngëtsooŋ, buom bëkat bi n du n kaar ind bun, uci ñakanaanats ind tsi upiban, oo tsi ume, oo tsi pëleents u meaatsa wi, oo tsi bëjukan?

GALAASIA 1:6

Man pikra bi nda car bink awëtan nandui indi tsi bëtseend Këristu, a nda butar ulon Upetsan-uwar.

EFEESU 2:20

Nda leempan tsi ujuundi di bapostolu ni bayëlia leemp ri; a nul Yeesu Këristu bërierul ci-un pëlaak pëtsaak.

EFEESU 6:18

Nda moban tsi bëñaan tsi Uwejats-ujënts ngëwal bëlieng, ni tsi puu yep. Nda tambandari pëwaay tsi ko umënts wan, ni tsi puu yep pa bayëman bëlieng.

FILIIPUS 1:5

undo nda bof tsi uleemp Upetsan-uwar, ki unu ucak te inkri.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

KOLOS 4:2

Nda moban tsi bëñaan, nduu waants ibats tsi bul, nduu baran;

2 TIMOTEU 3:14

Maa wi, moban tsi ko wi m juk wi a m win u ci ucär. Me ban jukanu biki,

BAYEBËREU 10:25

Nja tsë wëtan puu júk, bi balon wakëtsa bi përo; maa nda ju ngë liinc-liincandar ngëwaas, par ind win bukunk Unu kë wokani.

BAYEBËREU 10:39

Maa n ja, ngë bofats tsi kafats ufets pa pëniam, maa ngë bof tsi uwak pa ngëwaas buer.

1 JOŊ 1:3

Ko wi wund win wi a wund teend, wul wi wund ci wun tsi pëleents ind buts, pa ind pëbof tsi manteelar ni wund. Te manteelar wund aci ni Asin, ni Yeesu Këristu Abukul.

1 JOŊ 1:7

Maa uci ngë yandaar tsi ufac bi na ci bi tsi ufac, nja ka ci tsi manteelar tsi ngë ci tsi, din pëñaak Yeesu, Abukul, ka jëntsan nja ujuban un ci wi-ba këci.

1 JOŊ 2:19

Bukul bë pënëna tsi pëncuaf nja maa bë cits bayiic inja; par uci ba ro ci bayiic nja bu ka ro mob tsi pëci ni inja. Maa bë pën atsëp, a u piban, bukul bëlieng bë cits bayiic inja.

JÚDAS 1:20

Maa ind ba ŋala biki, nda liinc-liincandari mak tsi uwak ind uyëman, nduu ñaan tsi Uwejats-ujënts.