NGËRO 2:40 - KARÚK-PËRIM KAWALU Nouveau Testament

⁴⁰ A Per leents ngan par ngi ni ilon irim icumal, a na liinc-liincan bukul ngëwaas aja: “Nda buerani iyeen ind tsi bañaan ntsari, bukul ba waraatsa biki.”

NGËRO 2:40 ပူးပေါင်းရင်းမြစ်များ

MATEU 12:34

Ko wi nda ci wi ngëko-pëtsats! Um di nda yil run pëja ngëko ngëwar, ind ba waraatsa biki? Par, un cum wi uwaas, wi mtum kë ja wun.

MATEU 16:4

Ban ntsari, ko wi ba kaalam wi te bë mets Nasien-batsi, a bu yep upibanaani ank! Kaats upibanaani wi ka wëla wi bukul, un cits wi wi Jonas wun.” A uu ba, a na ruk bukul, a na pën atsëp.

MATEU 17:17

A Yeesu yankësul, aja: “Ind bañaan uwal wi, ko wi nda ranj wi uwak, a nda colandëts bëga! Mán ci ni ind te lum-i? A ndu miira ind te lum-i? Tsíjiin nul tsi.”

MATEU 23:33

Ko wi nda ci wi ngëko-pëtsats, uraasa ngëkarar! Um bi ndu buer bun tsi pëlacana pa nfeernu?

MARKU 8:38

Par, nan kawee tsi uleka nji ni irim nji tsi bañaan ntsari biki, ba mabats biki tsi Nasien-batsi a ba ciind bajuban, Abuk ñaan-najin buts, kee kawa tsi ulekaul ubiul ni ngëwaanju ngëyëman di përëmb Asin.”

LÚKAS 16:28

par man ka bañaan kañan biki wund tsaar biki; na leentsan bukul, pa ba rits bi buts tsi tsëko unoor tsëwiak tsi.’

LÚKAS 21:36

Nda waayan, nda ñaanan tsi uwal un ci wi-ba këci, pa ind pëka uyëlan pëbuërëna tsi ngëko ngan ka ngi pëbaandi bëlieng, pa ind pënats tsi bërun Abuk ñaan-najin.”

KAKÚRAN-KAWAR YEESU KRISTU BI JOŊ LEENŢ BI KUL AJA 21:25

Aka buts ngëlon ngëcumal ngi Yeesu ro ngi. Uci nga ro picana bëlieng uloole uloole, man fiaar, ngëlíbëru ngi kan picana ngi, di ka yëla ŋal umundu upëban.

NGËRO 10:42

A na tsu wund pëleents bañaan përim, ni pëpiban u ciul ci-un ni Nasien-batsi rati pëci nawat bayësal pëleents, ni bacäts.

NGËRO 15:32

A Judas ni Silas, bukul ban ci biki bayëlia, liinc-liincan bukul ngëwaas ni irim icumal, a ba tsënk bukul.

NGËRO 20:11

Pol kaka paya, a na tawës pëpom are, na mob tsi pëñakanaan bukul mak, te kafa-unu, na tsëp.

NGËRO 20:2

A na yaana ucaak umënts wun, koo liinc-liincan bafets Yeesu ni irim icumal, na pën atsëp Gëreesia,

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

NGËRO 20:24

Maa, nji n tsuuts ubiira nji ko un ka wi bëkat, uci pëjaa man túk pëtuk nji uwar, a n do uwar uleemp wi Yeesu, Ajug, wëlin wi përo, nji pëci naleents Upetsan-uwar, uleka bëtseend Nasien-batsi.

NGËRO 20:9

A ulon upaas wi ka n jaka wi Eutiiku ro tsoar tsi ujaneela a nuu ŋënd. Bi Pol mob bi tsi uñakan ajon, a bëŋooy peul, a na pëni di ruëts mtaal mwaajantsan ee yër; a bu kë jejul, na cäts ba.

NGËRO 28:23

A ba tsu unu ni Pol. Tsi unu umënts wun, a ba cumi ee jëk ni Pol di katoul, ki bëfa te bëtakala, na leents bukul uleka pësien Nasien-batsi ajëntsan. A nuu tsas pëtsu bukul ba niiran uleka Yeesu, bi na ci bi tsi pëñakan tsi uleka ulua-Moises, ni bayëlia.

NGËRO 4:36

A Juse, nul ni bapostolu tsui katim, Barnabas, uci wi, (abuk kawël katëb). Nul abofëna tsi pëbuka Lewi a na pënë-ni Cipëri,

2 KORINTU 5:20

Bi u ci bank, wund aci baciir Këristu, a wund biki Nasien-batsi ruuni ind bukun. tsi katim Këristu, wund abuara ind nda teelari ni Nasien-batsi.

2 KORINTU 6:17

Wul ka wun Ajug ja: “Ind, nda pëni tsi pëncuaf bukul! Nda patsësaan bukul! Ind tsë kërara ko un tsop wi, din, ka welan ind.

GALAASIA 5:3

Man ja ind kak, ñaan na niirani-ba këniiran pëwelana kambac, aka na roon në mob tsi përo ngëko ngi ulua tsu ngi bëlieng.

EFEESU 4:17

Wul ka wun, ko wi, wi n du n ja wun, a ndu n leents wul tsi Ajug: Ind tsë kaka yandaar bi ban cits bukunk Bajudeu kë yandaar bunk tsi ngëwejats bukul bërier bukul ngan kaats ngi bëkat.

FILIIPUS 2:15

Ndë ci ba lacäts biki, ndë ciind bajëntsal. Ndë ci upäts Nasien-batsi ban kaats biki ulaci tsi pëncuaf bañaan uwal wi, ban ci biki baniamëlan ni bacolats ubiira. Nduu fiets tsi wul pi ngëpesaj tsi umundu,

1 TESALONIKA 2:11

A bi nda me bunk, bi wund ro bi tsi uleka kara ñaan tsi ind, aci bi niints kë ro bunk tsi uleka upätsul.

1 TIMOTEU 4:16

Rukan ibats uwar tsi wi, ni tsi bëjukanu, kuu tambandar tsi ko wan. Par, uci kë ro ank, kii bueran beenu, ni bacikëndënu.

1 PER 5:12

Aci Silwaanu, nul natsaar ni ind na mobi tsi uwak, ni fiaari, nul tsënkin un a n picandëri ind uletar uties wi, pa pëliinc-liincan ind ngëwaas, ni pëleents ind u ci tsi bëtseend Nasien-batsi bëcär, bi nda ciina bun.