NGËRO 2:4 - KARÚK-PËRIM KAWALU Nouveau Testament

⁴ A ba cum bëlieng Uwejats-ujënts, a ba ci tsi pëñakan mlon mleents, bi Uwejats tsu bi bukul pëyëlan pë ñakan.

NGËRO 2:4 ပူးပေါင်းရင်းမြစ်များ

MATEU 10:19

A utsëpanda ind kawat-pëleents, ind tsë wejats bi ndu ñakan bi, ni bi ndu ja bi. Par, tsi uler umënts, ndu leentsa ko wi ndu ja wi.

MARKU 16:17

A ngëpibanaani ngi, ka ci ngun ni ba Uwak biki: Tsi katim nji, bu koo ruak ngëcaay, bu koo ñakan mleents mwalu,

LÚKAS 1:15

Par ka ci ñaan nawiak tsi bërun Ajug. Di ka raan ubiiñu, nin pëwat pëyëk. Ka wama ci di pëpës aninul, Uwejats ujënts ka cumul.

LÚKAS 1:41

Elisabet kë te Maaria wël mboos, napäts raŋar di pëpësul; Elisabet cum ni Uwejats-ujënts.

LÚKAS 1:67

Sakaria, asin napäts, cum ni Uwejats ujënts, na car aleents përim, aja:

LÚKAS 12:12

Par, uwal umënts, Uwejats ujënts ka leents ind ko wi ndu ja wi.”

LÚKAS 21:15

Par nji, mán wël ind irim ni kameko, pa nin naloole tsi babër ind tsë yëlan pëliincandër, nin pëpok ni irim.

LÚKAS 4:1

Yeesu, bi na cum bi Uwejats-ujënts, na pëni di kajara bërëk Jordan pëwitsee. Uwejats tsëpandul ulaalats;

KAKÚRAN-KAWAR YEESU KRISTU BI JOŊ LEENŢ BI KUL AJA 14:26

Maa natsënk ka bi, nul Uwejats-ujënts, wi Asin nji kë wëtani wi tsi katim nji. Wul kee jukan ind wun ngëko bëlieng; u tsu ind pëles ngëko bëlieng ngnja ind ngi.

KAKÚRAN-KAWAR YEESU KRISTU BI JOŊ LEENŢ BI KUL AJA 20:22

Bi na ba bi pëja ko wan, a na futsar bukul, na ja bukul: “Nda yankan Uwejats-ujënts.

NGËRO 1:5

Par Joŋ amijanaan mlik, maa ind, tsini ngënu ngi, ndu mijana di Uwejats-ujënts.”

NGËRO 1:8

Maa ndu yank pëyëlan, uwelee Uwejats-ujënts tsi ind, din ndë ci bamaatir ngëmíñ, di Jerusalem, unk buts di Judeeya bëlieng, ni di Samaaria, te di ngëntsañi umundu.”

NGËRO 10:46

Par, bë te bu kë ñakan mleents, a bu kë rëmban Nasien-batsi. Din a Per yjankema aja:

NGËRO 10:47

“Ba yank bikink Uwejats-ujënts pinja ane ñaan yëlan pëlaaŋ bukul pëmijana tsi mlik-a?”

NGËRO 11:15

Maa, bi kur bi uñakan, Uwejats-ujënts welee tsi bukul, bi u welee bunk tsinja tsi ujuundi.

NGËRO 11:24

Par aci niints na waree, na cum Uwejats-ujënts, ni uwak. A kandënd bañaan kawiak ruka ci ni Ajug.

NGËRO 13:52

Maa, bafets Yeesu ban ci biki di Antiookia, cum ni ulílan ni Uwejats-ujënts.

NGËRO 13:9

Din, a Sol ni ka n jakee buts Pol, cum ni Uwejats-ujënts, a na kaŋanul këkës,

NGËRO 15:8

A Nasien-batsi, na mei ngëwaas bañaan, na piban na lílandër bukul bi na wël bi bukul Uwejats-ujënts buts pinja;

NGËRO 19:6

A Pol paf bukul iñan, Uwejats-ujënts welee tsi bukul, a bu kë ñakan mmëlents, bu kë leentsand ngi kan bi ngi.

NGËRO 2:11

ni Bajudeu, ni bañaan ngëcaak ba niaj biki bëga Bajudeu, ni bañaan Këreeta ni Araabia; a ngë te bu kë ñakan tsi mleents nja uleka ngëko Nasien-batsi ngëpikranuël.”

NGËRO 2:3

Din ko cili pi indiamënt bërua a i gara pafar tsi kara ñaan tsi bukul.

NGËRO 4:31

Bi ba ba bi bëñaan, a tsëko tsi ba jukëna tsi siintsar, a ba cum bëlieng Uwejats-ujënts, bu kë leents përim Nasien-batsi ni bëyeentsal.

NGËRO 4:8

A Per, nan cumi Uwejats-ujënts, ja bukul: “Bawiak bañaan-ucaak, ni bawiak Bajudeu,

NGËRO 6:3

Maa, batsaar ni wund! Nda ratan bayënts paaj ni nalon tsi ind, biki ka n jaara biki ngëwar, a ba cum Uwejats-ujënts ni kameko, nja ka tsu bukul tsi uleemp wi.

NGËRO 6:5

A kandënd lílandër irim bapostolu, a ba rat Estefan, niints nan cumi uwak ni Uwejats-ujënts, ni Filip, ni Përokoru, ni Nikanoor, ni Timon, ni Parmenas, ni Nikolas nan pënë-nii Antiookia, na ro ci nafets bëga Bajudeu;

NGËRO 6:8

A Estefan cum bëtseend ni pëyëlan, a nuu ro ngëko ngan pikran ngi, ni ngëpibanaani ngëwiak tsi pëncuaf bañaan.

NGËRO 7:55

Maa, Estefan cum Uwejats-ujënts, na kaŋan këkës di batsi, a na win përëmb Nasien-batsi, a Yeesu nats tsi kariir Nasien-batsi.

NGËRO 8:17

Din, a Per ni Joŋ paf bukul iñan, a ba yank Uwejats-ujënts.

NGËRO 9:17

A Ananias tsëp ee niaj di kato, a na paful iñan na ja: “Natsaar ni nji Sol! Ajug yëliin un, nul Yeesu nan cili unk tsi wi, bi kë bi bi di bëga; pa wi pëkak puu win, kë cum Uwejats-ujënts.”

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

1 KORINTU 12:10

u wël nalon përo ngëko bawitsa; u wël nacints pëleents nga meaatsa ngi; u wël nalon kak pëyëkëran ngëkoraar ngëwejats; u wël nacints kak pëñakan ngëkoraar mleents; a nalon, u wëlul pëpaci ko wi mleents ja wi.

1 KORINTU 13:1

Ŋal koo n ñakan mleents bañaan-bajin, ni ngi ngëwaanju, maa uci n kaats bëŋal ka ci pi pëfeeru ka cajës pun, oo pi usiinu ka las wun.

1 KORINTU 13:8

Bëŋal di ka ba yaas. Maa uci kaleents nga meaatsa ngi ci, kee ka ba. Uci mleents ci, kee nga paaraar. A uci ume ci, kee u ba,

1 KORINTU 14:18

Mán baran Nasien-batsi, par man pe ind bëlieng pëñakan mleents ngëtsooŋ.

1 KORINTU 14:5

Nji man do ŋal ind bëlieng puu ñakan mleents ngëtsooŋ, maa man pe pëŋal ind puu leentsi nga meaatsa ngi; par ni ka leentsi u meaatsa wi, ape ni ka ñakani mleents ngëtsooŋ, uroko uci nuu pac irim i nuu ñakan yi, pa pëliinc-liincan Ngëriisia.

EFEESU 3:19

ni pëme bëŋal Këristu ban par bi ume un ciwi-ba këci, pa ind pëwëla nda kësan te ndë cum Nasien-batsi.

EFEESU 5:18

Ind tsë kuj pëwat, pul aci kacok ubiira; maa nda cuman ni Uwejats-ujënts.

EFEESU 6:18

Nda moban tsi bëñaan tsi Uwejats-ujënts ngëwal bëlieng, ni tsi puu yep. Nda tambandari pëwaay tsi ko umënts wan, ni tsi puu yep pa bayëman bëlieng.

1 PER 1:12

Bukul bu pibana u cits pa bukul bërier bukul, maa ind biki ba leempar bukun ngëko ngi nda leentsa ngi inkri; a baleents Upetsan-uwar leentsëna ind ngul tsi pëyëlan Uwejats-ujënts u wëtanee wi di batsi. Ngëko ngëmënts ngi, ngi ngëwaanju ŋal ngun pëjuunkats.

2 PER 1:21

par yaas a përim pi bayëlia leents pi ka pënë-ni tsi uŋal ñaan-najin, maa Uwejats-ujënts tsu wun bañaan a ba ñakan uleka Nasien-batsi.