NGËRO 2:22 - KARÚK-PËRIM KAWALU Nouveau Testament

²² Bayënts Israel, nda cikëndëni irim yi! Yeesu Kanpënë-ni-nasaret, niints ni Nasien-batsi niirani tsi bërun ind, tsi undo bawitsa, tsi ngëko ngan pikran ngi, ni ngëpibanaani ngi Nasien-batsi roona ngi tsi nul tsi pëncuaf ind, ind bërier nda me;

NGËRO 2:22 ပူးပေါင်းရင်းမြစ်များ

MATEU 12:28

Maa, uci u ci Uwejats Nasien-batsi wi duu ruakëna wun ngëcaay, ndë me, ne pësien Nasien-batsi abaandi tsi ind.

MATEU 2:23

Ubandul, a na ciina përaasa pi kanjaka pi Nasaret, pa u ci ko wi bayëlia ro wi ja; iink di ba ja run: “Kee ru jaka, ‘Kanpënë-ni-nasaret.’”

MATEU 9:8

Bi indënd bañaan win bi ko umënts wun, a ba lënk mak a bu kë bëndan Nasien-batsi, nul na wëli bañaan pëyëlan pi pëmënts pi.

LÚKAS 11:20

Maa, uci u ci pëkuanj Nasien-batsi pi ndu nduakëna pun ngëcaay nga pën di bañaan, ndë me, pësien Nasien-batsi abaandi tsi ind.

LÚKAS 18:37

Na jaka aci Yeesu, Kanpënë-ni-nasaret, ka par un.

LÚKAS 24:18

Din a nalon tsi bukul, ni ka n jakee Kleopas, jaul: “Tsi ban ci biki di Jerusalem, aci wi kooru meets un ngëko ngan par ngi ngënu ngi!”

KAKÚRAN-KAWAR YEESU KRISTU BI JOŊ LEENŢ BI KUL AJA 1:45

A Filip win Natanael, a na jaul: “Wund awin nan picana unk ulekaul tsi ulua-Moises, ni tsi ngi bayëlia pican ngi: aci Yeesu Kanpënë-ni-nasaret, abuk Juse.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:37

Uci n doots ngi Asin nji, ind tsë wak tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 11:47

A bawiak-bajakan, ni Bafariseu, ru kato kawat-pëleents kawiak ba júk, a ba ja: “Wee ngë ci-un tsi përo? Ñaani aci tsi përo ngëpibanaani ngëcumal.

KAKÚRAN-KAWAR YEESU KRISTU BI JOŊ LEENŢ BI KUL AJA 12:17

A kandënd bañaan bando bukunk ci ni Yeesu, bi na rui bunk Lasaru di pëbuk a na natsee tsi bacäts, kë leents ko undolaa wi.

KAKÚRAN-KAWAR YEESU KRISTU BI JOŊ LEENŢ BI KUL AJA 15:24

Uci ndoots ndo tsi pëncuaf bukul ngëko ngi ñaan netse ngi ro yaas, bë bitse ka ka ujuban. Maa, inkri bu win ngul, a ba ñaasin, a ba ñaas Asin nji.

KAKÚRAN-KAWAR YEESU KRISTU BI JOŊ LEENŢ BI KUL AJA 19:19

A Pilaatus pican përim atsu di ruets kruus; iink di pa ci run: “YEESU KANPËNËNI-NASARET, NASIËN BAJÚDEU.”

KAKÚRAN-KAWAR YEESU KRISTU BI JOŊ LEENŢ BI KUL AJA 3:2

Atsëp ri Yeesu bërëm, a na jaul: “Rabi, wund ame m ci najukan nan pënë-nii di Nasien-batsi, par ñaan yëlanats përo ngëpibanaani ngi kë ro ngink, uci Nasien-batsi cits ni nul.”

KAKÚRAN-KAWAR YEESU KRISTU BI JOŊ LEENŢ BI KUL AJA 4:48

A Yeesu jaul: “Uci nda winats ngëpibanaani, ni ngëko ngan pikran ngi, nda ri ka wak, yaas.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:36

Maa nji, ko wi n ka wi pa pëleents, ape wi Joŋ. Par, ngi Asin nji wëlin ngi përo n ba, ngul, ngi n ci ngink tsi përo, apiban uleka nji, u ci Asin nji yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 6:14

Bi bañaan win bi bawitsa bi Yeesu ro bi, a ba ja: “tsi ucär, ni ci-un Nayëlia nan ka unk pëbi tsi umundu.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:27

Ind tsë leempar bariala bi kan coka bi, maa nda leempari bariala bi kan ci bi pa ubiira un dits wi ka ba, bul bi Abuk ñaan-najin kë wël ind bi. Par, nul ni Nasien-batsi, Asin, markaar un ni tampoŋul.”

KAKÚRAN-KAWAR YEESU KRISTU BI JOŊ LEENŢ BI KUL AJA 7:31

tsi ko wan, a bacumal ban ci biki tsi kandënd bañaan wak tsi Yeesu, a bu kë ja: “Ubaandi Këristu, ane ka ro ngëpibanaani ngëwiak, ngan pe ngi ngi niints ni ro ngink-a?”

KAKÚRAN-KAWAR YEESU KRISTU BI JOŊ LEENŢ BI KUL AJA 9:33

Uci namëntsi roots pënë-ni tsi Nasien-batsi, bitse ka yëlan përo ko.”

NGËRO 13:16

A Pol natsa, na taar bukul kañan pa ba yëŋandar, na ja: “Bayënts Israel, ni ind ba lënk biki Nasien-batsi, nda cikëndëni-e!

NGËRO 14:27

Bi ba band bi Antiookia, a ba jukëlan bañaan Ngëriisia, ba leents bukul ngëko ngi Nasien-batsi ro ngi ni bukul, ni bi na waants bi ban cits biki Bajudeu pëlëman uwak.

NGËRO 2:19

Mán do ngëko ngan pikran ngi di ruëts batsi, ni ngëpibanaani tsi utsia tsi: Pëñaak, bërua, ni uwamël urú.

NGËRO 2:43

Uja kara ñaan në lënk; a bapostolu kë ro ngëko ngëcumal ngan pikran ngi, ni ngëpibanaani.

NGËRO 21:28

Bu kë lië koo ja: “Bayënts Israel, nda tsënk wund! Niints ni, ci un ni ka yaani ngëcaak bëlieng koo jukan pënatsara bañaan, pënatsara ulua, ni pënatsara tsëko tsi; nul bërierul aniajandi Bagërek di kato-kayëman, a na tsopan tsëko-tsëyëman tsi.”

NGËRO 22:8

A njankëma aja: ‘M ci yën, Ajug-a?’ A pa jain: ‘Nji n ci-un Yeesu Kanpënë-ni-nasaret, ni kë noor-noorani.’

NGËRO 24:5

Par, wund awin niintsi ci nagëbëlan, a nuu tsiji pëŋom tsi pëncuaf Bajudeu ban gara biki ajëk umundu; a na ci buts nawiak itawar bëjukan bañaan Nasaret ban pats bi.

NGËRO 26:26

A n du n ñakan ni bëyeentsal tsi bërun Agëripa, nasien, par man me na me ko wan bëlieng, a me u kaats nin ko wi na meets wi; par ko wan dolaatsa tsi kambeku.

NGËRO 26:9

Tsi ucär, man do ja ne man ka përo ngëko ngëcumal pa pëkaman katim Yeesu, nul Kanpënë-ni-nasaret.

NGËRO 3:12

Bi Per win bi ko wan, a na ja bañaan: “Bayënts Israel, we ka wun a nda pikra tsi ko wi? Oo, we ka wun nda kaŋani wund këkës pi aci pëyëlan wund, ni kayëk-ipës wund, ki wund tsuuna kun niintsi a nu yandaar?

NGËRO 3:6

Maa, Per jaul: “Nji n kaats nin uncaam, nin uwëru; maa ko wi n ka wi, mán wëlu wul: Tsi katim Yeesu Këristu Kanpënë-ni-nasaret, natsaan kë yandaar!”

NGËRO 4:10

ind bëlieng, ni bañaan Israel bëlieng, nda mean uwar, niints na nats ink tsi bërun ind, ayësanaana tsi katim Yeesu Këristu, Kanpënë-ni-nasaret, nul ni nda rieŋi di kruus, a Nasien-batsi natsaniul di bacäts.

NGËRO 5:35

a na ja bukul: “Bayënts Israel! Nda roan bëwaar tsi ko wi nduu ro wi bañaan biki.

NGËRO 6:14

par wund ateul a nuu ja: Yeesu namëntsi, nul Kanpënë-ni-nasaret, ka gar kato-kayëman, në bëtan undimaan wi Moises wëlnjawi.”

2 KORINTU 12:12

Ngëpibanaani pëci Napostolu arolaa tsi pëncuaf ind, umiira tsi mteenamana man ci mi ba këci, tsi ngëpibanaani tsi ngëko ngan pikra n ngi, ni tsi pëyëlan.

BAYEBËREU 2:4

A Nasien-batsi kë piban pul tsi ngëpibanaani, ni tsi ngëko ngan pikra n ngi, ni tsi ngëko bawitsa ngan ci ngi ba këci, ni tsi ngëtseend Uwejats-ujënts, ngan faa ngi bi na ŋal bi ja.