8 A Pol ro këlí këwaants, nuu niaj kato-kajuki koo ñakan ni bëyeentsal, bu kë totëlar irim; a nuu këmand pëtsu bukul ba niiran uleka Pësien Nasien-batsi.
A tsi bamënts biki buts a na pibandar na kak aci nayësal, ni ngëpiban gëcumal bi na ba bi unoor, a nuu cili tsi bukul tsiun ngënu ngëntaaja ngëbaakër gun, a nuu ñakan ngëko pësien Nasien-batsi.
Din, Pol ni Barnabas ñakanaan bukul ni bëyeentsal, aja: “Ind ka bukun pëleentsa përim Nasien-batsi ucak; maa, bi nda bër bink pul, a nda wejats bërier ind pëja nda tsënkaants pëyank ubiira un dits wi ka ba, inkri wund ka witsësa pa ban cits biki Bajudeu.
Apolos kur pëñakan ni bëyeentsal di kato-kajuki. Maa, Priskila ni Akiilas kë teul, ba tsëpandul kato bukul; a ba pe pëjëntsan pëleentsul bëga Nasien-batsi uwar.
A Pol ja kara Unu-pënaakësa në ci tsi bëcii ni bukul di kato-kajuki, a nuu totëlar irim ni Bajudeu ni Bagërek, nuu këmand pëtsu bukul pa ba baaraan pëniiran.
Maa, bi balon tsi bukul ci bi tsi katamb-iyeen, bë wakats, a bu kë ja ngëko nga waraatsa ngi uleka Bëga Ajug tsi pëncuaf bañaan bacumal mak. A Pol pën tsi bukul, a na tsëpand ba uwak bukunk, a na ja kara unu nuu totëlar irim ni bukul di ikol Tiraanu.
A ba tsu unu ni Pol. Tsi unu umënts wun, a ba cumi ee jëk ni Pol di katoul, ki bëfa te bëtakala, na leents bukul uleka pësien Nasien-batsi ajëntsan. A nuu tsas pëtsu bukul ba niiran uleka Yeesu, bi na ci bi tsi pëñakan tsi uleka ulua-Moises, ni bayëlia.
Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.