NGËRO 18:8 - KARÚK-PËRIM KAWALU Nouveau Testament

⁸ Maa Kërispu, nawiak kato-kajuki, awak tsi Ajug ni bañaan katoul bëlieng. A bañaan Korintu bacumal biki kan cikëndën biki Pol wak tsi Ajug, a ba mijana.

NGËRO 18:8 ပူးပေါင်းရင်းမြစ်များ

MATEU 28:19

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts;

MARKU 5:22

A nalon tsi bawiak kato-kajúki baandi tsi Yeesu, ka jaka Jairus. A nu win Yeesu, na yër tsi itsiimul,

MARKU 5:35

Bi na wama bi ka ñakan, balon ban pëni biki kato nawiak kato-kajúki baandi, a ba jaul: “Abuku ŋaats acӓts; we ka wun a m wama ka nooran Nawiak?”

NGËRO 10:2

Aci niints nawar, na lënk Nasien-batsi, nul ni bañaan katoul bëlieng, a nu wël bañaan bëtseend mak, nu ñaan Nasien-batsi kara unu.

NGËRO 11:14

nii leentsu irim i kan bëëranu yi, wi ni bañaan katou bëlieng.’

NGËRO 13:15

Bi ba ba bi bëjuk ko un pica wi tsi Utsua, ni tsi ko wi bayëlia pic wi, a bawiak kato-kajuki ja bukul: “Batsaar ni wund, uci nda ka pëlon përim pa pëliinc-liincanaan ngëwaas bañaan, nda ñakani pul.”

NGËRO 16:34

Din, a na tsëpand bukul katoul, na tsoaran bukul bariala. Na ci ni ulílan mak undo awak tsi Nasien-batsi, nul ni bañaan katoul bëlieng.

NGËRO 18:1

Upar ngëko ngan, Pol pën di Ateenas a na tsëp Korintu.

NGËRO 18:17

Din, a Bajudeu bëlieng yërand Sostenes nawiak kato-kajuki, koo tucanul tsi bërun kato kawat-pëleents; maa Gaaliu teenats koon këteen ngëmënts ngan.

NGËRO 19:1

Aci uwal wi Apolos ci wi di Korintu, wi Pol par-ni wun bametsu pëboos abaandi Efeesu. Na tsënk rul balon ba uwak biki,

NGËRO 8:12

Maa, bi ba fiaar bi Filip, nul na leentsi bukul Upetsan-uwar tsi uleka Pësien Nasien-batsi, ni uleka katim Yeesu Këristu, ba mijana, bayënts ni bakaats.

1 KORINTU 1:2

pa Ngëriisia Nasien-batsi ngan ci ngi di Korintu, ban jëtsanana biki tsi Këristu Yeesu, ban duura biki pëci, ni ba nja biki ba roon tsi ngëleka bëlieng, bu kë ru bëlieng katim Yeesu Këristu, Ajug nja; aci Ajug bukul a na ciind níic nja.

2 KORINTU 1:1

Pol, Napostolu Këristu Yeesu tsi uŋal Nasien-batsi; ni Timoteu na tsaar ni nja tsi uwak, pa Ngëriisia Nasien-batsi ngan ci ngi di Korintu, ni bayëman bëlieng ban ci biki di Akaaya bëlieng.

2 KORINTU 1:23

Inkri, nji mán du Nasien-batsi në ci namaatir tsi undo ubiira nji; aci-undo pëjojan ind ka wun n witsaatsee Korintu.

2 KORINTU 6:11

Ind Bakorintu, wund aleents ind ajëntsan; ngëwaas wund awaantsa mak pa ind.

2 TIMOTEU 4:20

Eraastu arukee di Korintu. Man duki Troofimu di Mileetu, amaak.