NGËRO 18:26 - KARÚK-PËRIM KAWALU Nouveau Testament

²⁶ Apolos kur pëñakan ni bëyeentsal di kato-kajuki. Maa, Priskila ni Akiilas kë teul, ba tsëpandul kato bukul; a ba pe pëjëntsan pëleentsul bëga Nasien-batsi uwar.

NGËRO 18:26 ပူးပေါင်းရင်းမြစ်များ

BAYEBËREU 6:1

Wul ka wun, nda ju ngë wëtan bëjukan ngëko ngëcäk tsi uleka Këristu, nja ka pënar ngëko këjëŋal. Nja tsë tsu kak ucak-cakan, un ci wi, kayaar-ibats tsi uleka ngi ñaando ngi, ngi kan tsëpandul ngi pëcäts, ni un ci wi uwak tsi Nasien-batsi,

1 KORINTU 12:21

Pëkës kats pëja kañan: “Nji n fieratsu.” Ŋal been di ka ja itsiim: “Nji n fierats ind.”

NGËRO 18:25

Aci nan juki mak tsi bëga Ajug, na baar ibatsul tsi pëleents përim a nuu jukan ko u mab wi tsi uleka Yeesu; bëmijan Joŋ baŋ bi na me bun.

NGËRO 14:3

Pol ni Barnabas ro rul ko un jon wi, bu kë ñakan ni bëyeentsal tsi uleka Ajug. Ajug baaraan pëpiban përim pi bu kë leents pi tsi uleka betseendul ci ucär; a na tsu bukul bu kë ro ni iñan bukul ngëpibanaani, ni ngëko ngan pikran ngi.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!

1 KORINTU 3:18

Ñaan tsë fal beenul. Tsi pëncuaf ind, uci nalon ñaan tsu beenul pëci nameko tsi umundu wi, na ciin nafuur, pa na kak na ci nameko.

NGËRO 28:23

A ba tsu unu ni Pol. Tsi unu umënts wun, a ba cumi ee jëk ni Pol di katoul, ki bëfa te bëtakala, na leents bukul uleka pësien Nasien-batsi ajëntsan. A nuu tsas pëtsu bukul ba niiran uleka Yeesu, bi na ci bi tsi pëñakan tsi uleka ulua-Moises, ni bayëlia.

NGËRO 8:31

Na yankës aja: “Um di n yil run pëme uwar, uci ñaan pibanatsin?” A na buara Filip na paya nii tsoar ni nul.

KAKÚRAN-KAWAR YEESU KRISTU BI JOŊ LEENŢ BI KUL AJA 7:17

Uci ñaan ŋal përo uŋal Nasien-batsi, në me ne bëjukan bi apënë-ni tsi Nasien-batsi, oo ne mán ñakan uleka nji bërierin.

LÚKAS 24:27

Na piban bukul ko wi Bëpica n ja wi bëlieng tsi ulekaul, akur-ni tsi ngëlíbëru Moises aa na bandan bukul tsi bayëlia bëlieng.

LÚKAS 19:26

Na ja bukul: ‘Man ja ind: Nan kai, nii wëlaa. Maa nan kaatsi, nii caanaa ŋal ko wi na ka wi.

MARKU 10:15

Mán leents ind ucär: Ñaan na niiranatsi pësien Nasien-batsi pi napäts, yaas a në niaj di pul.”

1 KORINTU 8:2

Uci ñaan wejats pëja ne ame ulon ko, netse me bi nu ro bi a në me wul.

NGËRO 18:18

Maa, Pol kaka ro di Korintu ngënu ngëcumal, a uu ba, na patsësar ni bafets Yeesu, na gija pëtsëp Siiria, na ci ni Priskila, ni Akiilas. A na manc beenul di Senkreeya, undo ko wi na ro wi tsup Nasien-batsi.

NGËRO 19:8

A Pol ro këlí këwaants, nuu niaj kato-kajuki koo ñakan ni bëyeentsal, bu kë totëlar irim; a nuu këmand pëtsu bukul ba niiran uleka Pësien Nasien-batsi.