NGËRO 18:24 - KARÚK-PËRIM KAWALU Nouveau Testament

²⁴ A nalon Najudeu nan ciinee Aleksandëria, baandi Efeesu, ka jaka Apolos. Aci niints nan kai ume, na me Bëpican uwar.

NGËRO 18:24 ပူးပေါင်းရင်းမြစ်များ

TIITU 3:13

Doan ko wi m yëlan wi këtsënk Useenas najukan-ulua, ni Apolos, ko tsë kats bukul tsi bëyaas.

1 KORINTU 4:6

Batsaar ni nji, pa pëtsu ind pëme ngëko ngi uwar, a n pibanaan ngul tsi nji bërierin ni Apolos, pa undo ind pëme uwar ko un picana wi, aja: “Cats paran ko un picana wi;” pa ñaan tsë riang ñaan, në welan nacints.

1 KORINTU 16:12

Uleka natsaar ninja Apolos, ma ñakanaanul mak pa na bi pëwin ind, në ci ni batsaar ni nja maa ko wan netse niajul uwaas inkri; maa uwal wi na jala wi, në bi.

1 KORINTU 1:12

Ko wi n ŋal wi pëja, aja nandooni nuu ja tsi nda ci tsi: “Nji man ci ni Pol” ni kë ja: “Nji man ci ni Apolos” nun kë ja: “Nji man ci ni Seefas” nacints kë ja: “Nji man ci ni Këristu.”

NGËRO 6:9

Maa, balon ban bofëna biki di kato-kajuki, ki ka n jaka ki, ki bafacana, ni bañaan ban pënë-ni biki Sireeni, a balon pëni Aleksandëria, ni balon ban pëni biki Siliisia ni Aasia, ci tsi mantotëlër ni Estefan;

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

2 KORINTU 10:10

Par bë ja: “Ngëletarul a tsij pëyëlan ni uyëlan; maa uwal wi na ci wi ni nja di ka ka uyëlan nin përimul kaats bëkat.”

NGËRO 27:6

A kapëton basondaari tsënk rul bëntsian Aleksandëria, bi kan tsëp bi Itaalia, a na tsu wund pëgija bul.

NGËRO 7:22

A Moises jukana kameko bëlieng, ki bañaan Ejipët, a na ka pëyëlan tsi irimul, ni tsi ngi nuu ro ngi.

LÚKAS 24:19

Na yepar bukul aja: “Ngëko ngëom?” A ba jaul: “Ngëko ngan par ngi tsi uleka Yeesu, Kanpënë-ni-nasaret; nul aro ci niints nayëlia nan kai pëyëlan tsi karo ngëko, ni tsi irim, tsi bërun Nasien-batsi ni tsi bërun bañaan bëlieng.

MATEU 13:52

A na ja bukul: “Wul ka wun, napican-ulua nan ci nafets ngëko pësien batsi, anaam pi nawiak kato nan pënanii ngëko ngëwalu ni ngëjon tsi bëkaul.”

NGËRO 18:28

Par, ni uyëlan irimul, na gaañaar Bajudeu tsi këkës bañaan, bi nuu piban bi tsi Bëpican u ci Yeesu ci-un Këristu.

NGËRO 18:19

A ba band Efeesu, Pol patsësa bukul; nul bërierul na tsëp kato-kajuki ee ci tsi mantotëlër irim ni Bajudeu.

NGËRO 18:21

A upënul na ja bukul përim pi: “Mee n witsee tsi ind bëlon bëyaas, uci u líl Nasien-batsi.” Na gija di Efeesu atsëp.

NGËRO 19:1

Aci uwal wi Apolos ci wi di Korintu, wi Pol par-ni wun bametsu pëboos abaandi Efeesu. Na tsënk rul balon ba uwak biki,