NGËRO 17:4 - KARÚK-PËRIM KAWALU Nouveau Testament

⁴ A balon tsi biki kan cikëndën biki wak, a ba bofëlar ni Pol ni Silas, ni balon Bagërek ba lënk biki Nasien-batsi, ni bakaats bacumal ban rëmbana biki.

NGËRO 17:4 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 7:35

A Bajudeu kë ja tsi ba ci tsi: “tsum tsi namëntsi pënar tsun, tsi ngë yëlanats tsi pëwinul? Ane ka fetsan bayiic nja ban garandar biki aband tsi Bagërek, në jukan bagërek-a?

NGËRO 13:43

Bi bëjuk garandar bi, Bajudeu bacumal, ni ba niiran biki bëga Bajudeu a ba lënk Nasien-batsi, fets Pol ni Barnabas; a Pol ni Barnabas kë ñakanaan bukul a bu kë tsu bukul ba niiran pëtambandar tsi bëtseend Nasien-batsi.

NGËRO 13:50

Maa, Bajudeu sualan bakaats ba lënk biki Nasien-batsi a ba ciind ban dëmbana biki, ni bawiak përaasa, a ba natsara pënoor-nooran Pol ni Barnabas, ba ruak bukul di pëboos bukul.

NGËRO 14:1

Di Ikooniu, Pol ni Barnabas niaj di kato-kajuki Bajudeu, a ba ñakan aa utsu bañaan bacumal mak wak, Bajudeu ni Bagërek.

NGËRO 14:4

A bañaan përaasa tawësar; balon ci pa ujara Bajudeu, a balon ci pa ujara bapostolu.

NGËRO 15:22

Din, a bapostolu ni bajëŋal, ni Ngëriisia bëlieng, baaraan përat bayënts tsi bukul, bu ka yël bukul ni Pol ni Barnabas di Antiookia. A ba rat Judas ni ka n jakee Barsabas, ni Silas, bayënts ban rispitaara biki tsi bafets Yeesu.

NGËRO 15:27

Wund ayëli Judas ni Silas, bu kee leents ind ngëko ngan bërier bukul.

NGËRO 15:32

A Judas ni Silas, bukul ban ci biki bayëlia, liinc-liincan bukul ngëwaas ni irim icumal, a ba tsënk bukul.

NGËRO 15:40

a Pol rat Silas. A bafets Yeesu tergaar bukul tsi bëtseend Ajug, a ba tsëp.

NGËRO 16:3

A Pol ŋal pëtsëpand Timoteu, a na jejul awelan kambac, undo Bajudeu ban ci biki tsi ngëleka ngëmënts ngun, par bukul bëlieng bë me asinul ci nagërek.

NGËRO 17:10

Ujëk bërëm, a bafets Yeesu tsu Pol ni Silas ba tsëp Bereeya. Bi ba band bi rul, ba tsëp kato-kajuki Bajudeu.

NGËRO 17:12

A bacumal tsi bukul wak, ni bakaats Bagërek ban rispitaara biki, a bayënts cum ko uties.

NGËRO 17:14

Tsi uyëk umënts wun, a bafets Yeesu tsu Pol na tsëp kambaŋ bërëk, maa Silas ni Timoteu ruka di Bereeya.

NGËRO 17:17

A nuu totëlar irim di bametsu kato-kajuki ni Bajudeu ni Bagërek ba lënk biki Nasien-batsi, ni bañaan biki kan ci biki buts di kënjëkënts kara unu.

NGËRO 17:34

Maa, a u ka balon bayënts ban wak biki, bu kë ci ni Pol; tsi bukul aci Dioniisiu, nan bofënee tsi bawiak bawat-pëleents, ni nalon ŋaats ni ka n jakee Damaris, ni balon kak.

NGËRO 18:4

A Pol ja kara Unu-pënaakësa në ci tsi bëcii ni bukul di kato-kajuki, a nuu totëlar irim ni Bajudeu ni Bagërek, nuu këmand pëtsu bukul pa ba baaraan pëniiran.

NGËRO 19:10

A ko wan do ngëwaanu ngëtëb, a u tsu ban ciina biki Aasia bëlieng pëte përim Ajug, Bajudeu ni Bagërek.

NGËRO 2:44

Ba wak biki bëlieng ci tsëloole, a ba bofara ngëko ngi ba ka ngi bëlieng.

NGËRO 21:28

Bu kë lië koo ja: “Bayënts Israel, nda tsënk wund! Niints ni, ci un ni ka yaani ngëcaak bëlieng koo jukan pënatsara bañaan, pënatsara ulua, ni pënatsara tsëko tsi; nul bërierul aniajandi Bagërek di kato-kayëman, a na tsopan tsëko-tsëyëman tsi.”

NGËRO 28:24

A u ka balon ban wak biki tsi ko wi na ja wi; maa balon wakats.

NGËRO 4:23

Bi Per ni Joŋ wëtana bi, din a ba witsa di bacints bukul ee leents bukul ngëko ngi bawiak-bajakan, ni bawiak Bajudeu ja ngi bukul bëlieng.

2 KORINTU 8:5

Bukul bu wël apar-paran ko wi wund wejats wi; par ucäk, bu wël iyeen bukul Ajug, a ba ru wël wund tsi uŋal Nasien-batsi.