NGËRO 17:30 - KARÚK-PËRIM KAWALU Nouveau Testament

³⁰ Tsi inkri, Nasien-batsi teenats ka meets ko ija maa inkri, a wël ulai ne bañaan bëlieng kara tsëko ka yaar ibats.

NGËRO 17:30 ပူးပေါင်းရင်းမြစ်များ

MATEU 20:7

A ba yankësul aja: ‘Ñaan jejats wund uleemp.’ A na ja bukul: ‘Ind buts, nda tsëpan ndii leemp di uwoorta nji wi mko ubiiñu.’

MATEU 3:2

koo ja: “Nda yaari ibats, par pësien batsi awokani.”

MATEU 4:17

Pëkur tsi uwal umënts wun, a Yeesu jot pëleents përim, a nuu ja: “Nda yaari ibats, par pësien batsi awokani.”

MARKU 1:15

koo ja: “Uwal aband, pësien Nasien-batsi awokani. Nda yaari ibats, ndë Uwak tsi Upetsan-uwar.”

MARKU 6:12

Din a ba pën, a bu kë leents përim koo ja bañaan ba yaar ibats.

LÚKAS 13:5

Man ja ind, nin a! Maa uci nda yaarats ba ibats, ndë niam bëlieng, bi ba niam bunk.”

LÚKAS 15:10

Man ja ind, unk di ulílan uwiak ci run tsi ngëwaanju Nasien-batsi, undo najuban naloole na yaari ibats.”

LÚKAS 24:47

din kayaar-ibats, pa pëjampësaa ngëjuban, ka leentsaa tsi katimul pa bañaan ban cits biki Bajudeu bëlieng, pëkurëna tsi Jerusalem.

NGËRO 11:18

Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”

NGËRO 14:16

Tsi ngëwal ngan par ngi, Nasien-batsi awët bañaan ban cits biki Bajudeu bëlieng ba fets iga bukul bërier bukul.

NGËRO 17:23

Par, bi du n yaana bi përaasa ind, a win ngi nduu rëmban ngi. A tsi bëgij ulon tsi ngul, ko wi picana wun tsi bël: ‘Aci pa nasien-batsi na meaatsee.’ A ni nda ro ink ka rëmban te nda meetsul, nul ci-un ni n dë leents ind ink.

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

NGËRO 3:19

Nda yaari ibats, ndë witsësee tsi Nasien-batsi, pa ngëjuban ind pëfaawaa

ROOMA 1:28

A bi ba tsuuts bunk ibats tsi ume Nasien-batsi, Nasien-batsi guts bukul tsi kawejats nga waraatsa ngi, a bu kë ro ngan kaats ngi përolaa.

ROOMA 2:4

Oo m be përëmb kawara-uwaasul, ni pi umiiraul, ni pi karo-ngëwarul; nin m yëkëranats kawara-uwaas Nasien-batsi ci pa pëtsuu kë yaar ibats-a?

ROOMA 3:23

par bañaan bëlieng ajuban a ba laaŋa përëmb Nasien-batsi;

ROOMA 3:25

Nul ni Nasien-batsi tsu un, pa pëñaakul pëci ujampësaani ngëjuban tsi uwak; pa nul Nasien-batsi pëpiban bëmabalul undo bi na wët bi pëpikaar bañaan tsi ngëjuban ngandola ngi uwal ujon,

2 KORINTU 7:10

Par pëjuatsan pan pënë-ni pi tsi Nasien-batsi, ka tsiji kayaar-ibats pa pëbuer, kan dits ki ka tsiji pëja, n do me; maa pëjuatsan pan ci pi pi umundu, ka tsiji pëcäts.

1 PER 4:3

Par, uwal wi nda paran wi tsi karo uŋal ban cits biki Bajudeu, aliing; bi nda ro bi wëtandar tsi ngëko katúk-ufuts, ni tsi kari-ngëko, ni tsi ukuj, ni tsi buwaamal, ni pëbaar tsi përaan, ni tsi kajintëla-icap kañutsanuel.