NGËRO 17:24 - KARÚK-PËRIM KAWALU Nouveau Testament

²⁴ Nasien-batsi na leempi umundu ni ngëko ngan ci ngi tsi wul, ci-un Ajug batsi ni utsia; a nul ri ka ciina kato ki iñan ñaan-najin leemp ki,

NGËRO 17:24 ပူးပေါင်းရင်းမြစ်များ

MATEU 11:25

Tsi uwal umënts wun, a Yeesu ja: “Man bëndanu, Paapa, Ajug batsi ni utsia. Par, m bek ngëko ngëmënts ngi, m lawan ngul bameko ni balipal, a m piban ngul upäts uties.

MATEU 5:34

Maa nji, man ja ind: Ind tsë baaja ko; tsi batsi par aci pëtsoari Nasien-batsi,

LÚKAS 10:21

Tsi uyëk umënts wun, Yeesu piban na lílan mak tsi Uwejats ujënts, na ja: “Man bëndanu, Paapa, Ajug batsi ni utsia. Par, m bek ngëko ngëmënts ngi, m lawan ngul bameko ni balipal, a m piban ngul upäts uties. Eey-e, Paapa. Par, ank di m ŋal run wul pëci.

KAKÚRAN-KAWAR YEESU KRISTU BI JOŊ LEENŢ BI KUL AJA 1:1

Tsi ujuundi, përim aci, a përim ci ni Nasien-batsi, a përim ci Nasien-batsi.

NGËRO 14:15

aja: “Bayënts! We ka wun a ndu ro ko wi? Wund aci buts bañaan-bajin pi ind, wund kë wejats pi ind. A wund leents ind Upetsan-uwar, pa ind pëwëtan ngëko ngan kaats ngi bëkat, ndë witsësee pa Nasien-batsi nayësal na leempi batsi, ni utsia, ni bërëk, ni ngëko ngan ci ngi rul bëlieng.

NGËRO 4:24

A ute bukul ko wan, a ba kat irim bëlieng aja Nasien-batsi: “Ajug! Wi leemp un batsi, ni utsia, ni bërëk, ni ngëko ngan ci ngi bëlieng tsi tul,

NGËRO 7:48

Maa, Kanpe pëci di ruets di ka ciina ito i leempëna yi ni iñan bañaan-bajin. Bi nayëlia Batsi ja bi:

ROOMA 1:19

par ko wi ngë yëlan wi pëme tsi Nasien-batsi apibanaa bukul tsi ko un jënts wi, par Nasien-batsi piban un bukul wul.

BAYEBËREU 1:2

Maa tsi ngënu ngëtuami ngi, añakanaan ni nja aparanaan tsi Abuk; nul ni na tsu un pëci narukanda ngëko bëlieng, a nul ni na leempëna un ngëmundu.

BAYEBËREU 3:4

Par kara kato aka na leempi kul; maa Nasien-batsi ci-un na leempi ko un ci wi-ba këci.

UPIBAN 20:11

Din a n win pëtsoari-pësien pëwiak, pëfaacal, ni nan tsoari tsi pul. A utsia ni batsi túk alawanul, a katse ka tsi nguu ci tsi.