NGËRO 16:9 - KARÚK-PËRIM KAWALU Nouveau Testament

⁹ Tsi bërëm, Pol win niints nan ciinee Masedoonia tsi bëwinal, na nats, a na buaraul aja: “Parari Masedoonia, kë tsënk wunk!”

NGËRO 16:9 ပူးပေါင်းရင်းမြစ်များ

NGËRO 10:3

Ulon unu, ko pi ngëler ngëwaants bëtakala, tsi bëwinal, na win uwar ulon uwaanju Nasien-batsi bi tsi nul, a u jaul: “Korneeliu!”

NGËRO 10:30

A Korneeliu yankës aja: “Aro ba ntsari ngënu ngëbaakër, tsi uler pi wi; a n do ci tsi bëñaan, ngëler ngëwaants ngi bëtakala di kato nji; tsi uyëk umënts wun, a nalon niints nats tsi bërun nji, atiema iŋi ijielal,

NGËRO 16:10

Bi na win bi bëwinal bi, uyëk umënts wun wund kë tsas pëtsëp Masedoonia, par wund abaaraan pëme u ci Nasien-batsi rui wund un, pa pëleents rul Upetsan-uwar.

NGËRO 16:12

A wund pëndul atsëp Filiipus, përaasa Masedoonia pëwiak pi bañaan Rooma ro pi kaana. Wund ro ngëwal tsi përaasa pëmënts pun.

NGËRO 18:5

Bi Silas ni Timoteu pëni bi Masedoonia abaandi, Pol baar tsi kaleents-përim a nuu piban Bajudeu u ci Yeesu ci-un Këristu.

NGËRO 19:21

Bi ngëko ngan par bi, a Pol baaraan tsi uwejatsul pëpar-na Masedoonia ni Akaaya, pëtsëp Jerusalem. Na ja: “Uwal wi ci wi rul, man ka pëya Rooma buts.”

NGËRO 19:22

A na yël batëb tsi batsënkul ba tsëp Masedoonia; Timoteu ni Eraastu. Nul na ruka di Aasia ajon dul ko uties.

NGËRO 19:29

A përaasa gëbëlër bëlieng, a ba baar pëloole koo túk pëtsëp tsëko-bëteen. Ba mob Gaayu ni Aristaarku, bacints Pol ban pënë-ni biki Masedoonia.

NGËRO 20:1

Bi barúj par bi, a Pol rui bafets Yeesu na tseend bukul ibats, na patsësar ni bukul, na pën atsëp Masedoonia.

NGËRO 20:3

a na ro rul këlí këwaants. Uwal wi nu yecis wi pëgija pëlutar Siiria, a na me Bajudeu ro pëgungan pa nul, na baaraan pëwitsee bi Masedoonia.

NGËRO 27:2

A wund gija bëntsian Adramiitiu, ba pën pëyaana ikëŋ Aasia; wund tsëp tsi bul, a Aristaarku ñaan Masedoonia nan ciinee përaasa Tesalonika ci ni wund.

NGËRO 9:38

Bi Liida wok bi Jope, a bafets Yeesu te Per ci rul, ba yël bayënts batëb di nul pa pii buaraul ba ja: “Bili di wund ucar!”

ROOMA 15:26

Par Ngëriisia Masedoonia ni ngi Akaaya, bëbaaraan pëwël bëtseend, pëtsënkëna baranj tsi bayëman ban ci biki di Jerusalem.

2 KORINTU 11:9

A uwal wi n ci wi di ind, a n fier, maa in yankats ko ñaan; par batsaar ni nja ban pënë-ni biki Masedoonia tsënki bukun tsi ko wi n katsan wi. A tsi ngëko bëlieng, a n miira; a n miira përits ci ko un dits wi pa ind.

2 KORINTU 12:7

A nji përits cum ni pëbëndan been nji tsi undo ngëko ngëwar mak ngi Nasien-batsi pibanin ngi, a n tsuaa kayu tsi uyamats nji; ulon uwaanju Useetaani atsua pëwaŋin tsi kambakats, pa nji përits bëndan been nji.

2 KORINTU 7:5

Par ŋal uwal wi wund band wi Masedoonia, nin wund kaats pënaakësa; maa, wund kë ci tsi unoor uwiak tsi ngëko bëlieng: “ngëkam di utsand, bëlal tsi bametsu.”

2 KORINTU 8:1

Batsaar ni wund, wund aŋal pëleents ind uleka bëtseend Nasien-batsi di iriisia in ci yi di Masedoonia.

2 KORINTU 9:2

par man me uwar bi nda car bi yecis tsi uŋal ind, a n píc tsi undo ind, tsi bërun bañaan Masedoonia; a nja: “Bañaan Akaaya ayecis ba ki baneki.” A undo bi nda yëkandar bi ko wan, a u liinc-liincan ngëwaas bacumal.

1 TESALONIKA 4:10

A te nda ci tsi përo umënts wun tsi uleka biki ngë tsaar biki, bukul bëlieng, tsi Masedoonia bëlieng. Maa wund abuara ind, batsaar ni wund, ind puu pe këpe përo unk.