NGËRO 16:25 - KARÚK-PËRIM KAWALU Nouveau Testament

²⁵ A uu wokan myëŋ ucaak, Pol ni Silas kë ñaan, a bu kë ya koo bëndan Nasien-batsi, a barica bacints bukun kë cikëndën bukul.

NGËRO 16:25 ပူးပေါင်းရင်းမြစ်များ

JAKOB 1:2

Batsaar ni nji! Tsi unoor wi nda ciina wi ba këciina, nda moban wul ni ulílan un kës wi;

ROOMA 5:3

Cits umënts wan din, maa nja ka tsu buts mbëndandar nja tsi unoor; a ngë me unoor kë tsiji pëtambandër,

BAYEBËREU 5:7

Nul Yeesu, uwal wi na wam wunk tsi umundu wi, a uja ni mliandar, ni mŋand, nuu ñaan, nuu rugar na yëlan unk pëbueranul tsi pëcäts. A na niiranaa, undo alënk Nasien-batsi.

EFEESU 5:19

Nda ru kë jaalar irim tsi uya ubëndan, ni uya ubaran, ni iya tsi Uwejats-ujënts. Nda ru kë ya, nduu bëndan Ajug tsi ngëwaas ind bëlieng;

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

ROOMA 12:12

Nda lílani tsi uwats, ndë ci baja ngëwar tsi unoor, ndë mob tsi bëñaan nda liincan.

1 PER 4:14

A uci nda karaa tsi undo katim Këristu, nda ci ba naak biki, par Uwejats përëmb, un ci wi Uwejats Nasien-batsi, aci tsi ind.

FILIIPUS 2:17

Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

2 KORINTU 6:10

wund kë juatsana ngëwaas ngënu bëlieng, maa wund ci tsi ulílan; wund ci tsi bëranj, maa wund kë tsu bacumal pëci barëmb; wund ban kaats biki ko, maa wund ka ngëko bëlieng.

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

LÚKAS 22:44

Bi na juatsan bi, na ru pe këpe pëmob tsi bëñaan; mcíbiul witsësa ci pi ngëjopat pëñaak ka tolar ngun utsia.]

JAKOB 5:13

Nalon tsi ind aci tsi unoor-a? Na ñaanan. Aka nan ci tsi ulílan-a? Na yaan uya-ubëndan.

NGËRO 15:22

Din, a bapostolu ni bajëŋal, ni Ngëriisia bëlieng, baaraan përat bayënts tsi bukul, bu ka yël bukul ni Pol ni Barnabas di Antiookia. A ba rat Judas ni ka n jakee Barsabas, ni Silas, bayënts ban rispitaara biki tsi bafets Yeesu.

NGËRO 16:19

Bi bawiakul win bi bëkat bi ba watsaraan bi pën, a ba mob Pol ni Silas apuular bukul kënjëkënts tsi bërun bawat-pëleents.

NGËRO 16:33

A nawaay tsëpand bukul tsi uler umënts wun bërëm ee ñawës bukul mlupi; a uu ba, na mijana uyëk umënts wun, nul ni bayiicul bëlieng.