NGËRO 16:12 - KARÚK-PËRIM KAWALU Nouveau Testament

¹² A wund pëndul atsëp Filiipus, përaasa Masedoonia pëwiak pi bañaan Rooma ro pi kaana. Wund ro ngëwal tsi përaasa pëmënts pun.

NGËRO 16:12 ပူးပေါင်းရင်းမြစ်များ

NGËRO 16:10

Bi na win bi bëwinal bi, uyëk umënts wun wund kë tsas pëtsëp Masedoonia, par wund abaaraan pëme u ci Nasien-batsi rui wund un, pa pëleents rul Upetsan-uwar.

NGËRO 16:21

a bu kë jukan undimaan wi wund niiranaatsa wi pëyank, nin përo ko wi u ja wi, par wund aci bañaan Rooma.”

NGËRO 16:9

Tsi bërëm, Pol win niints nan ciinee Masedoonia tsi bëwinal, na nats, a na buaraul aja: “Parari Masedoonia, kë tsënk wunk!”

NGËRO 18:5

Bi Silas ni Timoteu pëni bi Masedoonia abaandi, Pol baar tsi kaleents-përim a nuu piban Bajudeu u ci Yeesu ci-un Këristu.

NGËRO 19:21

Bi ngëko ngan par bi, a Pol baaraan tsi uwejatsul pëpar-na Masedoonia ni Akaaya, pëtsëp Jerusalem. Na ja: “Uwal wi ci wi rul, man ka pëya Rooma buts.”

NGËRO 19:29

A përaasa gëbëlër bëlieng, a ba baar pëloole koo túk pëtsëp tsëko-bëteen. Ba mob Gaayu ni Aristaarku, bacints Pol ban pënë-ni biki Masedoonia.

NGËRO 20:1

Bi barúj par bi, a Pol rui bafets Yeesu na tseend bukul ibats, na patsësar ni bukul, na pën atsëp Masedoonia.

NGËRO 20:3

a na ro rul këlí këwaants. Uwal wi nu yecis wi pëgija pëlutar Siiria, a na me Bajudeu ro pëgungan pa nul, na baaraan pëwitsee bi Masedoonia.

NGËRO 20:6

Upar unu kare-upom un tsijats wi bëko-bëlëntsëntsaani, wund gíjee di Filiipus. Bi u ro bi ngënu kañan, a wund bofëlar ni bukul di Troas aro rul ngënu paaj ni ulon.

NGËRO 27:2

A wund gija bëntsian Adramiitiu, ba pën pëyaana ikëŋ Aasia; wund tsëp tsi bul, a Aristaarku ñaan Masedoonia nan ciinee përaasa Tesalonika ci ni wund.

ROOMA 15:26

Par Ngëriisia Masedoonia ni ngi Akaaya, bëbaaraan pëwël bëtseend, pëtsënkëna baranj tsi bayëman ban ci biki di Jerusalem.

FILIIPUS 1:1

Pol ni Timoteu, baleempar Këristu Yeesu, pa bayëman bëlieng tsi Këristu Yeesu, ban ci biki di Filiipus, bukul ni bawaay, ni batsënk.

FILIIPUS 1:5

undo nda bof tsi uleemp Upetsan-uwar, ki unu ucak te inkri.

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.