NGËRO 16:1 - KARÚK-PËRIM KAWALU Nouveau Testament

¹ A na band buts Deerbi ni Liistra. A u ka nalon nafets Yeesu nan ci rul; ka jaka Timoteu, aci abuk nalon ŋaats Najudeu na waki tsi Yeesu, maa asinul aci nagërek.

NGËRO 16:1 ပူးပေါင်းရင်းမြစ်များ

NGËRO 14:1

Di Ikooniu, Pol ni Barnabas niaj di kato-kajuki Bajudeu, a ba ñakan aa utsu bañaan bacumal mak wak, Bajudeu ni Bagërek.

NGËRO 14:21

Bi ba ba bi pëleents Upetsan-uwar di përaasa pëmënts pun, ni pëtsu bacumal pëci bafets Yeesu, a ba witsa Liistra, Ikooniu, ni Antiookia Pisiidia,

NGËRO 14:6

A ba me ko wan, ba túk atsëp Liistra ni Deerbi, iraasa Likaonia ni ngëcaak ngan fay ngi Likaonia;

NGËRO 17:14

Tsi uyëk umënts wun, a bafets Yeesu tsu Pol na tsëp kambaŋ bërëk, maa Silas ni Timoteu ruka di Bereeya.

NGËRO 18:5

Bi Silas ni Timoteu pëni bi Masedoonia abaandi, Pol baar tsi kaleents-përim a nuu piban Bajudeu u ci Yeesu ci-un Këristu.

NGËRO 19:22

A na yël batëb tsi batsënkul ba tsëp Masedoonia; Timoteu ni Eraastu. Nul na ruka di Aasia ajon dul ko uties.

ROOMA 16:21

Timoteu acints nji tsi uleemp, ni Luusiu, ni Jason, ni Sosiipatros, bukul bayëts nji, bë leeni ind.

1 KORINTU 16:10

Uci Timoteu bi, nda roon bëwaar, pa nul përits ci ni mkaw tsi pëncuaf ind, par uleemp Ajug wi na ciina wun pi nji buts.

1 KORINTU 4:17

Undo ko wi ka wun n wëtandari ind Timoteu, napäts nji ni n ŋali, namob-tsi-përim tsi Ajug; nul ka lesan ind bëga nji bi n yandaaraan bi tsi Këristu Yeesu, ni bëjukan nji, bi n ja bi ndoon koo jukan di kara Ngëriisia di ngëbuuru bulieng.

1 KORINTU 7:14

Par niints na wakats unk, ayëmana tsi undo aarul; a ŋaats na wakats unk yëmana buts, tsi undo ayënul. Uroots ci unk, upäts ind ka ro ci ba yëmanats biki, maa inkri bë ci bayëman.

2 KORINTU 1:1

Pol, Napostolu Këristu Yeesu tsi uŋal Nasien-batsi; ni Timoteu na tsaar ni nja tsi uwak, pa Ngëriisia Nasien-batsi ngan ci ngi di Korintu, ni bayëman bëlieng ban ci biki di Akaaya bëlieng.

2 KORINTU 1:19

Par Abuk Nasien-batsi, un ci wi Yeesu Këristu, cits nan ci Eey-e ni an-a. Maa Eey-e aciina tsi nul! Nul ni wund leents ind un, nji ni Silwaanu, ni Timoteu.

FILIIPUS 1:1

Pol ni Timoteu, baleempar Këristu Yeesu, pa bayëman bëlieng tsi Këristu Yeesu, ban ci biki di Filiipus, bukul ni bawaay, ni batsënk.

FILIIPUS 2:19

Tsi Yeesu Ajug, man wejats pëyëli Timoteu di ind, tsi ko un car wi, uwejats nji ka tsëk, ute nji uleka ind.

KOLOS 1:1

Pol, Napostolu Këristu Yeesu tsi uŋal Nasien-batsi, ni Timoteu nul nan tsaari ni nja

1 TESALONIKA 1:1

A pënni ri Pol, ni Silwaanu, ni Timoteu, pa Ngëriisia bañaan Tesalonika, ngul ngan ci ngi tsi Nasien-batsi, Asin, ni tsi Yeesu Këristu, Ajug. Bëtseend ba wëlaan ind ni pëfac!

1 TESALONIKA 3:2

A wund yëli Timoteu, nul natsaar ni njaa na ci naleemp ni Nasien-batsi tsi pëleents Upetsan-uwar Këristu. Wund ayëliul pa pëliincan ind, ni pëliinc-liincan ind ngëwaas tsi uwak ind,

1 TESALONIKA 3:6

Maa Timoteu ru baandi iink tsi wund, apëni di ind. Atsiji upetsan uwar tsi uleka uwak ind ni bëŋal ind. A na jaand nda ci tsi pëles wund uwar, ngëwal bëlieng, a nda rí pëwin wund, bi wund rí bi buts pëwin ind.

2 TESALONIKA 1:1

Pol, ni Silwaanu, ni Timoteu, pa Ngëriisia bañaan Tesalonika, ngul ngan ci ngi tsi Nasien-batsi, Asini njani tsi Yeesu Këristu, Ajug.

1 TIMOTEU 1:18

Timoteu, napäts nji! Përim pi n du n tsuu pi pëmob, bi u jaka bi tsi irim in car yi aleentsa tsi ulekau, aci wi pëkaman ukam u wara wi, bi irim imënts ja bi;

1 TIMOTEU 1:2

pa Timoteu, napäts nji nacär tsi uwak: Bëtseend ba wëlaanu, ni kayëk-ipës, ni pëfac, pëpën-ni tsi Nasien-batsi, Asin nja ni tsi Këristu Yeesu, Ajug nja.

2 TIMOTEU 1:2

pa Timoteu, napäts nji ni n ŋali: Bëtseend ba wëlaanu ni kayëk-ipës, ni pëfac, pëpën-ni tsi Nasien-batsi, Asin nja ni tsi Këristu Yeesu, Ajug nja.

2 TIMOTEU 1:5

a n lesand uwak un ci wi di wi; kanguungu cits tsi wul. Wul, aro ci bërun di atiemu ŋaats, Lois, a u bi ci buts di aninu Ënis. A n baaraan pëfiaar u ci buts di wi.

2 TIMOTEU 3:11

pënoorana pi n noorana pi, unoor wi n noor wi; uwom unoor wi n noorats wun di Antiookia, di Ikooniu, di Listëra? Pënoor-noorana pëwom pi n miiraatsa pun-i? Maa a Ajug bueranin tsi ngul bëlieng.

FILEMON 1:1

Pol, narica undo Këristu Yeesu, ni Timoteu, nul natsaar ni nja; pa Filemon, na ŋalee a na ciind naleemp ni wund,

BAYEBËREU 13:23

Nda mean, nan tsaari ni nja nul Timoteu, apënanee di ukalabus. Uci na car abaandi, ka bi ni nul pëwin ind.