NGËRO 15:32 - KARÚK-PËRIM KAWALU Nouveau Testament

³² A Judas ni Silas, bukul ban ci biki bayëlia, liinc-liincan bukul ngëwaas ni irim icumal, a ba tsënk bukul.

NGËRO 15:32 ပူးပေါင်းရင်းမြစ်များ

MATEU 23:34

Wul ka wun, a wëtani ind bayëlia, ni bameko, ni bapican-ulua. Nduu fiŋ balon, ndë rieŋ balon di kruus; uja tsi kato-kajúki ind, ndë tucan balon; uja tsi përaasa, ndë natsara bukul koo noor-nooran.

LÚKAS 11:49

Wul ka wun Kameko Nasien-batsi ja: ‘Mán wëtani bukul bayëlia ni bapostolu, bu ka fiŋ balon tsi ba wëtanee biki, bu ka noor-nooran bacints;’

NGËRO 11:23

Bi na band bi, a na win bëtseend Nasien-batsi, na lílan, a na liinc-liincan bukul ngëwaas bëlieng, pa ba mob ba liincan tsi Ajug, di ngëwaas bukul bëlieng.

NGËRO 11:27

Tsi ngënu ngëmënts ngun, balon bayëlia pëni Jerusalem ajúŋee Antiookia;

NGËRO 13:1

Di Ngëriisia Antiookia, aka rul bayëlia, ni bajukan: aci Barnabas, ni Simeon ni ka n jakee buts Niger, ni Lusiu kanpënë-ni Sireeni, ni Manayen, nan kusee tsëloole ni Eroodis nasien kajara Galileeya, ni Sol.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

NGËRO 15:1

A balon bañaan ban pëni biki Judeeya júŋee Antiookia, a ba kur pëjukan bafets Yeesu koo ja: “Uci nda welaatsa kambac, bi ulua-Moises tsu bi, nda ri ka yëlana pëbuër.”

NGËRO 15:22

Din, a bapostolu ni bajëŋal, ni Ngëriisia bëlieng, baaraan përat bayënts tsi bukul, bu ka yël bukul ni Pol ni Barnabas di Antiookia. A ba rat Judas ni ka n jakee Barsabas, ni Silas, bayënts ban rispitaara biki tsi bafets Yeesu.

NGËRO 15:27

Wund ayëli Judas ni Silas, bu kee leents ind ngëko ngan bërier bukul.

NGËRO 15:3

A Ngëriisia ñuatsan bukul, a ba par-na pëboos Feniisia ni Samaaria, a bu kë leents bi ban cits biki Bajudeu niiran bi Yeesu. A ko wan tsiji ulílan uwiak tsi bafets Yeesu bëlieng.

NGËRO 15:31

Bi u jukaa bi, a ba lílan undo bi ba liinc-liincana bi ngëwaas.

NGËRO 15:41

A Pol yaana Siiria ni Siliisia, a nuu liinc-liincan iriisia.

NGËRO 18:23

ee ci rul ko u jon wi. A uu ba, na tsëp pëboos Galaasia ni Fríijia a nuu liinc-liican bafets Yeesu bëlieng ngëwaas.

NGËRO 2:40

A Per leents ngan par ngi ni ilon irim icumal, a na liinc-liincan bukul ngëwaas aja: “Nda buerani iyeen ind tsi bañaan ntsari, bukul ba waraatsa biki.”

NGËRO 20:2

A na yaana ucaak umënts wun, koo liinc-liincan bafets Yeesu ni irim icumal, na pën atsëp Gëreesia,

ROOMA 12:6

A nja, ngë ka ngëtseend ngan patsëlar ngi, bi u ci bi tsi bëtseend bi Nasien-batsi wël nja bi. Uci ñaawëla utseend pa puu leents nga meaatsa ngi, na leempëni wul na liingan tsi uwak;

ROOMA 12:8

uci pa puu liinc-liincan ngëwaas bañaan, na liinc-liincani ngëwaas bañaan; uci pa puu tsënk, na tsëkan ni uwaas un fac wi; uci pa puu mandaar, na mandaari ni uŋal; uci pa puu yëkar bañaan ipës, na roan ank ni ulílan.

1 KORINTU 1:8

Nul ka liinc-liincan ind un te di utuami, pa ind pëci ban dits biki ka leentsara tsi Unu Yeesu Këristu, Ajug nja.

1 KORINTU 14:29

Tsi uleka bayëlia, batëb oo bawaants koo ñakan, bacints kë wejatsar ko wi ba ci wi tsi pëja.

1 KORINTU 14:3

Maa ni ka leentsi u meaatsa wi, ka ñakanaan bañaan, nuu liinc-liincan bukul, nuu tseend bukul ibats, nuu liincan bukul ngëwaas.

1 KORINTU 14:32

Ngëwejats bayëlia, ka cikëndën ngi bayëlia tsu ngi;

EFEESU 3:5

Undo undoots wink mea, wul tsi uwal jon, babuk bañaan-bajin wëlaatsa pëme wul, bi Uwejats Nasien-batsi piban bink wul bapostoluul ni bayëliaul bayëman, inkri.

1 TESALONIKA 2:11

A bi nda me bunk, bi wund ro bi tsi uleka kara ñaan tsi ind, aci bi niints kë ro bunk tsi uleka upätsul.

1 TESALONIKA 3:2

A wund yëli Timoteu, nul natsaar ni njaa na ci naleemp ni Nasien-batsi tsi pëleents Upetsan-uwar Këristu. Wund ayëliul pa pëliincan ind, ni pëliinc-liincan ind ngëwaas tsi uwak ind,

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

1 TESALONIKA 5:14

A wund kë buara ind, ind batsaar ni wund, nda leentsari batsuunk-uleemp, nda liinc-liincani ngëwaas baraf-katsëb, nda tsënkan ban ci biki barafal, nda miiraan bañaan bëlieng.

1 TESALONIKA 5:20

Ind tsë be irim bayëlia.

2 TESALONIKA 3:12

Bañaan pi bamënts bukun, ko wi wund kë tsu wi bukul puu ro, a wund kë ñaan bukul tsi Yeesu Këristu, Ajug, ci wun wi: Ba tsëkan, bu kë leemp, din bu kë rialan iyeen bukul.

1 TIMOTEU 2:1

Bi u ci bank, ko wi n du n ja wi, tsi ucak ko, ci wun wi: Pëmob tsi puu yep, puu ñaan, puu ñaandar, puu baran, pa bañaan bëlieng;

2 TIMOTEU 4:2

Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.

1 PER 5:1

Mán liinc-liincan ngëwaas bajëŋal ban ci biki tsi ind, nji nan ci najëŋal pi bukul, a n ci namaatir ngënoor Këristu; a n bofëna tsi përëmb pan ka pi pëpibana.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 PER 5:12

Aci Silwaanu, nul natsaar ni ind na mobi tsi uwak, ni fiaari, nul tsënkin un a n picandëri ind uletar uties wi, pa pëliinc-liincan ind ngëwaas, ni pëleents ind u ci tsi bëtseend Nasien-batsi bëcär, bi nda ciina bun.