NGËRO 15:3 - KARÚK-PËRIM KAWALU Nouveau Testament

³ A Ngëriisia ñuatsan bukul, a ba par-na pëboos Feniisia ni Samaaria, a bu kë leents bi ban cits biki Bajudeu niiran bi Yeesu. A ko wan tsiji ulílan uwiak tsi bafets Yeesu bëlieng.

NGËRO 15:3 ပူးပေါင်းရင်းမြစ်များ

LÚKAS 15:32

Maa ngë ka ngë roon nja ka lílan, nja ka juc ni ulílan. Par atsau ni, aro cäts, a nul kaki ink nayësal; aro niam, a nul wina ink.’”

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

NGËRO 13:48

A ban cits biki Bajudeu kë te ko wan, ba lílan a ba ci tsi përëmban përim Ajug; a ban do biki jaakara ubiira un dits wi ka ba, wak bëlieng.

NGËRO 13:52

Maa, bafets Yeesu ban ci biki di Antiookia, cum ni ulílan ni Uwejats-ujënts.

NGËRO 14:27

Bi ba band bi Antiookia, a ba jukëlan bañaan Ngëriisia, ba leents bukul ngëko ngi Nasien-batsi ro ngi ni bukul, ni bi na waants bi ban cits biki Bajudeu pëlëman uwak.

NGËRO 15:1

A balon bañaan ban pëni biki Judeeya júŋee Antiookia, a ba kur pëjukan bafets Yeesu koo ja: “Uci nda welaatsa kambac, bi ulua-Moises tsu bi, nda ri ka yëlana pëbuër.”

NGËRO 15:12

A kandënd bañaan yëŋandar bëlieng, a bu kë cínkëndan Barnabas ni Pol, ban ci biki tsi pëleents ngëko ngan pikra n ngi, ni ngëpibanaani ngi Nasien-batsi roona ngi tsi iñan bukul, tsi pëncuaf ban cits biki Bajudeu.

NGËRO 15:22

Din, a bapostolu ni bajëŋal, ni Ngëriisia bëlieng, baaraan përat bayënts tsi bukul, bu ka yël bukul ni Pol ni Barnabas di Antiookia. A ba rat Judas ni ka n jakee Barsabas, ni Silas, bayënts ban rispitaara biki tsi bafets Yeesu.

NGËRO 15:32

A Judas ni Silas, bukul ban ci biki bayëlia, liinc-liincan bukul ngëwaas ni irim icumal, a ba tsënk bukul.

NGËRO 15:4

Bi ba band bi Jerusalem, a bapostolu, ni bajëŋal, ni Ngëriisia welan bukul uwar, a ba leents ngëko bëlieng ngi Nasien-batsi ro ngi ni bukul.

NGËRO 17:15

Ba ñuatsan biki Pol tsëpandul te di Ateenas. A ba witsee pa pii leents Silas ni Timoteu, ne Pol ja ba tsënkul ucar umënts wun.

NGËRO 20:38

Ko un tsu wi bukul a ba juatsan, aci përim pi na ja pi bukul, bë katse ka win urostuul. A ba ñuatsanul te di bëntsian.

NGËRO 21:5

Maa, bi wund paran bi ngënu ngëmënts ngan, wund pën amab bëga pëtsëp; bukul bëlieng, ba ñuatsani wund ni bakaats ni upäts te wund kë ba përaasa, wund jintëla bëlieng tsi kambaŋ bërëk a ñaan.

NGËRO 28:15

A ban tsaar biki ni wund ban ci biki rul te uleka wund, a ba bi te di Përaasa Aapiu, ni di tsëko tsi ka n jaka tsi Ngëloca-ngëwaants, pii jëk ni wund. A bi Pol win bi bukul, a na baran Nasien-batsi, na ci ni bëyeentsal.

NGËRO 8:14

A bapostolu ban ci biki di Jerusalem te u jaka bañaan Samaaria niiran përim Nasien-batsi, ba yël rul Per ni Joŋ.

ROOMA 15:24

a ŋal përo ko wan, uwal wi n pën wi pëtsëp Españ; par man wejats upar nji pëtsëp, ka win ind, ka riusa ind a uu ba, ndë ñuatsanin tsi bëyaas.

1 KORINTU 16:11

Ñaan tsë beul. Maa nda ñuatsaniul tsi pëfac pa na bi tsi nji, par man ci tsi pëlipul, nji ni batsaar ni inja.

1 KORINTU 16:6

Uci u bi yëla bëro ka jon ni ind, oo ka paran uwal ujoonts ni ind, pa ndë ñuatsanin tsi bëyaas bi n ka bi pëya.

2 KORINTU 1:16

a uu ba, ka pën di ind ka tsëp Masedoonia kee pëni di Masedoonia kak ka witsee di ind; pa ind pëyecis bëyaas nji pa Judeeya.

TIITU 3:13

Doan ko wi m yëlan wi këtsënk Useenas najukan-ulua, ni Apolos, ko tsë kats bukul tsi bëyaas.