NGËRO 15:23 - KARÚK-PËRIM KAWALU Nouveau Testament

²³ A ba pican ni iñan bukul aja: “Wund bapostolu ni bajëŋal, ban tsaar biki ni ind, wund awëli ind mboos, ind ban cits biki Bajudeu a nda niiran Yeesu, a nda ciina Antiookia, ni Siiria, ni Siliisia.

NGËRO 15:23 ပူးပေါင်းရင်းမြစ်များ

MATEU 4:24

A katimul jëk ucaak Siiria bëlieng. A bañaan kë rëŋaniul bamoj bëlieng, ba maak biki gëkorar mmaak bëlieng a ba tsijar mak ni ngëliaf bukul: Biki ngëcaay niaj biki, ni bacäts-bëcäts ni balab; a Yeesu yësan bukul bëlieng.

NGËRO 11:18

Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”

NGËRO 11:20

Maa, balon tsi bukul ban ciina biki Cipëri ni Sireeni, bë band Antiookia, ba ñakanaan buts Bagërek, aleents bukul Upetsan-uwar, uleka Yeesu, Ajug.

NGËRO 14:27

Bi ba band bi Antiookia, a ba jukëlan bañaan Ngëriisia, ba leents bukul ngëko ngi Nasien-batsi ro ngi ni bukul, ni bi na waants bi ban cits biki Bajudeu pëlëman uwak.

NGËRO 15:1

A balon bañaan ban pëni biki Judeeya júŋee Antiookia, a ba kur pëjukan bafets Yeesu koo ja: “Uci nda welaatsa kambac, bi ulua-Moises tsu bi, nda ri ka yëlana pëbuër.”

NGËRO 15:2

A Pol ni Barnabas tsij mantotëlër irim ni bukul, ni pëŋom pëwiak; a Ngëriisia baaraan Pol ni Barnabas, ni balon tsi Ngëriisia, pëtsëp Jerusalem di bapostolu ni bajëŋal, pii ñakanaan undo ko wan.

NGËRO 15:22

Din, a bapostolu ni bajëŋal, ni Ngëriisia bëlieng, baaraan përat bayënts tsi bukul, bu ka yël bukul ni Pol ni Barnabas di Antiookia. A ba rat Judas ni ka n jakee Barsabas, ni Silas, bayënts ban rispitaara biki tsi bafets Yeesu.

NGËRO 15:4

Bi ba band bi Jerusalem, a bapostolu, ni bajëŋal, ni Ngëriisia welan bukul uwar, a ba leents ngëko bëlieng ngi Nasien-batsi ro ngi ni bukul.

NGËRO 15:41

A Pol yaana Siiria ni Siliisia, a nuu liinc-liincan iriisia.

NGËRO 18:18

Maa, Pol kaka ro di Korintu ngënu ngëcumal, a uu ba, na patsësar ni bafets Yeesu, na gija pëtsëp Siiria, na ci ni Priskila, ni Akiilas. A na manc beenul di Senkreeya, undo ko wi na ro wi tsup Nasien-batsi.

NGËRO 21:25

Tsi uleka ban cits biki Bajudeu a ba ruka wak, wund apicar bukul ko wi wund baaraan wi, pa bukul përand përe ngëyamats ibool, përand kare pëñaak, ni përand përe ngëyamats ngëcaam ngan bota ngi itsúts a nga cäts, ni përand ngëko katúk-ufuts.”

NGËRO 21:3

Bi wund ruka bi yueran Cipëri, wund rukar dul kajara kamay, wund par pëtsëp Siiria; a wund band Tiiru di bëntsiando ri ka pëgíjësaan pëyunts.

NGËRO 23:26

“Nji Klaudiu Liisias, ma wël iu mboos, wi Felikës, na tsijëna-pëboos, nawiak!

NGËRO 6:9

Maa, balon ban bofëna biki di kato-kajuki, ki ka n jaka ki, ki bafacana, ni bañaan ban pënë-ni biki Sireeni, a balon pëni Aleksandëria, ni balon ban pëni biki Siliisia ni Aasia, ci tsi mantotëlër ni Estefan;

GALAASIA 1:21

A uu ba, a n tsëp këboos Siiria, ni ki Siliisia.

JAKOB 1:1

Jakob, naluek Nasien-batsi ni Yeesu Këristu, Ajug, pa këbuka untaaja kun ni këtëb, kan gara ki jëk umundu: Nda ciin uwar!

2 JOŊ 1:10

Uci ñaan bi tsi ind a na tsijatsi bëjukan bi, ind tsë welanul di kato ind; nin ind tsë jaul: “Baandi uwar!”

2 JOŊ 1:13

Upats ŋaats nan tsaari ni wi, nul nan datee, aleeniu.

2 JOŊ 1:3

Bëtseend ban pënë-ni bi tsi Nasien-batsi Asin, ni tsi Yeesu Këristu, Abuk Asin, ba ciin ni nja ni kayëk-ipës, ni pëfac, tsi ucär ni bëŋal.

3 JOŊ 1:14

Man aac du n winu tsi ko un ucar wi, nja ka mabulër ngë ñakan.