NGËRO 15:20 - KARÚK-PËRIM KAWALU Nouveau Testament

²⁰ maa, ngë picar bukul, pa pëja bukul ba rand mtsopi icap, ni bukul përand ngëko katúk-ufuts, ni përand përe ngëyamats ngëcaam ngan bota ngi itsúts a nga cäts, ni përand përe pëñaak.

NGËRO 15:20 ပူးပေါင်းရင်းမြစ်များ

NGËRO 15:29

Nda randan përe nga n jakana ngi icap, ndë rand përe pëñaak, ndë rand përe ngëyamats ngëcaam ngan bota ngi itsúts a nga cäts, ndë randand ngëko katúk-ufuts. Uci nda rand ngëko ngëmënts ngi, nda ro uwar. Nda ciin uwar!”

NGËRO 21:25

Tsi uleka ban cits biki Bajudeu a ba ruka wak, wund apicar bukul ko wi wund baaraan wi, pa bukul përand përe ngëyamats ibool, përand kare pëñaak, ni përand përe ngëyamats ngëcaam ngan bota ngi itsúts a nga cäts, ni përand ngëko katúk-ufuts.”

1 KORINTU 5:11

Maa inkri, mán picandar ind n ja ind, ind tsuuts bofëlar ni ñaan na njai na roon nuu ja atsaar ni ind tsi uwak, a na ciind naro ngëko katúk-ufuts, oo naŋal-uncaam, oo najintëla-icap, oo naja ko u waraatsa wi tsi uleka ñaan, oo nakuj, oo nakiej; ñaan pi namëntsnan, ind tsë riala kon këriala ni nul.

1 KORINTU 6:13

Bariala aci pa pëpës, a pëpës ci pa bariala. Maa Nasien-batsi kee ba ni ngan bëlieng. Uliaf cits pa ngëko katúk-ufuts, maa aci pa Ajug, a Ajug ci pa uliaf.

1 KORINTU 6:18

Nda túkan nda lawan ngëko katúk-ufuts. Ujuban un ci wi-ba këci, wi ñaan do wi, aci di utsand uliaf. Maa ñaan nan ci tsi ngëko katúk-ufuts, ajubandar uliaful bërier wul.

1 KORINTU 6:9

Ane nda meets bamabats di ka rukanda pësien Nasien-batsi-a? Ind tsë fal iyeen ind, par nin baro ngëko katúk-ufuts, nin bajintëla-icap, nin baro-mjubi, nin baro-këkaats, nin bapiintsand upäts uyënts,

1 KORINTU 7:2

maa undo ngëko katúk-ufuts, kara niints na kaan aarul, a kara ŋaats na kaan ayënul.

1 KORINTU 8:1

Tsi uleka ngëko nga n jakana ngi tsi icap, ngë me ne n ja bëlieng ngë ci bajug-ume. Ume ka tsiji kariang-been, maa bëŋal ka natsan bun.

2 KORINTU 12:21

Man lënkar ubi nji bëyaas bëcints, Nasien-batsi nji përits kawaranin tsi pëncuaf ind ka ci tsi pëkaanar bacumal ban juban biki ki këlum a bë yaarats ibats tsi ngi ba ro ngi: ngëko ngëtsopal, katuk-ufuts, pëwëtandar tsi ngëko katuk-ufuts.

GALAASIA 5:19

Par, ngi uliaf kë ro ngi awinaa, ci ngun ngi: katúk-ufuts, ni mtsopi, ni pëbaar tsi mampiintsandar,

EFEESU 5:3

Unk, mampiintsandar ni karo-ngëtsopal kan ci ki-ba këci ni karisan-ko tsë lesaa koon këlesaa tsi pëncuaf ind; bi u ka bi pëci tsi bayëman.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

1 TESALONIKA 4:3

Par uŋal Nasien-batsi, aci ubiira ind pëci ujëntsal. Nda randan ngëko katúk-ufuts,

BAYEBËREU 12:16

Nda katandi ibats pa naro ngëko katúk-ufuts tsë ci, nin narispitaarats ko Nasien-batsi pi Esau, nul na waapi ngan ka ngi pëci ngiicul, ngi bajan, undo pëlat pëloole baŋ pi bariala.

BAYEBËREU 13:4

Bënim, bañaan bëlieng ba rëmbani bul, a bëkaab bënim tsë tsopana ni ujuban. Par baro ngëko katúk-ufuts, ni baro-mjubi, Nasien-batsi ka wat bukul pëleents.

1 PER 4:3

Par, uwal wi nda paran wi tsi karo uŋal ban cits biki Bajudeu, aliing; bi nda ro bi wëtandar tsi ngëko katúk-ufuts, ni tsi kari-ngëko, ni tsi ukuj, ni tsi buwaamal, ni pëbaar tsi përaan, ni tsi kajintëla-icap kañutsanuel.

UPIBAN 10:2

tsi kañan wul a u tsij ulibëru uties, u waantsa wi. A u paf kayots wul kariir tsi bërëk, kayots kamay tsi utsia.

UPIBAN 10:8

A përim pi ndo punk n te, upëni pul wun batsi, ñakanaanin kak aja: “tsëpan, jejan ulibëru u waantsa wunk, un ci wunk di kañan uwaanju u nats wunk tsi bërëk ni tsi utsia.”

UPIBAN 2:14

Maa, aka ngi ndu leentsaru ngi, aci ko uties: M ka tsul ba mob biki tsi bëjukan Balaam, nul nan jukani Balak pëkuer pëgungan pa babuk Israel puu re nga n jakana ngi tsi icap, ni bukul puu ro ngëko katuk-ufuts.

UPIBAN 2:20

Maa, mán leentsaru tsi uleka ko wi: M wët ŋaats ni ka n jaka unk Jesabel, nul na njai bërierul aci nayëlia, a nuu jukan baleemp nji koo fal bukul a bu kë ro ngëko katuk-ufuts, a bu kë re nga n jakana ngi tsi icap.

UPIBAN 9:20

Bañaan banduka bukunk, biki ngënjuatsia ngëmënts ngun fiŋats biki, bë yaarats ibats tsi ngi iñan bukul kë ro ngi; bu wëtaants pëjintëla ngëcaay, ni icap i leempëna yi uwëru, i leempëna yi uncaam-utsak, i leempëna yi mtsak-mjankal, i leempëna yi ilaak, i leempëna yi pëmul, te di ka win, di ka te, di ka yandaar.