NGËRO 15:1 - KARÚK-PËRIM KAWALU Nouveau Testament

¹ A balon bañaan ban pëni biki Judeeya júŋee Antiookia, a ba kur pëjukan bafets Yeesu koo ja: “Uci nda welaatsa kambac, bi ulua-Moises tsu bi, nda ri ka yëlana pëbuër.”

NGËRO 15:1 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 7:22

Undo bi Moises tsu ind bi pëwelana kambac, a nda ja nduu welan upäts uyënts kambac tsi Unu-pënaakësa; te kul pënënatsi tsi Moises, maa apënë-ni tsi basin ind.

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

NGËRO 15:22

Din, a bapostolu ni bajëŋal, ni Ngëriisia bëlieng, baaraan përat bayënts tsi bukul, bu ka yël bukul ni Pol ni Barnabas di Antiookia. A ba rat Judas ni ka n jakee Barsabas, ni Silas, bayënts ban rispitaara biki tsi bafets Yeesu.

NGËRO 15:23

A ba pican ni iñan bukul aja: “Wund bapostolu ni bajëŋal, ban tsaar biki ni ind, wund awëli ind mboos, ind ban cits biki Bajudeu a nda niiran Yeesu, a nda ciina Antiookia, ni Siiria, ni Siliisia.

NGËRO 15:24

Wund ate balon tsi wund, biki wund yëlatsi biki; bë ro bi ee ka nooran ind, a bu kë cok ind ngëwejats, tsi bëwejats bukul.

NGËRO 15:3

A Ngëriisia ñuatsan bukul, a ba par-na pëboos Feniisia ni Samaaria, a bu kë leents bi ban cits biki Bajudeu niiran bi Yeesu. A ko wan tsiji ulílan uwiak tsi bafets Yeesu bëlieng.

NGËRO 15:32

A Judas ni Silas, bukul ban ci biki bayëlia, liinc-liincan bukul ngëwaas ni irim icumal, a ba tsënk bukul.

NGËRO 15:5

Maa balon tsi Bafariseu ban niiran biki Yeesu natsa, ba ja, ban cits bukunk Bajudeu a ba niiran Yeesu, bu ka ba roon bu ka welana kambac, bu ka tsua pëmob tsi ulua-Moises.

NGËRO 21:20

Bi ba te bi ko wan, ba bëndan Nasien-batsi a ba ja Pol: “Natsaar ni wund! Ngëmiil ngëntaaja um ngi Bajudeu ba uwak biki gi mwin gun, bukul bëlieng bu yëkan tsi ulua.

NGËRO 6:14

par wund ateul a nuu ja: Yeesu namëntsi, nul Kanpënë-ni-nasaret, ka gar kato-kayëman, në bëtan undimaan wi Moises wëlnjawi.”

GALAASIA 2:1

Bi u par bi ngëwaanu untaaja ni ngëbaakër, a n kaka kata a n tsëp Jerusalem ni Barnabas, a n tsëpand buts Tiitu.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

GALAASIA 6:12

Bañaan bëlieng ban ŋal biki pëpiban ba wara tsi ngëliaf, bukul ci bukun tsi pëforsaar ind pëwelana kambac, pa ind përits noor-noorana tsi undo kruus Këristu rin.

KOLOS 2:16

Wul ka wun, ñaan tsë lacan ind tsi undo ko wi nduu re wi, ni tsi undo ko wi nduu raan wi, oo tsi undo ufesta bëga, oo ufesta pëli pëwalu, oo ngënu pënaakësa.

KOLOS 2:8

Nda katan ibats pa ñaan tsë mob ind tsi pëgungan bëŋal-kameko, bul ban ci bi manfalar mjënts, ban pënë-ni bi tsi undimaan bañaan-bajin ni tsi ngëko umundu, maa pënënatsi tsi Këristu.