NGËRO 14:22 - KARÚK-PËRIM KAWALU Nouveau Testament

²² ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

NGËRO 14:22 ပူးပေါင်းရင်းမြစ်များ

MATEU 10:38

A na lapatsi kruusul pëfetsin, tsënkaants pëjaa aci namiñ.

MATEU 16:24

Din, a Yeesu ja bafetsul: “Na ŋali pëfetsin, na bëran ngiicul; në lapan kruusul, nuu fetsin.

MATEU 19:24

A ndu nja ind kak: A pe përaf pë ja ungilëm pëpar bi baar kagúja, ni pëjaa narëmb na niaj pësien Nasien-batsi.”

MARKU 10:30

a na rits yank, ngëyaas useent tsi uwal wi, ito, ni batsaar ni nul, bayënts ni bakaats, ni banin, ni upäts, ni ireeŋ, ni pënoor-noorana; tsi umundu wi kan bi wi, në yank ubiira un dits wi ka ba.

MARKU 9:47

A uci pëkësu ka tsuu pun kë juban, kuatësi pul. Amat pëjaa m niaj pësien Nasien-batsi ni pëkës pëloole, ni pëjaa m gutsara nfeernu ni këkës këtëb;

LÚKAS 24:26

Ane Këristu roots ka pënoor a uu ba në niaj tsi përëmbul-a?”

KAKÚRAN-KAWAR YEESU KRISTU BI JOŊ LEENŢ BI KUL AJA 15:18

Uci umundu ñaas ind, nda mean u ci nji ni u ñaas un ucäk.

KAKÚRAN-KAWAR YEESU KRISTU BI JOŊ LEENŢ BI KUL AJA 15:20

Nda lesan përim pnja ind pi: Naluek peets ajugul. Uci ba noor-nooranin, bu ka noor-nooran ind buts; a uci ba mob tsi përim nji, bu ka mob buts tsi përim ind.

KAKÚRAN-KAWAR YEESU KRISTU BI JOŊ LEENŢ BI KUL AJA 16:33

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

KAKÚRAN-KAWAR YEESU KRISTU BI JOŊ LEENŢ BI KUL AJA 3:5

A Yeesu yankul aja: “Mán leentsu ucär, ñaan nan bëkaatsee di mlik ni Uwejats, yëlanats pëniaj Pësien Nasien-batsi.

NGËRO 11:23

Bi na band bi, a na win bëtseend Nasien-batsi, na lílan, a na liinc-liincan bukul ngëwaas bëlieng, pa ba mob ba liincan tsi Ajug, di ngëwaas bukul bëlieng.

NGËRO 11:26

bi na winul bi, a na tsëpandul Antiookia. Tsi uwaanu upëban, a ba bof tsi Ngëriisia Antiookia, bu kë jukan kandënd bañaan kawiak. Di Antiookia di bafets Yeesu ru cakës pëjakaa Bañaan-Këristu.

NGËRO 11:29

Din, a bafets Yeesu baaraan pëja kara ñaan në pwël ko wi na yëlan wi, pa pëtsënk batsaar tsi Këristu ban ci biki di Judeeya.

NGËRO 13:43

Bi bëjuk garandar bi, Bajudeu bacumal, ni ba niiran biki bëga Bajudeu a ba lënk Nasien-batsi, fets Pol ni Barnabas; a Pol ni Barnabas kë ñakanaan bukul a bu kë tsu bukul ba niiran pëtambandar tsi bëtseend Nasien-batsi.

NGËRO 14:20

Maa, bi bafets Yeesu fayul bi, na natsa aniaj përaasa. Tsi unu ucints, na pën ni Barnabas, atsëp Deerbi.

NGËRO 14:28

A ba ruka rul aro uwal un jon wi, ni bafets Yeesu.

NGËRO 15:32

A Judas ni Silas, bukul ban ci biki bayëlia, liinc-liincan bukul ngëwaas ni irim icumal, a ba tsënk bukul.

NGËRO 15:41

A Pol yaana Siiria ni Siliisia, a nuu liinc-liincan iriisia.

NGËRO 18:23

ee ci rul ko u jon wi. A uu ba, na tsëp pëboos Galaasia ni Fríijia a nuu liinc-liican bafets Yeesu bëlieng ngëwaas.

NGËRO 6:7

Unk, a përim Nasien-batsi kë laar mak, ucumara bafets Yeesu kë pe këpe pëwatsësar di Jerusalem, a kandënd bajakan niiran uwak.

NGËRO 9:16

Mán pibanul bi na ka bi pënoor, undo katim nji.”

ROOMA 8:17

A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

1 KORINTU 1:8

Nul ka liinc-liincan ind un te di utuami, pa ind pëci ban dits biki ka leentsara tsi Unu Yeesu Këristu, Ajug nja.

FILIIPUS 1:29

Par nda wëla bëtseend, tsi undo Këristu. Cits pëwak tsi nul rin, maa buts pënoorarul.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

1 TESALONIKA 3:13

Na liinc-liincani ngëwaas ind, pa ndë ci ban kaats biki ulaci tsi bëjëntsal, tsi bërun Asini nja Nasien-batsi, ubi Ajug nja Yeesu ni bayiicul bëlieng bayëman.

2 TIMOTEU 1:8

Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

2 TIMOTEU 3:12

A te, ba ŋal biki bëlieng puu lënk Nasien-batsi tsi bëciir bukul ni Këristu Yeesu, bu ka ci tsi puu noorana.

1 PER 2:21

Undo ko umënts wun, wi nda ruree wun; par Këristu buts anoor tsi u undo ind, na rukar ind uteenëni pa ind pëfets iyotsul.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 PER 5:9

Nda tambandari pëpok Ujabël tsi uwak, ndë me ne, batsaar ni ind aci buts tsi unoor umënts wi, tsi umundu.

2 PER 1:11

Par, unk ri ndu wëla run bëga buwaanal, pa pëniaj Pësien Ajug nja pan dits pi ka ba, nul Yeesu Këristu Nabueran.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 7:14

A n yankul a n ja: “Nawiak nji! Wi m me.” A na jain: “Bamënts biki aci ban pëni biki di unoor uwiak. Bë nijëna iŋi bukul yi bëtiema ba faacanaan yul tsi pëñaak Ubuk-unkaanel wun.