NGËRO 14:1 - KARÚK-PËRIM KAWALU Nouveau Testament

¹ Di Ikooniu, Pol ni Barnabas niaj di kato-kajuki Bajudeu, a ba ñakan aa utsu bañaan bacumal mak wak, Bajudeu ni Bagërek.

NGËRO 14:1 ပူးပေါင်းရင်းမြစ်များ

MARKU 7:26

Ŋaats namëntsi aci nagërek, apënë-ni Feniisia Siiria. A na buara Yeesu na ruak ucaay tsi abukul ŋaats.

KAKÚRAN-KAWAR YEESU KRISTU BI JOŊ LEENŢ BI KUL AJA 12:20

tsi bañaan bando biki kata atsëp pëjintëla Nasien-batsi tsi uwal ufesta, aka balon ban ci biki Bagërek.

KAKÚRAN-KAWAR YEESU KRISTU BI JOŊ LEENŢ BI KUL AJA 7:35

A Bajudeu kë ja tsi ba ci tsi: “tsum tsi namëntsi pënar tsun, tsi ngë yëlanats tsi pëwinul? Ane ka fetsan bayiic nja ban garandar biki aband tsi Bagërek, në jukan bagërek-a?

NGËRO 11:21

Kañan Ajug ci ni bukul, a bacumal wak, ba witsësa pa Ajug.

NGËRO 13:43

Bi bëjuk garandar bi, Bajudeu bacumal, ni ba niiran biki bëga Bajudeu a ba lënk Nasien-batsi, fets Pol ni Barnabas; a Pol ni Barnabas kë ñakanaan bukul a bu kë tsu bukul ba niiran pëtambandar tsi bëtseend Nasien-batsi.

NGËRO 13:46

Din, Pol ni Barnabas ñakanaan bukul ni bëyeentsal, aja: “Ind ka bukun pëleentsa përim Nasien-batsi ucak; maa, bi nda bër bink pul, a nda wejats bërier ind pëja nda tsënkaants pëyank ubiira un dits wi ka ba, inkri wund ka witsësa pa ban cits biki Bajudeu.

NGËRO 13:5

Bi ba band bi Salamiina, a ba leents përim Nasien-batsi di ito-ijuki Bajudeu. A ba ro tsëpand buts Joŋ, pa pëci natsënk bukul.

NGËRO 13:51

A Pol ni Barnabas raafar bukul kandëpe iyots bukul, ba pën atsëp Ikooniu.

NGËRO 14:19

Maa, Bajudeu ban pëni biki Antiookia ni Ikooniu baandi ee sualan indënd bañaan, a ba tap Pol ni ilaak, ba puularul utsand përaasa, bë ja ne a cäts.

NGËRO 14:2

Maa, Bajudeu ba uwakats biki sualan ban cits biki Bajudeu a ba riabatsar bafets Yeesu.

NGËRO 14:21

Bi ba ba bi pëleents Upetsan-uwar di përaasa pëmënts pun, ni pëtsu bacumal pëci bafets Yeesu, a ba witsa Liistra, Ikooniu, ni Antiookia Pisiidia,

NGËRO 16:1

A na band buts Deerbi ni Liistra. A u ka nalon nafets Yeesu nan ci rul; ka jaka Timoteu, aci abuk nalon ŋaats Najudeu na waki tsi Yeesu, maa asinul aci nagërek.

NGËRO 16:2

Bafets Yeesu ban ci biki di Liistra ni di Ikooniu, ka ja ko u wara wi tsi uleka Timoteu.

NGËRO 17:12

A bacumal tsi bukul wak, ni bakaats Bagërek ban rispitaara biki, a bayënts cum ko uties.

NGËRO 17:17

A nuu totëlar irim di bametsu kato-kajuki ni Bajudeu ni Bagërek ba lënk biki Nasien-batsi, ni bañaan biki kan ci biki buts di kënjëkënts kara unu.

NGËRO 17:4

A balon tsi biki kan cikëndën biki wak, a ba bofëlar ni Pol ni Silas, ni balon Bagërek ba lënk biki Nasien-batsi, ni bakaats bacumal ban rëmbana biki.

NGËRO 18:4

A Pol ja kara Unu-pënaakësa në ci tsi bëcii ni bukul di kato-kajuki, a nuu totëlar irim ni Bajudeu ni Bagërek, nuu këmand pëtsu bukul pa ba baaraan pëniiran.

NGËRO 18:8

Maa Kërispu, nawiak kato-kajuki, awak tsi Ajug ni bañaan katoul bëlieng. A bañaan Korintu bacumal biki kan cikëndën biki Pol wak tsi Ajug, a ba mijana.

NGËRO 19:10

A ko wan do ngëwaanu ngëtëb, a u tsu ban ciina biki Aasia bëlieng pëte përim Ajug, Bajudeu ni Bagërek.

NGËRO 19:17

Ko wan meaa bañaan bëlieng, Bajudeu ŋni Bagërek ban ci biki di Efeesu. A bëlal jëk bukul bëlieng, a katim Yeesu, Ajug, kë rëmbanaa.

NGËRO 19:8

A Pol ro këlí këwaants, nuu niaj kato-kajuki koo ñakan ni bëyeentsal, bu kë totëlar irim; a nuu këmand pëtsu bukul ba niiran uleka Pësien Nasien-batsi.

NGËRO 2:47

Bu kë bëndan Nasien-batsi, a bañaan lílandër bukul bëlieng. Uja kara unu, Ajug kë watsës tsi bukul ban buëri biki.

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

NGËRO 21:28

Bu kë lië koo ja: “Bayënts Israel, nda tsënk wund! Niints ni, ci un ni ka yaani ngëcaak bëlieng koo jukan pënatsara bañaan, pënatsara ulua, ni pënatsara tsëko tsi; nul bërierul aniajandi Bagërek di kato-kayëman, a na tsopan tsëko-tsëyëman tsi.”

NGËRO 9:20

A tsi uyëk umënts wun, Sol kur pëleents di ito-ijuki koo ja, Yeesu ci-un Abuk Nasien-batsi.

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 10:12

Kaats ko un patsëlan wi Najudeu ni nagërek, par bukul bëlieng bu bof Ajug, a na ci narëmb pa ba nja biki ba roon bu kë ruul bëlieng.

GALAASIA 2:3

Maa, nul Tiitu nan ci ni nji, ŋal bi na ci bi nagërek, tsuaatsa pëwela kambac.

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

KOLOS 3:11

tsul, katse ka nagërek oo Najudeu; katse ka nawela-kambac oo nawelaatsa-kambac; katse ka napayi oo najintela-ngëcaay; katse ka naluek oo nafacal; maa Këristu ci-un, nul nan ci blieng, tsi blieëng.

2 TIMOTEU 3:11

pënoorana pi n noorana pi, unoor wi n noor wi; uwom unoor wi n noorats wun di Antiookia, di Ikooniu, di Listëra? Pënoor-noorana pëwom pi n miiraatsa pun-i? Maa a Ajug bueranin tsi ngul bëlieng.