NGËRO 13:16 - KARÚK-PËRIM KAWALU Nouveau Testament

¹⁶ A Pol natsa, na taar bukul kañan pa ba yëŋandar, na ja: “Bayënts Israel, ni ind ba lënk biki Nasien-batsi, nda cikëndëni-e!

NGËRO 13:16 ပူးပေါင်းရင်းမြစ်များ

MATEU 11:15

Nan kai ibats iteeni, na tean!

LÚKAS 1:22

Bi na pëni bi utsand, yëlaants pëñakanaan kul. Din ba me na win bëwinal di tsëko-tsëyëman. A nuu way këway kul iñan; aruka ci narika-ñakan.

LÚKAS 1:50

Kayëk-ipësul, aci pa ba lënkul biki, tsi bak kul, tsi batiemi kul, pëtsëp.

LÚKAS 23:40

Maa acintsul leentsarul ajaul: “M lënkats Nasien-batsi-a? Wi nan ci tsi unoor uloole wi?

NGËRO 10:2

Aci niints nawar, na lënk Nasien-batsi, nul ni bañaan katoul bëlieng, a nu wël bañaan bëtseend mak, nu ñaan Nasien-batsi kara unu.

NGËRO 10:35

maa tsi ucaak un ci wi-ba këci, na lënkuli a nuu ro ko u mab wi, në niiranul.

NGËRO 12:17

Maa, a na wiil bukul kañan pa ba yëŋandar, na leents bukul bi Ajug pënaniul bi di ukalabus, a na ja: “Nda leentsan Jakob ko umënts wi, ni batsaar ni inja.” A na pën tsul atsëp ulon uburu.

NGËRO 13:26

Batsaar ni nji, ind pëbuka Abraam, ni ban ci biki tsi pëncuaf ind ba lënk biki Nasien-batsi, ja wëlee bukun përim pëbuër pi.

NGËRO 13:46

Din, Pol ni Barnabas ñakanaan bukul ni bëyeentsal, aja: “Ind ka bukun pëleentsa përim Nasien-batsi ucak; maa, bi nda bër bink pul, a nda wejats bërier ind pëja nda tsënkaants pëyank ubiira un dits wi ka ba, inkri wund ka witsësa pa ban cits biki Bajudeu.

NGËRO 19:33

Din, a Bajudeu rat Aleksandër tsi kandënd bañaan, a ba piembarul bërun. Aleksandër riang kañan apiban na ŋal pëñakanaan bañaan tsi ulekaul.

NGËRO 2:14

Din, Per natsa ni untaaja bukun ni naloole, na kat përim, aja bukul: “Bayënts Bajudeu, ni bañaan Jerusalem bëlieng, nda mean ko wi, ndë cikëndën irim nji.

NGËRO 2:22

Bayënts Israel, nda cikëndëni irim yi! Yeesu Kanpënë-ni-nasaret, niints ni Nasien-batsi niirani tsi bërun ind, tsi undo bawitsa, tsi ngëko ngan pikran ngi, ni ngëpibanaani ngi Nasien-batsi roona ngi tsi nul tsi pëncuaf ind, ind bërier nda me;

NGËRO 21:40

Bi na niirana bi pëñakan, nul Pol nats tsi tsëpayënee, a na riang kañan pa bañaan yëŋandar. A ba yëŋandar bëlieng, a na ñakanaan bukul tsi pëleets Uyebëreu, aja:

NGËRO 22:22

A Bajudeu cikëndënul te tsi përim pan, a ba kur pëlië koo ja: “Nda pënani ñaan namëntsi tsi ucaak, par kaats pëjaa awamand ubiira.”

NGËRO 3:12

Bi Per win bi ko wan, a na ja bañaan: “Bayënts Israel, we ka wun a nda pikra tsi ko wi? Oo, we ka wun nda kaŋani wund këkës pi aci pëyëlan wund, ni kayëk-ipës wund, ki wund tsuuna kun niintsi a nu yandaar?

UPIBAN 2:11

Nan kai kabats, na tean ko wi Uwejats ci wi tsi pëja iriisia. Nakuk, yaas a pëcäts pëtëbantsan ka roul ko.’”

UPIBAN 2:17

Nan kai kabats, na tean ko wi Uwejats ci wi tsi pëja iriisia. Nakuk, mán wëlul na re manaa man beka mi. Máwëlandul pëlaak pëfaacal; katim kawalu apicanaa tsi pul, maa ñaan meets kul, aci koon na yanki pul.’”

UPIBAN 2:29

Nan kai kabats, na tean ko wi Uwejats ci wi tsi pëja iriisia.’”

UPIBAN 2:7

Nan kai kabats, na tean ko wi Uwejats ci wi tsi pëja iriisia. Nakuk, mán wëlul na re ko tsi bëko ubiira, bul ban ci bi di tsëko-ngëlílal Nasien-batsi.’”