NGËRO 12:4 - KARÚK-PËRIM KAWALU Nouveau Testament

⁴ Bi na mobul bi agutsar ukalabus, ba tsu itawar ibaakër yi bawaayul, kara ngërúp a tsij basondaari babaakër; aro ŋal pii pibanul tsi bërun bañaan, upar ngënu Ufesta-pëbuër.

NGËRO 12:4 ပူးပေါင်းရင်းမြစ်များ

MATEU 24:9

Din, bu ka guts ind tsi unoor, bu ka fiŋ ind. Ban cits biki Bajudeu bëlieng, bu ka ñaas ind, undo katim nji.

MATEU 26:5

Maa a ba ja: “Kaats pëci tsi unu ufesta, pa mangëbulër përits ci tsi bañaan.”

MARKU 14:1

A u ruka ngënu ngëtëb, pa Ufesta-pëbuer ni ufesta kare-upom un tsijats wi bëko-bëlëtsatsaani ka baandi. A bawiak-bajakan, ni bapican-ngëtsua kë tsas bi bu kë par-na bi kafӓl, aa bu ka mob Yeesu ba fiŋ.

LÚKAS 21:12

Maa ngëmënts ngan bëlieng ka ruka ka ci, bu ka lak ind kañan, bu ka noor-nooran ind, bu ka guts ind di ito-ijúki ni di ngëkalabus, bu ka tsëpand ind di bërun basien, ni di bërun ba tsijëna-këboos, undo katim nji.

LÚKAS 22:33

Per yankul, aja: “Ajug! Man yecis pëtsëp ni wi, ŋal ank ukalabus, ŋal ank u ci pëcäts.”

KAKÚRAN-KAWAR YEESU KRISTU BI JOŊ LEENŢ BI KUL AJA 19:23

Bi basondaari ba bi përieŋ Yeesu di kruus, a ba jej iŋiul i bëtiem ataw aro ita‎‎wësar ibaakër; a ba faar, a uja kara nasondaari në ka katawësar. A ba jej buts kapantuul, kul kaats ulët; aci kaleenj kaloole di ruëts te utsia.

KAKÚRAN-KAWAR YEESU KRISTU BI JOŊ LEENŢ BI KUL AJA 21:18

Mán leentsu ucär: Bi m do bi ci upaas, m do ja m doon kë tiemandar bërieru, kë tsëp tsi m ŋal tsi; maa utsafu, kë ja m colan iñan, nalon ka tiemanu, në tsëpandu tsi m ŋalats tsi.”

NGËRO 12:3

A na win ko umënts líl Bajudeu, na kaka wejats pëmob buts Per; aro ci-unu kare-upom un tsijats wi bëko-bëlëntëntsaani.

NGËRO 12:5

Unk a Per ríca di ukalabus, maa, bañaan Ngëriisia wëtanats pëtambandar pëñaan Nasien-batsi pa nul.

NGËRO 4:28

Bë ro ngëko bëlieng, ngi kañanu ni uŋalu ro ngi yecis ba.

NGËRO 4:3

A ba mob Per ni Joŋ aríc di ukalabus te unu ucints, par bërëm awokan pëjëk.

NGËRO 5:18

a ba mob bapostolu ee ríc di ukalabus ucaak.

NGËRO 8:3

Maa, Sol natsara pëba ni Ngëriisia; aja na roon nu niaj di ito koo púuli bayënts ni bakaats koo guts di ukalabus.