NGËRO 11:26 - KARÚK-PËRIM KAWALU Nouveau Testament

²⁶ bi na winul bi, a na tsëpandul Antiookia. Tsi uwaanu upëban, a ba bof tsi Ngëriisia Antiookia, bu kë jukan kandënd bañaan kawiak. Di Antiookia di bafets Yeesu ru cakës pëjakaa Bañaan-Këristu.

NGËRO 11:26 ပူးပေါင်းရင်းမြစ်များ

MATEU 28:19

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts;

KAKÚRAN-KAWAR YEESU KRISTU BI JOŊ LEENŢ BI KUL AJA 2:2

A Yeesu do ruura buts pëmaatiir bënim ni bafetsul.

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

NGËRO 11:20

Maa, balon tsi bukul ban ciina biki Cipëri ni Sireeni, bë band Antiookia, ba ñakanaan buts Bagërek, aleents bukul Upetsan-uwar, uleka Yeesu, Ajug.

NGËRO 11:22

A bañaan Ngëriisia Jerusalem te ko un par-na wank bukul, ba yël Barnabas na tsëp Antiookia.

NGËRO 11:27

Tsi ngënu ngëmënts ngun, balon bayëlia pëni Jerusalem ajúŋee Antiookia;

NGËRO 11:29

Din, a bafets Yeesu baaraan pëja kara ñaan në pwël ko wi na yëlan wi, pa pëtsënk batsaar tsi Këristu ban ci biki di Judeeya.

NGËRO 14:20

Maa, bi bafets Yeesu fayul bi, na natsa aniaj përaasa. Tsi unu ucints, na pën ni Barnabas, atsëp Deerbi.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

NGËRO 14:23

Di kara Ngëriisia, ba ratar bukul bajëŋal, a uu ba, ba ñaan abër mlik, a ba tergaar bukul tsi iñan Ajug, ni ba uwaki.

NGËRO 14:27

Bi ba band bi Antiookia, a ba jukëlan bañaan Ngëriisia, ba leents bukul ngëko ngi Nasien-batsi ro ngi ni bukul, ni bi na waants bi ban cits biki Bajudeu pëlëman uwak.

NGËRO 14:28

A ba ruka rul aro uwal un jon wi, ni bafets Yeesu.

NGËRO 18:27

Bi na wejats bi pëband Akaaya, a batsaar tsi Këristu liinc-liincanul uwaas, ba picandar bafets Yeesu ban ci biki rul, pa ba welanul uwar. Bi na band bi rul, tsi bëtseend Nasien-batsi na ci bëtsënk pa ba uwak biki;

NGËRO 19:9

Maa, bi balon tsi bukul ci bi tsi katamb-iyeen, bë wakats, a bu kë ja ngëko nga waraatsa ngi uleka Bëga Ajug tsi pëncuaf bañaan bacumal mak. A Pol pën tsi bukul, a na tsëpand ba uwak bukunk, a na ja kara unu nuu totëlar irim ni bukul di ikol Tiraanu.

NGËRO 20:1

Bi barúj par bi, a Pol rui bafets Yeesu na tseend bukul ibats, na patsësar ni bukul, na pën atsëp Masedoonia.

NGËRO 20:30

Bayënts balon ka natsee tsi pëncuaf ind bërier ind koo leents ngëko pëniam, ngi kan tsu ngi ba uwak biki pëfets bukul.

NGËRO 21:4

Wund aro rul ngënu paaj ni ulon, par wund atsënk rul bafets Yeesu; tsi pëyëlan Uwejats-ujënts ba ja Pol, nul tsë ya Jerusalem.

NGËRO 26:28

Din, Agëripa ja Pol: “Ko uties kë tsuin pëci ñaan-Këristu.”

NGËRO 6:1

Tsi ngënu ngëmënts ngan, bafets Yeesu kë pe këpe pëwatsësar, a Bagërek natsara pëkuët Bayebëreu, par ban cätsëndan biki bayën bukul tsi bukul, bë ja ba roon bu kë finaa kafa ngëko kara unu.

NGËRO 6:5

A kandënd lílandër irim bapostolu, a ba rat Estefan, niints nan cumi uwak ni Uwejats-ujënts, ni Filip, ni Përokoru, ni Nikanoor, ni Timon, ni Parmenas, ni Nikolas nan pënë-nii Antiookia, na ro ci nafets bëga Bajudeu;

NGËRO 9:19

Bi na ba bi bariala, na kak aliinc. A na ruka di Damaasku aro ngënu ni bafets Yeesu.

NGËRO 9:38

Bi Liida wok bi Jope, a bafets Yeesu te Per ci rul, ba yël bayënts batëb di nul pa pii buaraul ba ja: “Bili di wund ucar!”

1 KORINTU 11:18

Par tsi ucak ko, man leentsa uja nda júk di Ngëriisia, u ka mankicësar tsi pëncuaf ind. Nji bërierin ma wak.

1 KORINTU 12:12

Par, bi uliaf ci bunk uloole a u tsij incimëntsu icumal, a ŋal bi incimëntsu cum bunk, a i ci aatsum uliaf uloole, unk buts di Këristu ci run.

1 KORINTU 14:23

Par uci bañaan Ngëriisia júk bëlieng tsëloole, a bu kë ñakan bëlieng tsi mleents ngëtsooŋ, a bakaats-ume oo ba uwakats biki niaji, bu ri ka ja ne nda fuur a?

1 KORINTU 4:17

Undo ko wi ka wun n wëtandari ind Timoteu, napäts nji ni n ŋali, namob-tsi-përim tsi Ajug; nul ka lesan ind bëga nji bi n yandaaraan bi tsi Këristu Yeesu, ni bëjukan nji, bi n ja bi ndoon koo jukan di kara Ngëriisia di ngëbuuru bulieng.

EFEESU 3:15

tsi nul tsi pëbuka pan ci pi-ba këci di batsi oo tsi utsia kaana tsun katim;

JAKOB 2:7

Cits bukul ka kar bukun katim kawar kan tsua ind ki -a?

1 PER 4:14

A uci nda karaa tsi undo katim Këristu, nda ci ba naak biki, par Uwejats përëmb, un ci wi Uwejats Nasien-batsi, aci tsi ind.

1 PER 4:16

Maa uci na ci tsi unoor pi Ñaan-këristu, nul tsë kawara ko wan, maa na rëmbani Nasien-batsi tsi undo katim ki.

1 JOŊ 2:27

Maa ind, Uwejats ujënts wi Këristu tular ind wi, amob tsi pëci di ind, unk nda katse fier ñaan pëjukan ind; maa bi Uwejats jukan ind bunk uleka ngëko bëlieng, aci ucär, cits butsup. Nda moban tsi nul, bi na jukan ind bi.

UPIBAN 3:18

Mán tseendu ibats m doon kë weel tsi nji uwëru un jëntsana wi di bërua, din kë ka bëka; weelandi iŋi-bëtiem ifaacal kë ci nan tiemee, din mkaw katiemaatsau-ko dits winaa; weelandi buts bëko pa pëkër këkësu, din kuu win.