NGËRO 11:23 - KARÚK-PËRIM KAWALU Nouveau Testament

²³ Bi na band bi, a na win bëtseend Nasien-batsi, na lílan, a na liinc-liincan bukul ngëwaas bëlieng, pa ba mob ba liincan tsi Ajug, di ngëwaas bukul bëlieng.

NGËRO 11:23 ပူးပေါင်းရင်းမြစ်များ

MATEU 16:24

Din, a Yeesu ja bafetsul: “Na ŋali pëfetsin, na bëran ngiicul; në lapan kruusul, nuu fetsin.

MARKU 2:5

Bi Yeesu win bi uwak bukul, a na ja nalab: “abuk nji, ngëjubanu ajampësaa.”

KAKÚRAN-KAWAR YEESU KRISTU BI JOŊ LEENŢ BI KUL AJA 15:4

Nda moban tsi pëci tsi nji, nji buts ka mob tsi pëci tsi ind. Bi kana yëlanats bunk pëtsij mbuk bërier kul, uci ka mobats tsi pëci tsi bëko, unk buts di nda rits run ka yëlan, uci nda mobats tsi pëci tsi nji.

NGËRO 13:43

Bi bëjuk garandar bi, Bajudeu bacumal, ni ba niiran biki bëga Bajudeu a ba lënk Nasien-batsi, fets Pol ni Barnabas; a Pol ni Barnabas kë ñakanaan bukul a bu kë tsu bukul ba niiran pëtambandar tsi bëtseend Nasien-batsi.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

NGËRO 14:26

Dul, a ba paat alutar Antiookia Siiria, di ba ro ri tanan tsi bëtseend Nasien-batsi pa uleemp wi ba ru ba përo.

NGËRO 15:40

a Pol rat Silas. A bafets Yeesu tergaar bukul tsi bëtseend Ajug, a ba tsëp.

NGËRO 20:24

Maa, nji n tsuuts ubiira nji ko un ka wi bëkat, uci pëjaa man túk pëtuk nji uwar, a n do uwar uleemp wi Yeesu, Ajug, wëlin wi përo, nji pëci naleents Upetsan-uwar, uleka bëtseend Nasien-batsi.

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

NGËRO 4:36

A Juse, nul ni bapostolu tsui katim, Barnabas, uci wi, (abuk kawël katëb). Nul abofëna tsi pëbuka Lewi a na pënë-ni Cipëri,

ROOMA 12:8

uci pa puu liinc-liincan ngëwaas bañaan, na liinc-liincani ngëwaas bañaan; uci pa puu tsënk, na tsëkan ni uwaas un fac wi; uci pa puu mandaar, na mandaari ni uŋal; uci pa puu yëkar bañaan ipës, na roan ank ni ulílan.

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

2 KORINTU 1:17

Bi n baar bi uwejats umënts wan, man dafan kërafan wël-a? Oo uwejats nji, aci buwejats ñaan-najin tsuin bun pëja: Eey-e, ka jaand an-a?

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

KOLOS 1:6

un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

2 TIMOTEU 3:10

Maa wi, m mob uwar tsi bëjukan nji, bëro nji, ko wi n tsaag wi, uwak nji, umiira nji, bëŋal nji, pëtambandar nji,

1 PER 5:12

Aci Silwaanu, nul natsaar ni ind na mobi tsi uwak, ni fiaari, nul tsënkin un a n picandëri ind uletar uties wi, pa pëliinc-liincan ind ngëwaas, ni pëleents ind u ci tsi bëtseend Nasien-batsi bëcär, bi nda ciina bun.

1 JOŊ 2:28

A inkri upäts uties, nda moban tsi pëci di nul, pa uwal wi nu pibandari wi, nja ka ka uwatsar, pa ngë rits pëni ri nul ni mkaw, uwitseeul.

3 JOŊ 1:4

Nji, in kaa ts ulílan un pe wi wan, pëte upäts nji ci tsi ucär.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.