NGËRO 10:43 - KARÚK-PËRIM KAWALU Nouveau Testament

⁴³ Ulekaul wi bayëlia bëlieng ñakandar wun aja: Na waki ba këwak tsi nul, në jampësaa ngëjuban tsi katimul.”

NGËRO 10:43 ပူးပေါင်းရင်းမြစ်များ

MARKU 16:16

Ñaan na Uwaki a na mijana, në buerana. Maa na Uwakatsi, në lacana.

LÚKAS 24:47

din kayaar-ibats, pa pëjampësaa ngëjuban, ka leentsaa tsi katimul pa bañaan ban cits biki Bajudeu bëlieng, pëkurëna tsi Jerusalem.

KAKÚRAN-KAWAR YEESU KRISTU BI JOŊ LEENŢ BI KUL AJA 1:45

A Filip win Natanael, a na jaul: “Wund awin nan picana unk ulekaul tsi ulua-Moises, ni tsi ngi bayëlia pican ngi: aci Yeesu Kanpënë-ni-nasaret, abuk Juse.”

KAKÚRAN-KAWAR YEESU KRISTU BI JOŊ LEENŢ BI KUL AJA 20:31

Maa, ngëko ngi apicanaa, pa ind pëfiaar u ci Yeesu ci-un Mesia, Abuk Nasien-batsi, pa uwal wi nda ci wi tsi pëwak, ndë ka ubiira tsi katimul.

KAKÚRAN-KAWAR YEESU KRISTU BI JOŊ LEENŢ BI KUL AJA 5:24

Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira.

NGËRO 15:9

patsëlanatsi njani bukul; a tsi uwak, na jëntsan ngëwaas bukul.

NGËRO 2:38

A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

NGËRO 26:22

Maa, Nasien-batsi tsënkin a wama ci te pënak pëntsari; nji i kaats ko wi ndë leents wi upäts ni bawiak, ucits ba ko wi bayëlia ja wi ni Moises kee u ci,

NGËRO 3:16

Aci pëyëlan tsi katim Yeesu wël pun niintsi uyëlan; ko wi nda win wink a nda meend, arolaa ni uwak tsi katim Yeesu, par aci uwak tsi katimul yësan wun niintsi tsi bërun ind bëlieng.

NGËRO 3:18

Maa, unk di Nasien-batsi ro run ko wi na ro wi car aleents tsi mtum bayëlia bëlieng, aja: ‘Këristuul kee noorana.’

ROOMA 10:11

Par Bëpican aja: “Na waki ba këwak tsi nul, yaas a në kawarana.”

ROOMA 3:21

Maa inkri, pëteenënats tsi ngëtsua, bëmabal Nasien-batsi apibandar; ngëtsua ni bayëlia aleents uleka bul.

ROOMA 5:1

Inkri, bi ngë tsua bink bamabal tsi uwak, ngë kaana pëfac tsi Nasien-batsi undo Ajug nja Yeesu Këristu.

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

ROOMA 8:1

tsi inkri, nin pëlon pëlacana cits pa ban ci biki tsi Këristu Yeesu.

ROOMA 8:34

Yën ci-un nalacan? Aci Këristu nul nan cätsi; oo andes nul na natsee di pëcäts, a na tsoar tsi kariir Nasien-batsi a nuu ñaanar nja.

GALAASIA 3:22

Maa, Bëpican atsu ngëko bëlieng tsi utsia ujuban, pa tsi undo uwak tsi Yeesu Këristu, ba uwak biki ka wëlaa uwatsan.

EFEESU 1:7

tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

KOLOS 1:14

tsi nul ngë lukaraa pëbuer a ngëjuban nja jampësaa.

BAYEBËREU 13:20

Nasien-batsi kankaana pëfac, nul nan katii nayafan ngënkaanel nawiak di bacäts, un ci wi Ajug nja Yeesu, undo pëñaak karo-pëloole kan dits ki ka ba.

1 PER 1:11

bu tsas pëme uwar uwal umënts, ni ngëko ngi kan piban ngi ko wan kë ci, bi Uwejats Këristu un ci wi di bukul, leents bi ki këlum ngënoor ngi Këristu kë par-na ngi, ni përëmb pan ka pi pii fets ngul.

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”