NGËRO 1:8 - KARÚK-PËRIM KAWALU Nouveau Testament

⁸ Maa ndu yank pëyëlan, uwelee Uwejats-ujënts tsi ind, din ndë ci bamaatir ngëmíñ, di Jerusalem, unk buts di Judeeya bëlieng, ni di Samaaria, te di ngëntsañi umundu.”

NGËRO 1:8 ပူးပေါင်းရင်းမြစ်များ

MATEU 24:14

Upetsan-uwar pësien Nasien-batsi wi, ka leentsa di umundu bëlieng, pa pëci upibanaani pa ban cits biki Bajudeu bëlieng. Din, utuami ka baandi.

MATEU 28:19

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts;

MARKU 16:15

A na ja bukul: “Nda tsëpan tsi umundu bëlieng, nda leentsan bañaan bëlieng Upetsan-uwar.

LÚKAS 1:35

Uwaanju jaul: “Uwejats-ujënts ka welee tsi wi; pëyëlan Kanpe pëci di ruets ka límtsanu. Wul ka wun, nayëman ni kan kee koo jaka, Abuk Nasien-batsi.

LÚKAS 10:19

Nda teenan-e! Man wël ind pëyëlan pëpoos-poosan ngëko-pëtsats ni ngëtiifar; nabër, ndë peul uyëlan; te ko di ka ro ind.

LÚKAS 24:29

Maa ba tambandar tsi pëpokul ajaul: “Dúkaan ni wund, par bërëm aruka jëki, a unu ruka yíimpa.” Na niaj bametsu, pa përuka ni bukul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:27

Ind buts nduu leents, par nda ci ni nji ki ujuundi.

NGËRO 1:22

pëkur-ni tsi bëmijan Joŋ, te tsi unu wi Yeesu tsëpanda wi ruëts, nalon tsi bukul aka pëci ni nja tsi puu leents uleka pënatsee Yeesu di pëcäts.”

NGËRO 1:5

Par Joŋ amijanaan mlik, maa ind, tsini ngënu ngi, ndu mijana di Uwejats-ujënts.”

NGËRO 13:31

a ban do bukunk ci ni nul di Galileeya pa Jerusalem, winul ngënu ngëcumal; a inkri, tsi bërun bañaan, bukul ci bukun ba maatir biki ngiicul pa pëleents bañaan.

NGËRO 2:32

Yeesu namëntsi, Nasien-batsi anatsaniul di pëcäts, a wund bëlieng aci ba maatir biki umënts wi.

NGËRO 22:15

Par m ka pii ci naleents ko wi na ci wi, tsi bërun bañaan bëlieng, tsi ngëko ngi m te ngi a m winand.

NGËRO 3:15

A nda fiŋ Kantsijëna ubiira nul ni Nasien-batsi natsanii di bacäts, a wund ci bamaatir.

NGËRO 4:33

Ni pëyëlan pëwiak, a bapostolu kë leents bi Yeesu, Ajug, natsee bi di pëcäts; a bëtseend bëwiak ro ci tsi bukul bëlieng.

NGËRO 5:32

Wund aci bamaatir ngëko ngi, wund ni Uwejats-ujënts wi Nasien-batsi wël wi baro ko wi na ja wi.”

NGËRO 6:8

A Estefan cum bëtseend ni pëyëlan, a nuu ro ngëko ngan pikran ngi, ni ngëpibanaani ngëwiak tsi pëncuaf bañaan.

NGËRO 8:1

Sol, abofëna tsi ba niiran biki Estefan pëfiŋa. Tsi unu umënts wun, a pënoor-noorana pëwiak baandari Ngëriisia ngan ci ngi di Jerusalem, a bañaan bëlieng garandar pa ngëcaak Judeeya ni Samaaria, a bapostolu rin, duka bukun.

ROOMA 10:18

Maa mán yepar: Ane bë teets-a? Tsi ucär bë te! “Përim bukul atea di ucaak bëlieng, a irim bukul tea te di ngëntsañi umundu.”

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.