NGËRO 1:11 - KARÚK-PËRIM KAWALU Nouveau Testament

¹¹ a ba ja: “Bayënts Galileeya, we ka wun nda nats a nduu teen batsi? Yeesu, nul nan jeja ink tsi pëncuaf ind atsëpanda batsi, unk ri nu witsee run bi nda winul bunk a nuu tsëpanda batsi.”

NGËRO 1:11 ပူးပေါင်းရင်းမြစ်များ

MATEU 16:27

Par, Abuk ñaan-najin, kee bi ni ngëwaanjuul di përëmb Asin; uja kara ñaan, në lukul ngi na ro ngi ka ro.

MATEU 16:28

Mán leents ind ucär: Aka balon tsi ba nats biki tsi, ba dits biki kacikëndën pëcäts aa bu ka tsënkëna ka win Abuk ñaan-najin, ubiul di pësienul.”

MATEU 24:30

Din, upibanaani Abuk ñaan-najin ka wina di batsi, mbuka bëlieng tsi umundu kë kaan; mul më win Abuk ñaan-najin pafari tsi isa batsi pëbi, ni pëyëlan pëwiak, ni përëmb pëwiak;

MATEU 25:31

Uwal wi Abuk ñaan-najin kë bi wi di përëmbul, ni ngëwaanju bëlieng, në tsoar tsi pëtsoari-pësien, pi përëmbul.

MARKU 13:26

Din, bañaan ka win Abuk ñaan-najin, bi nu bi bi tsi isa, ni pëyëlan pëwiak, ni përëmb.

MARKU 14:70

A Per kaka pok. Jonats, ban ci biki tsul ja Per: “Tsi ucär, m bof ni bukul; a te m ci ñaan Galileeya!”

MARKU 16:19

Bi Yeesu, Ajug ba bi pëñakanaan bukul, a na tsëpanda batsi, a na tsoar tsi kariir Nasien-batsi.

LÚKAS 21:27

Din, Abuk ñaan-najin ka wina nuu bi di kasa, ni pëyëlan, ni përëmb pëwiak.

LÚKAS 24:5

Bi ba lënk bi mak, a ba júŋ këkës tsi utsia, bayënts ja bukul: “We ka wun ndu tsas nayësal, tsi bacäts?

KAKÚRAN-KAWAR YEESU KRISTU BI JOŊ LEENŢ BI KUL AJA 14:3

A uci n ya ee n yecis ind tsëko, ka bi kak, kee jej ind n tsëpand tsi nji bërierin, pa tsi n ci tsi, ind buts ndë ci tsul.

NGËRO 1:2

te unu wi na tsëpanda wi batsi, bi na ba bi pëwël bapostolu ngëtsua tsi pëyëlan Uwejats-ujënts, bukul biki na rat biki.

NGËRO 1:22

pëkur-ni tsi bëmijan Joŋ, te tsi unu wi Yeesu tsëpanda wi ruëts, nalon tsi bukul aka pëci ni nja tsi puu leents uleka pënatsee Yeesu di pëcäts.”

NGËRO 1:9

Ubaul pëja irim yan, a bu kë teenul, a nu tsëpanda ruets, a kasa bi ee kúndul tsi këkës bukul.

NGËRO 13:31

a ban do bukunk ci ni nul di Galileeya pa Jerusalem, winul ngënu ngëcumal; a inkri, tsi bërun bañaan, bukul ci bukun ba maatir biki ngiicul pa pëleents bañaan.

NGËRO 2:7

Bë katse me ko wi bu kë ro wi, ba pikra, a bu kë ja: “Nda teenan-e! Biki ka ñakan bikink bëlieng, bë cits iink bañaan Galileeya-a?

NGËRO 3:12

Bi Per win bi ko wan, a na ja bañaan: “Bayënts Israel, we ka wun a nda pikra tsi ko wi? Oo, we ka wun nda kaŋani wund këkës pi aci pëyëlan wund, ni kayëk-ipës wund, ki wund tsuuna kun niintsi a nu yandaar?

NGËRO 3:21

Nul ni batsi këtsij te uwal wi ngëko kak wi aci bëlieng, bi nga ro bi ka pëci, bi Nasien-batsi ro bi car aleents tsi mtum bayëliaul bayëman ki uwal ujon.

1 TESALONIKA 1:10

A nda ci tsi pëlip Abukul, ni kan pënii di batsi, ni na tsui a na natsee di bacäts, nul Yeesu, ni ka pënani ija tsi uriab Nasien-batsi wi kan bi wi.

1 TESALONIKA 4:16

Par, uleentsar utsua, uleentsi përim Uwiak-ngëwaanju, uleentsi uluur Nasien-batsi, din Ajug bërierul ka pëni di batsi na welee, ban cäts biki tsi Këristu ka natsee bërun.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

UPIBAN 1:7

Teenan-e! Ka bi unk tsi isa, bañaan bëlieng ka winul, ŋal ba luŋanul biki uliaf; këbuka bañaan bëlieng tsi umundu ka kaanul. Eey-e. Ameen!