MATEU 8:20 - KARÚK-PËRIM KAWALU Nouveau Testament

²⁰ A Yeesu jaul: “Ngëcuts aka iyar, a ngëko-ngëyits ka icang, maa Abuk ñaan-najin, kaats tsi nuu naakësaan tsi beenul.”

MATEU 8:20 ပူးပေါင်းရင်းမြစ်များ

MATEU 12:32

A na njai ba kë ja përim pa mabats pi tsi uleka Abuk ñaan-najin, ka jampësaa; maa na njai ba kë ja përim pa mabats pi tsi uleka Uwejats-ujënts, di ka jampësaa, nin tsi umundu wi, nin tsi umundu wi kan bi wi.

MATEU 12:40

Par, bi Jonas ro bunk kënak këwaants, ni ngërëm ngëwaants di pëpës utsëb uwiak, unk buts di Abuk ñaan-najin kë ro run kënak këwaants ni ngërëm ngëwaants di utsia.

MATEU 12:8

Par, Abuk ñaan-najin, ci-un Ajug Unu-pënaakësa.”

MATEU 13:37

A na yankës bukul aja: “Niints na saalunk uwar, ci-un Abuk ñaan-najin.

MATEU 16:13

Bi Yeesu band bi pëboos Seesareeya Filip, a na yepar bafetsul aja: “Yën ni bañaan kë ja un Abuk ñaan-najin aci?”

MATEU 16:27

Par, Abuk ñaan-najin, kee bi ni ngëwaanjuul di përëmb Asin; uja kara ñaan, në lukul ngi na ro ngi ka ro.

MATEU 17:9

Bi bu kë pëni bi di untunda a bu kë welee, a Yeesu ja bukul përim pi: “Ind tsë leents ñaan ko wi nda win wink, te Abuk ñaan-najin ka tsënkëna ka natsee di pëcäts.”

MATEU 19:28

A Yeesu ja bukul: “Mán leents ind ucär: Ind ban ci biki tsi pëfetsin: Uwal wi ngëko bëlieng kë witsa wi ngëwalu, Abuk ñaan-najin ka tsoar tsi pëtsoariul pi pësien, pi përëmb. Ind buts, ndë tsoar tsi këtsoari-pësien, untaaja ni këtëb, ndë wat këbuka Israel pëleents, kul untaaja kun ni këtëb.

MARKU 8:38

Par, nan kawee tsi uleka nji ni irim nji tsi bañaan ntsari biki, ba mabats biki tsi Nasien-batsi a ba ciind bajuban, Abuk ñaan-najin buts, kee kawa tsi ulekaul ubiul ni ngëwaanju ngëyëman di përëmb Asin.”

LÚKAS 12:8

“Man ja ind: Na niirani tsi bërun bañaan na ci namiñ, Abuk ñaan-najin, kee niiranul tsi bërun ngëwaanju Nasien-batsi.

LÚKAS 18:8

Man ja ind: Ka faŋan bukul, ucar. Maa ubaandi Abuk ñaan-najin, kee tsënki uwak tsi umundu-a?”

LÚKAS 2:12

Iink di ndu meena run u ciul: ndu tsënk napäts nandu bëka bëatsa ni iŋi, na piintsana di bërialanaani ngëncaam.”

LÚKAS 2:16

A Bayafan míint pëtsëp, ba tsënk Maaria ni Juse, ni napäts nandu bëka a na piintsana di bëntsian bërialanaani ngëncaam.

LÚKAS 2:7

Na k napätsul nacak, niints. A na atsul ni iŋi, na piintsanul di bërialanaani ngëncaam, par bë kaats tsëko di bametsu kato-pëtsooŋ.

LÚKAS 21:36

Nda waayan, nda ñaanan tsi uwal un ci wi-ba këci, pa ind pëka uyëlan pëbuërëna tsi ngëko ngan ka ngi pëbaandi bëlieng, pa ind pënats tsi bërun Abuk ñaan-najin.”

LÚKAS 8:3

a u ci Juaana, áar Kusa. Nul Kusa aci nagaang bëka Eroodis, nasien. A u ci buts Susaana, ni balon bacumal; bë ja ba roon bu kë jej bëka bukul koo tsënkëna Yeesu ni bafetsul.

LÚKAS 9:58

Yeesu jaul: “Ngëcuts aka iyar, a ngëko-ngëyits ka icang. Maa Abuk ñaan-najin kaats tsi nuu naakësaan tsi been.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:51

A na kaka jaul: “Mán leents ind ucär, Ndii win batsi waantsar, ngëwaanju Nasien-batsi kë paya, nguu welee tsi Abuk ñaan-najin.”

KAKÚRAN-KAWAR YEESU KRISTU BI JOŊ LEENŢ BI KUL AJA 12:34

A kandënd bañaan yankul aja: “Wund ajukana tsi ulua, ajaka, Këristu ka ci pa sandëndën; a um di kë ja run: ‘Abuk ñaan-najin aka përianga.’ Yën ci-un Abuk ñaan-najin namëntsan?”

KAKÚRAN-KAWAR YEESU KRISTU BI JOŊ LEENŢ BI KUL AJA 13:31

Bi Judas cil bi, a Yeesu ja: “Inkri, Abuk ñaan-najin arëmbana, a Nasien-batsi rëmbana tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 3:13

Nin ñaan payaatsa batsi, ucits ba nan pëni unk batsi awelee, nul Abuk ñaan-najin, nan ci di batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 3:14

Bi Moises riang bunk uko-pëtsats utsak di ulaalats, unk di Abuk ñaan-najin ka run përiangaa,

KAKÚRAN-KAWAR YEESU KRISTU BI JOŊ LEENŢ BI KUL AJA 6:27

Ind tsë leempar bariala bi kan coka bi, maa nda leempari bariala bi kan ci bi pa ubiira un dits wi ka ba, bul bi Abuk ñaan-najin kë wël ind bi. Par, nul ni Nasien-batsi, Asin, markaar un ni tampoŋul.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:53

A Yeesu ja bukul: “Mán leents ind ucär: Uci nda reets uliaf Abuk ñaan-najin a nda raanats pëñaakul, nda kaats ubiira tsi ind bërier ind.

KAKÚRAN-KAWAR YEESU KRISTU BI JOŊ LEENŢ BI KUL AJA 6:62

A we kee ci wun, u ci ndee win Abuk ñaan-najin, a nu paya pëwitsa tsi na ro tsi ci ucäk?

NGËRO 7:56

A na ja: “Nda teenan-e! Man win batsi waantsar, a Abuk ñaan-najin, nats tsi kariir Nasien-batsi.”

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.