MATEU 7:13 - KARÚK-PËRIM KAWALU Nouveau Testament

¹³ Nda niajëni tsi pëlëman pan kats punk, par pëlëman pëwaanal pun ni bëga bëwiak bun ka niaman ñaan; a bañaan bacumal kë niajëna tsi bul.

MATEU 7:13 ပူးပေါင်းရင်းမြစ်များ

MATEU 23:13

Cay bapican-ulua ni Bafariseu, ind banguungu! Par nda ja nda roon nduu ríc bañaan Pësien batsi tsi këkës bukul. Maa ind bërërind nda ri ka niaj, nin pëwëtan biki kan këmand biki pëniaj ba niaj.

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 25:46

Unk, bamënts biki ka tsëp pa pëpikaara pan dits pi ka ba; maa bamabal ka tsëp pa ubiira un dits wi ka ba.”

MATEU 3:2

koo ja: “Nda yaari ibats, par pësien batsi awokani.”

MATEU 3:8

Nda pibani ngi nduu ro ngi ci ngi kayaar-ibats,

MATEU 7:14

Maa pëlëman pan kats punk, ni bëga buñíkëtsuel bun ka tsëpand ñaan pa ubiira; bapar tsi bul cumats.

LÚKAS 14:33

Unk buts, tsi ind, ñaan na wëtanatsi ba ngiicul bëlieng, di ka yëlan pëci nafetsin.

LÚKAS 9:33

Bi bu kë ruk bi Yeesu, a Per jaul: “Nawiak! Awara nja pëci tsi; nda ju ngë leemp ngënkundan ngëwaants: ulon pa wi, ulon pa Moises, ulon pa Eliyas.” Per añakan ank, maa meets ko wi na ci wi tsi pëja.

KAKÚRAN-KAWAR YEESU KRISTU BI JOŊ LEENŢ BI KUL AJA 10:9

Nji n ci-un pëlëman. Uci ñaan niajëna tsi nji, në buer; koo niaj, nuu cili, nuu win tsëko kafeer.

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

NGËRO 3:19

Nda yaari ibats, ndë witsësee tsi Nasien-batsi, pa ngëjuban ind pëfaawaa

ROOMA 9:22

Wee kë ja wun uci Nasien-batsi ŋal pëpiban uriabul, ni pëtsu bañaan ba me pëyëlanul? Nul ajon mak ki na ci ki tsi pëmiira ban ka biki pëtsua tsi unoor, a ba yecisa pa pëniam,

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

2 KORINTU 6:17

Wul ka wun Ajug ja: “Ind, nda pëni tsi pëncuaf bukul! Nda patsësaan bukul! Ind tsë kërara ko un tsop wi, din, ka welan ind.

GALAASIA 5:24

Bañaan ban ci biki biki Këristu Yeesu, bu rieŋ ngëliaf bukul di kruus ni uŋal ngul, ni ngi u rí ngi.

FILIIPUS 3:19

Ko wi bu kë tuamanaan wi, aci pëniam; par pëpës ci pun nasien-batsi bukul, a bu kë pícëna ko un ci wi bukul mkaw, bukul bawejats ngëko umundu.

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 13:8

Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.

UPIBAN 20:15

A na winaatsee ba na picana di ulibëru ubiira, agutsaa di pëwal bërua.

UPIBAN 20:3

Aguts wul di baar-tsëko-unoor, a u ríc bul anuekan tsi ruets wul, pa u rits raac kak ngëcaak tsi kafal, aa ngëwaanu umiil (1.000) ngun ka tsënkëna ka ba. Uba ngëwaanu ngëmënts ngun, u ka u roon u wëtanaa pa uwal un dits wi ka jon.