1 Ind tsë wat ñaan pëleents, din nda rits wata pëleents.
Bi nduu wat bi bañaan pëleents, unk di nduu wata run pëleents buts. Kaniibi ki nduu niibëna ki, kee niibëna ind kun buts.
Ko wi m ci wi nanguungu! Pënani bërun pëmul di pëkësu, din kë win bi kë pënan bi kako kan ci ki di pëkës ni nda tsaari.
Ind tsë wat ñaan pëleents, nda ritsii wata pëleents. Ind tsë lacan ñaan, nda ritsii lacana. Nda jampësaan, ndii jampësaa.
We ka wun kë teen katsats kan ci ki di pëkës ni nda tsaari, te m winats pëmul pan ci pi di pëkësu?
Bi ba wama bi mob tsi pëyeparul, na kata, a na ja bukul: “Uci ñaan ci tsi ind nan kaatsi ujuban, na ciin nacak ni kan tapënuli pëlaak.”
Batsaar ni nji! Ind tsë cumar pëci bajukan. Par, wund bajukan, wund ka pe pëwataa pëleents.