MATEU 6:19 - KARÚK-PËRIM KAWALU Nouveau Testament

¹⁹ Ind tsë wúkandar iyeen ind bëka tsi umundu wi, tsi krus ni ngëwëj kë cok tsi bul, ni tsi bakiej kë jëp tsiba lúŋan, bu ka kiej.

MATEU 6:19 ပူးပေါင်းရင်းမြစ်များ

MATEU 19:21

A Yeesu jaul: “Uci m ŋal pëci nan bai pëci nawar, tsëpan kii waap ko wi m ka wi bëlieng kë tseend baranj uncaam, kii ka bëka di batsi. Din, kë pëni kë fetsin.”

MATEU 6:20

Maa, nda wúkandari iyeen ind bëka di batsi, di krus ni ngëwëj dits ri ka cok bul, a bakiej di ka jëp ba lúŋan.

LÚKAS 12:21

Ni kan jukëlëni ngëko pa beenul, te cits narëmb tsi uleka Nasien-batsi, unk di uu ci run pa nul.

LÚKAS 12:33

Nda waapan ngëko ngi nda ka ngi, ndë tseend baranj. Nda yecis ngënkuañ ind ngan dits ngi ka lúŋ, un ci wi bëka ban dits bi ka ba di batsi. Nakiej di ka band rul, nin ngëbob di ka cok.

LÚKAS 12:39

Nda cikëndëni-e! Uci ajug kato ro me uwal wi nakiej kë bi wi, bitse ka wët katoul ka lúŋana.

LÚKAS 18:22

Bi Yeesu te bi ko wan, a na jaul: “Awama rukau ko uloole: waapan ko wi m ka wi bëlieng, faan wul baranj, kii ka bëka di batsi; a uu ba kë pëni, kë fetsin.”

LÚKAS 18:24

Bi Yeesu win bi na juatsan mak, na ja: “Añats ban ka biki bëka pëniaj pësien Nasien-batsi!

1 TIMOTEU 6:17

Tsuun barëmb umundu wi përits guukandër, ni përits tsu uwats bukul tsi bëka ban dits bi ka fiaara; maa ba tsuun uwats bukul tsi Nasien-batsi, nul na njai na roon nuu wël nja ngë ko bëlieng, ngan kës ngi, pa n ja pëlilanaan.

BAYEBËREU 13:5

Kaŋal-uncaam tsë tsijëna ind tsi përo ko; nda liingan tsi ko wi nda ka wi, par Nasien-batsi aja: “In di ka n wëtanu, yaas; In di ka n bëru, yaas.”