MATEU 6:10 - KARÚK-PËRIM KAWALU Nouveau Testament

¹⁰ Tsuun pësienu pa bili; uŋalu u roaan tsi umundu, bi u ci bi di batsi.

MATEU 6:10 ပူးပေါင်းရင်းမြစ်များ

MATEU 12:50

Par, nan cii ba këci tsi përo uŋal Asin nji nan cii di batsi, namënts un aci nan tsaari ni nji, niints, ni nan tsaari ni nji, ŋaats, ni anin nji.”

MATEU 16:28

Mán leents ind ucär: Aka balon tsi ba nats biki tsi, ba dits biki kacikëndën pëcäts aa bu ka tsënkëna ka win Abuk ñaan-najin, ubiul di pësienul.”

MATEU 26:42

A uyaas utëbantsan, a na kikësa alawan, a na ñaan, aja: “Asin nji, uci karaani unor ki yëlaatsa pëlawana uroko ne ka raan tsi kul, uŋalu u roaan!”

MATEU 3:2

koo ja: “Nda yaari ibats, par pësien batsi awokani.”

MATEU 4:17

Pëkur tsi uwal umënts wun, a Yeesu jot pëleents përim, a nuu ja: “Nda yaari ibats, par pësien batsi awokani.”

MATEU 7:21

Cits biki ka n jain biki blieng: ‘Ajug, Ajug!’ Ka niaj bukun pësien batsi, maa aci ni kan doi uŋal Asin nji nan cii di batsi.

MARKU 11:10

Pësien asini nja Dawid pi kan bi pink, abeenira! Osana di tsëko tsan pe tsi pëci di ruets!”

MARKU 3:35

Wul ka wun, nan ci ba këci tsi përo uŋal Nasien-batsi, namënts un aci nan tsaari ni nji, niints, ni nan tsaari ni nji, ŋaats, ni anin nji.”

LÚKAS 19:11

Bi bu kë cikëndën bi ngëmënts ngan, a Yeesu tib përim, par aruka wokan Jerusalem, a u naam bukul ne pësien Nasien-batsi ka pibandar tsi uyëk umënts wun.

LÚKAS 19:38

“Nasien ni kan bi ink tsi katim Ajug, a jara ngëwar! Pëfac, pa ciin di batsi; përëmb, pa ciin di tsëko tsan pe tsi pëci di ruets.”

LÚKAS 22:42

aja: “Paapa! Uci m ŋal, lawanin karaani unoor ki. Uŋal nji tsë rola, maa wiicu.”

KAKÚRAN-KAWAR YEESU KRISTU BI JOŊ LEENŢ BI KUL AJA 4:34

A Yeesu ja bukul: “Bariala nji aci përo uŋal na yëliini, ni pëtuam uleempul.

KAKÚRAN-KAWAR YEESU KRISTU BI JOŊ LEENŢ BI KUL AJA 6:40

Maa tsi ucär, bëŋal Asin nji ci bun bi: Ñaan na wini Abuk, a na wak tsi nul, në ka ubiira un dits wi ka ba. Nji, mee n natsaniul di pëcäts tsi unu utuami.”

KAKÚRAN-KAWAR YEESU KRISTU BI JOŊ LEENŢ BI KUL AJA 7:17

Uci ñaan ŋal përo uŋal Nasien-batsi, në me ne bëjukan bi apënë-ni tsi Nasien-batsi, oo ne mán ñakan uleka nji bërierin.

NGËRO 13:22

Bi na pënan bi Sol, na natsandari bukul Dawid na ci nasien, nul ni Nasien-batsi ñakandari buts ulekaul aja: ‘Man win Dawid abuk Jese, niints nan ci pi uwaas nji, ni kan doi uŋal nji bëlieng.’

NGËRO 21:14

Bi wund yëlants bi përaacul, a wund jaul: “U rolaan bi Ajug ŋal bi!”

NGËRO 22:14

Na ja: ‘Nasien-batsi basin nja acar aratu pa pëme bëŋalul, ni pëwin bëmabalul, ni pëte përimul bërierul.

ROOMA 12:2

Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

EFEESU 6:6

Ind tsë ro ank tsi këkës bañaan-bajin din, pa bukul pëlilandër ind; maa nda ciin pi baluek Këristu, ndë mob tsi përo uŋal Nasien-batsi ni ngëwaas ind bëlieng.

KOLOS 1:13

Apënan nja tsi uyëlan krëm, a na butan nja di pësien Abuk ni na ŋal unk;

KOLOS 1:9

Wul ka wun, wund buts, ki unu wi wund te wi ko wan, wund wëtaants pëñaandar ind, ni pëyep nda roon ndë cum ni ume uŋalul tsi kameko kan ci ki ba këci, ni tsi bëlipal, ngul ngi Uwejats Nasien-batsi kë wël ngi.

1 TESALONIKA 4:3

Par uŋal Nasien-batsi, aci ubiira ind pëci ujëntsal. Nda randan ngëko katúk-ufuts,

1 TESALONIKA 5:18

Nda barani tsi ko un ci wi-ba këci, par umënts wun aci uŋal Nasien-batsi pa ind, tsi Këristu Yeesu.

BAYEBËREU 1:14

Ngëwaanju bëlieng cits ink ngëwejats ngan ci ngi tsi uleemp-a? Nga yëlee ngi pa puu tsënk biki ka yank biki pëbuer.

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 10:7

Din, a n ja: Teenan-e, nji nuu ni! Par apicana tsi uleka nji, tsi ka n jand ulibëru ulua-Moises, aja: ‘Man bi përo uŋalu, Nasien-batsi!’”

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

1 PER 2:15

Par uŋal Nasien-batsi, aci uwal wi ndu ro wi uwar, ndë tsu bafuur ba yëŋandar tsi kameets-ko bukul.

1 PER 4:2

Unk tsi ngënu ngi nda rukanda ngi pëka tsi uliaf, nda katse ka ci tsi karí-ko ñaan-najin, maa tsi uŋal Nasien-batsi.

UPIBAN 11:15

A uwaanju upaajantsan ni ulon futs uluur, din a irim iwiak tea di batsi a yuu ja: “Pësien umundu aruka ci pi Ajug nja ni pi Këristuul, a nuu sien pa sandëndën!”

UPIBAN 12:10

A n te përim pëwiak di batsi, a pa ja: “Inkri, pëbuer abaandi, ni pëyëlan ni Pësien Nasien-batsi inja, ni pëyëlan Këristuul. Par, natumtsar batsaar ni inja awatee, wul unja wi u roon uu tumtsar bukul tsi bërun Nasien-batsi, pënak ni bërëm.

UPIBAN 19:6

A n te ko pi përim kandënd kawiak, pi uleentsar mlik mcum, pi uleentsar impalambamb iwiak, a puu ja: “Aleluya! Par Ajugnja Nasien-batsi, nul Kayëlan-bëlieng, aci tsi puu sien!

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).