MATEU 5:22 - KARÚK-PËRIM KAWALU Nouveau Testament

²² Maa nji, man ja ind: Nan diabatsari ni ba tsaari, në wata pëleents; a nanjai ni ba tsaari, raka, në wataa pëleents di kato kawat-pëleents kawiak; a na njai ni ba tsaari, nafuur, nii lacana pa nfeernu bërua.

MATEU 5:22 ပူးပေါင်းရင်းမြစ်များ

MATEU 10:17

Nda rukan ibats tsi bañaan, par bu ka tsëpand ind di ito kawat-pëleents; bu ka bup ind di ito-ijuki.

MATEU 10:28

Ind tsë lal biki kan fiŋ biki uliaf ñaan a te bu yëlaants pëfiŋ ulugum; maa nda lalan na yëlani pëcok ulugum ni uliaf di nfeernu.

MATEU 12:24

Maa, bi Bafariseu te bi ko wan, a ba ja: “Namëntsi ja nuu ruak ngëcaay, në ruakëna ngul Beelsebul, uwiak ngëcaay.”

MATEU 17:5

Bi na wama bi ka ñakan, a kasa fietsi ee kund bukul. A përim pëni di kasa, a pa ja: “Ni ci-un Abuk nji; ni ŋali, man lílandërul. Nda cikëndëniul!”

MATEU 18:21

Din, Per wok Yeesu na yeparul ajaul: “Ajug! Ngëyaas um ngi n du n jampësa ngun nan tsaari ni nji, uci na lacin? Te ngëyaas paaj ni ulon-a?”

MATEU 18:35

Unk di Asin nji di batsi kë ro ind run buts, uci kara ñaan tsi ind jampësaats acintsul tsi uwaasul.”

MATEU 23:15

Cay bapican-utsus ni Bafariseu, ind banguungu! Par nda ja nda roon nduu yaana irëk ni utsia, pa pëtsu ñaan na ci nafets-bëga nawalu; a nu ba pëci ank, ndë tsuul na pe ind pëci ñaan nfeernu, ngëyaas ngëtëb.

MATEU 23:33

Ko wi nda ci wi ngëko-pëtsats, uraasa ngëkarar! Um bi ndu buer bun tsi pëlacana pa nfeernu?

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 26:59

A bawiak-bajakan, ni kawiak bëlieng tsi kato kawat-pëleents ci tsi pëtsas pëtsupar Yeesu, pa në lacana, din në fiŋa.

MATEU 3:17

Din a përim pëni di batsi a pa ja: “Ni ci-un Abuk nji na ŋalee; ma lílandërul mak.”

MATEU 5:34

Maa nji, man ja ind: Ind tsë baaja ko; tsi batsi par aci pëtsoari Nasien-batsi,

MATEU 5:44

Maa nji, man ja ind: Nda ŋalan babër ind, ndë ñaandar ban ci biki tsi përiat-riatan ind,

MARKU 14:55

A bawiak-bajakan, ni kato kawat-pëleents kawiak bëlieng, kë tsas përim pi ka lacan pi Yeesu na fiŋa; maa bë kaats.

MARKU 15:1

Ujënts unu, a bawiak-bajakan, júk abaar pëloole ni bawiak Bajudeu, ni bapican-ngëtsua, ni kato kawat-pëleents kawiak bëlieng. A ba tan Yeesu, ba tsëpandul ee gutsar Pilaatus.

LÚKAS 12:5

Mán piban ind ni nduu lali: Nda lalan ni kan fiŋ unk uliaf a uu ba, në ka pëyëlan pa pëgutsar nfeernu. Eey-e, ma n ja ind, nda lalan namënts un.

LÚKAS 22:66

Unu kë fa, a bawiak bañaan-ucaak, ni bawiak-bajakan, ni bapican-ulua, júk. Yeesu tsëpanda rul, di kato kawat-pëleents kawiak;

KAKÚRAN-KAWAR YEESU KRISTU BI JOŊ LEENŢ BI KUL AJA 11:47

A bawiak-bajakan, ni Bafariseu, ru kato kawat-pëleents kawiak ba júk, a ba ja: “Wee ngë ci-un tsi përo? Ñaani aci tsi përo ngëpibanaani ngëcumal.

KAKÚRAN-KAWAR YEESU KRISTU BI JOŊ LEENŢ BI KUL AJA 15:25

Maa ko wan arolaa, pa pëbandan përim pan picana pi tsi ulua bukul aja: ‘Bë ñaasin, te kaats ko un ka wi ba ñaasin.’

KAKÚRAN-KAWAR YEESU KRISTU BI JOŊ LEENŢ BI KUL AJA 7:20

A kandënd bañaan yankul aja: “M tsij ucaay! Yën ka tsas un pëfiŋu?”

KAKÚRAN-KAWAR YEESU KRISTU BI JOŊ LEENŢ BI KUL AJA 8:48

A Bajudeu yankul aja: “Bi wund jau bi m ci ñaan Samaaria a m niaja ucaay, wund faŋats iink-a?”

NGËRO 17:18

A balon bafets bëjukan nameko ni ka n jakee Epikureus, ni bëjukan nalon ni ka n jakee buts Estoikus, ci buts tsi pëtotëlar irim ni nul; a balon yeparul aja: “Natamb uñakan ni, wee na ŋal wun pëja?” Balon kë ja: “Anaam ne, aci naleents irim ngëcaay ngan meaatsa ngi.” Par, Pol aro ka leents Upetsan-uwar tsi uleka Yeesu, ni tsi uleka kanatsee-di-pëcäts.

NGËRO 22:30

Tsi unu ucints, nawiak basondaari ŋal pëme uwar ko un ka wi Bajudeu kë tumtsar Pol; a na pacul mkorante, na tsu bawiak-bajakan, ni kato kawat-pëleents kawiak bëlieng, ba júk. A na welandee Pol ee natsan tsi bërun bukul bëlieng.

NGËRO 23:1

A Pol kaŋan Bëjúk bawat-pëleents bawiak këkës, a na ja: “Batsaar ni nji bayënts, man yandaar tsi bërun Ajug ni uwejats uwar un ci wi-ba këci, te unu untsari.”

NGËRO 24:20

oo biki bërier bukul ba leentsan ne bu win n do ulon ko u mabats wi, bi n nats bi di bërun Bëjúk bawat-pëleents bawiak.

NGËRO 4:15

A ba tsu bukul ba pën di kato kawat-pëleents kawiak; a ba baar pëloole tsi ba ci tsi,

NGËRO 5:21

Bi ba te bi ko wan, din a unu kë jënts ba niaj kato-kayëman ee kur pëjukan bañaan. A bi nan pei pëci nawiak-bajakan baandi bi ni bacintsul, a ba rú bëjuk kato kawat-pëleents kawiak, ni bawiak babuk Israel bëlieng; a ba wël ulai di ukalabus pa bapostolu pë biindee.

NGËRO 5:27

A ba tsiji bukul ee natsan di kato kawat-pëleents kawiak. A nan pei pëci nawiak-bajakan yepar bukul

NGËRO 6:12

Bu sualan bañaan, ni bawiak Bajudeu, ni bapican-ulua, a ba yërand Estefan a ba mobël, ba tsëpandul di kato kawat-pëleents kawiak.

NGËRO 6:15

A ban tsoar biki bëlieng di kato kawat-pëleents kawiak kaŋan Estefan këkës, a ba win këkësul, pi këkës uwaanju.

NGËRO 7:37

Nul Moises ja un babuk Israel: ‘Nasien-batsi ka natsani nalon nayëlia pi nji, tsi nda tsaar tsi.’

ROOMA 12:10

Nda ŋalëlari di ngëwaas ind ni bëŋal mantsaalar, ndë ja ñaan, në rëmban acintsul.

1 KORINTU 6:10

nin bakiej, nin baŋal-uncaam, nin bakuj, nin baja ko u waraatsa wi tsi uleka ñaan, di ka rukanda pësien Nasien-batsi.

1 KORINTU 6:6

Maa, ñaan ka tsëpand ni ba tsaari tsëko kawat-pëleents, di bërun bawakats!

1 TESALONIKA 4:6

A tsi umënts wun, ñaan tsë ro ko wi ka lacanul wi tsi uleka acintsul, oo përeanaanul. Par, Ajug ka lukan ngëmënts ngun bëlieng, bi wund car bunk aleents ind, a wund piban ind.

TIITU 3:2

Bukul tsë ja uwutsëtsuel tsi uleka ñaan, ba ciin barika-tsas ukam, bajuab-ngëwaas, bu kë piban kajuab-uwaas tsi uleka bañaan bëlieng.

BAYEBËREU 12:25

Nda katan ibats, ind përits pok pëte nan ci tsi pëñakan. Par uci bi ba buerats bunk, uwal wi ba pok wunk pëte nan cari leents bukul tsi umundu, andes n ja, ngë ri ka buer buts uci ngë letësa nan car ink koo leentsi nja di batsi.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

JAKOB 2:20

Ko wi m danj wi ibats! Ane m ŋal pëme uwak un kaats wi ngëwar kaats bëkat-a?

JAKOB 3:6

A te pëndiamënt buts, aci bërua, aci umundu kamabats; pëndiamënt aka pëlas pul tsi incimëntsu nja ka tsopan uliaf bëlieng, a puu tsiji unjuatsia tsi ubiira ñaan bëlieng, a nfeernu kë tër pul.

1 PER 2:23

Nul nan karee, a lukanats; na nooranee, a leentsarats ñaan; maa na wëtar beenul nawat pëleents namabal.

1 PER 3:9

Ñaan nando indi uwutsëtsuel, ind tsë lukanaanul uwutsëtsuel, oo kakar tsë lukanaana kakar, maa u wara wi. Nda ru kë ja ngëwar par umënts wan wi nda ruuree wun, pa ind pëyank uwar wi nda ka wi përukanda.

1 JOŊ 2:9

Ñaan na njai aci tsi ufac a na ñaas ni ba tsaari, te inkri awama wam tsi karëm.

1 JOŊ 3:10

Tsi ko wi, tsi upäts Nasien-batsi kë yëkëraana tsun, ni upäts Ujabël: nan ditsi ba ka ro ko u mab wi, cits napäts Nasien-batsi, nin na ŋalatsi ba ni ba tsaari.

1 JOŊ 5:16

Uci ñaan win ni ba tsaari ro ujuban un cits wi pa pëcäts, na ñaandëriul, Nasien-batsi ka wëlul ubiira. Ko wi aci pa ban jubandarats biki pëcäts. Aka ujuban pa pëcäts, nji njaats ind nda ñaandar umënts wun.

JÚDAS 1:9

Ŋal Mikayel, un ci wi uwiak ngëwaanju, yeentsats pëkar Ujabël, uwal wi nguu totëlar wi irim tsi uleka puum Moises; maa u ja wul: “Ajug na leentsariu.”

UPIBAN 20:14

A pëcäts ni mcäts gutsaa di pëwal bërua. Pëwal bërua pëmënts pi, ci pun pëcäts pëtëbantsan.