MATEU 5:19 - KARÚK-PËRIM KAWALU Nouveau Testament

¹⁹ Nandoi ko un pokaa wi tsi ulon tsi ngëtsua ngan pe ngink pëtienkëts, a nuu jukan bañaan përo unk, kee tsua nan pei pëtienkëts di pësien batsi. Maa nan cii tsi përo ko wi ngëtsua ngëmënts ngi ja wi, a nuu jukan bañaan përo unk, kee tsua nawiak di pësien batsi.

MATEU 5:19 ပူးပေါင်းရင်းမြစ်များ

MATEU 11:11

Man leents ind ucär: Tsi kabuk ki bakaats buk ki, nape Joŋ-namijan cits. Maa di pësien Nasien-batsi, nan pei pëci naties apeul.

MATEU 19:28

A Yeesu ja bukul: “Mán leents ind ucär: Ind ban ci biki tsi pëfetsin: Uwal wi ngëko bëlieng kë witsa wi ngëwalu, Abuk ñaan-najin ka tsoar tsi pëtsoariul pi pësien, pi përëmb. Ind buts, ndë tsoar tsi këtsoari-pësien, untaaja ni këtëb, ndë wat këbuka Israel pëleents, kul untaaja kun ni këtëb.

MATEU 20:26

Maa kaats pëci ank tsi ind. Na ŋali pëci nawiak tsi ind, na ciin nakëmand ind;

MATEU 28:20

nda jukani bukul puu mob tsi ngi n tsu ind ngi, ngul bëlieng. Nda teenan-e, mán ci ni ind ngënu bëlieng, te uba umundu.”

LÚKAS 1:15

Par ka ci ñaan nawiak tsi bërun Ajug. Di ka raan ubiiñu, nin pëwat pëyëk. Ka wama ci di pëpës aninul, Uwejats ujënts ka cumul.

LÚKAS 11:42

Cay ind Bafariseu! Nda ja tsi kara ifa untaaja ngëko pi umbaantu, ni kamaatu, ni mko uwoorta bëlieng, ndë wël kaloole. Maa, nda tsuuts ibats tsi bëmabal ni bëŋal bi nda ro bi ka pëka tsi uleka Nasien-batsi. Ngëmënts ngi aka përolaa, te nda rits wët përo ngan duka ngunk.

LÚKAS 9:48

na ja bukul: “Na welani napäts naties ni, tsi katim nji, awelanin. A na welanini, awelan na yëliini. Par, nan pei pëci ñaan naties tsi ind bëlieng, ci-un ñaan nawiak.”

NGËRO 1:1

Teofilu! Man pican ulibëru nji ucak a n leents ngi Yeesu juund ngi përo bëlieng ni pëjukan,

ROOMA 3:8

A we ka wun a ngë ri ka ja: “Ngë ro ko u waraatsa wi, pa wul pëci ko uwar.” Balon bariat-ko aja unk di nja kë ja run; bukul bañaan bamënts bukun bu ka pëlacana.

ROOMA 6:1

A we wnja kë ja wun? Nja ka mob tsi ujuban pa bëtseend pëwatsësar-a?

ROOMA 6:15

Inkri we wnja kë baaraan wun? Nja ka juban undo bi ngë cits tsi ngëtsua, a ngë ci tsi bëtseend Nasien-batsi-a? Nin-a!

1 TIMOTEU 6:11

Maa wi, ñaan Nasien-batsi, túkan ngëmënts ngun; moban tsi bëmabal, ni tsi pëlënk Nasien-batsi, ni tsi uwak, ni tsi bëŋal, ni tsi umiira, ni tsi kajuab-uwaas.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

1 PER 5:4

A uwal wi Nayafan nan pei pëci nawiak kë pibandari wi, ndë wëla ucape-kape, wi përëmb, un dits wi ka coka.

1 JOŊ 3:4

Ñaan nandoi ba këro ujuban, aro buts ko wi ulua Nasien-batsi pok wi; par ujuban, aci uwal wi m do wi ko wi ulua Nasien-batsi pok wi.

UPIBAN 2:20

Maa, mán leentsaru tsi uleka ko wi: M wët ŋaats ni ka n jaka unk Jesabel, nul na njai bërierul aci nayëlia, a nuu jukan baleemp nji koo fal bukul a bu kë ro ngëko katuk-ufuts, a bu kë re nga n jakana ngi tsi icap.