MATEU 5:16 - KARÚK-PËRIM KAWALU Nouveau Testament

¹⁶ Unk buts, ufac ind u fietsan tsi bañaan, pa bu ka win ngëwar ngi nduu ro ngi, bu këbëndan Asin ind nan cii di batsi.

MATEU 5:16 ပူးပေါင်းရင်းမြစ်များ

MATEU 23:5

Bu ka ro ngëko bukul bëlieng pa pëwinaa tsi bañaan. Unk, bu kë waanës igaangëni ngëtsua bukul, bu kë rëmban imbiantëmb iŋi-bëtiem bukul.

MATEU 23:9

Te ind tsë ru ñaan tsi umundu asin ind, par naloole rin ci-un Asin ind, nul nan cii di batsi.

MATEU 5:45

pa ndë ci babuk Asin ind nan cii di batsi; par atsu unuul a u ja u roon u mayi pa ba kaalam ni bawar; a na tsu usubal a uu subi pa bamabal ni bamabats.

MATEU 6:16

Aja nduu bër-mlik, ind tsë piban nda juatsan; banguungu ka ro bukun unk, par përoñatsan urostu, pa pëpibanaan ba ci tsi kabër-mlik. Mán leents ind ucär: Bë yank ba bëluk bukul.

MATEU 6:9

Bi u ci bank, iink di nda ka run puu ñaan: Asin wund nan cii di batsi! Katimu ka rëmbanaa.

MATEU 9:8

Bi indënd bañaan win bi ko umënts wun, a ba lënk mak a bu kë bëndan Nasien-batsi, nul na wëli bañaan pëyëlan pi pëmënts pi.

LÚKAS 11:2

A Yeesu ja bukul: “Uñaan ind, nda jaan: Paapa, katimu ka ciin ka yëman ki; pësienu pa bili;

KAKÚRAN-KAWAR YEESU KRISTU BI JOŊ LEENŢ BI KUL AJA 15:8

Uci nda tsij mbuk mcumal, Asin nji arëmbanaa tsi wul, unk, ndë ci bafetsin.

NGËRO 9:36

A u ro ka nalon nafets Yeesu ŋaats di Jope, ni ka n jakee Tabita, uci wi Dorkas, un ci wi ubaca; nul acum ni karo-ngëwar, ni kawël-bëtseend.

1 KORINTU 14:25

Ngan beka ngi di uwaasul ka bekësee, unk në yër ka lëma tsi utsia, në jintëla Nasien-batsi, në ja: “Tsi ucär Nasien-batsi aci tsi pëncuaf ind.”

2 KORINTU 9:13

Bu ka pikra tsi bëkat uleemp wi, bacumal ka bundan Nasien-batsi tsi bi nda niiran bi pëpiban ko wi nda ci wi undo Upetsan-uwar Këristu; ni bi ndu wël bi ni ngëwaas ngan fac ngi, tsi bi ndu faar bi ngëko ni bukul ni bañaan bëlieng.

GALAASIA 1:24

A ba rëmban Nasien-batsi tsi undo nji.

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.

EFEESU 5:8

par uwal ujon, ind nda ro ci karëm, maa inkri, nda ci ufac tsi Ajug. Nda yandaari pi upäts ufac;

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

1 TIMOTEU 2:10

maa ba tsuun ibats bukul tsi karo ngëwar, bi bakaats ba nja biki bërier bukul bu lënk Nasien-batsi ja bi ba roon bu kë ro.

1 TIMOTEU 5:10

aka pëmeanda karo ngëwar: Uci na kus upätsul uwar, a na ci nawelan bañaan, a nuu ñaw bayëman itsiim, a nuu tsënk ban juatsan biki, a na ci na mobi tsi puu ro ko u wara wi-ba këwara përo.

1 TIMOTEU 5:25

Unk buts, ngëwar ngandola ngi, aja nga roon ngë wina; ŋal nga winaatsa ngi di ka baan tsi pëbekar.

1 TIMOTEU 6:18

Jaan bukul ba ci tsi puu ro uwar; ba ciin barëmb tsi karo ngëwar, batseend ni ibats in fac yi, bu ka ciind ban yecis biki puu faar ni bañaan.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

TIITU 2:7

Tsi ngëko bëlieng, pibani tsi wi bërieru m ci ñaan ni bañaan kë teenëni tsi karo ngëwar: tsi bëjukan, pibani bëjëntsal, ni urispiitu,

TIITU 3:14

Ba yiic nja, bu ka pëjuk buts puu pe këpe përo ngëwar, pa pëfierësaraan ngan fiera ngi tsi uyëk wul. Unk, ba rits ci bakaats-bëkat.

TIITU 3:4

Maa uwal wi kawara-uwaas Nasien-batsi pibandari wi ni bëŋal bi na ŋal bi bañaan, nul Nabuerani nja

BAYEBËREU 10:24

A nda ju ngë teelar pa puu liinc-liincandar ngëwaas tsi bëŋal, ni tsi përo ngëwar.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 PER 3:1

Ind bakaats buts, nda welani iyeen ind tsi bayën ind. Unk uci balon tsi bukul pok pëniiran përim, bu ka gaañaara tsi undo bëci baar bukul, te u rits ci ni përim.

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!

1 PER 4:14

A uci nda karaa tsi undo katim Këristu, nda ci ba naak biki, par Uwejats përëmb, un ci wi Uwejats Nasien-batsi, aci tsi ind.