MATEU 4:17 - KARÚK-PËRIM KAWALU Nouveau Testament

¹⁷ Pëkur tsi uwal umënts wun, a Yeesu jot pëleents përim, a nuu ja: “Nda yaari ibats, par pësien batsi awokani.”

MATEU 4:17 ပူးပေါင်းရင်းမြစ်များ

MATEU 10:7

Utsëp ind nduu leentsand bañaan ne Pësien batsi woki.

MATEU 11:12

Pëkuri tsi uwal Joŋ-namijan te inkri, uforsa ka niajëna wun pësien batsi; baka-uforsa ka yank bukun pul.

MATEU 13:11

A Yeesu yank bukul aja: “Par ind, nda wëla pëme ngi pësien batsi, ngandoots ngunk mea. Maa bukul, bu wëlaatsa pëme ngul.

MATEU 13:24

A Yeesu tib bukul pëlon përim kak, aja: “Pësien batsi anaam pi nints nan saali tsi mleempnaul.

MATEU 13:47

Pësien batsi akaka naam pi pëtseenk pan gutsa pi di bërëk, a pa mob ngëkoraar ngëtsëb bëlieng.

MATEU 13:9

Nan kai ibats iteeni, na teen!”

MATEU 25:1

Unk, pësien batsi ka naam pi bampëli untaaja ba meets biki niints, bän jej biki ngëlamp bukul, a ba tsëp pii jëk ni nanim.

MATEU 3:2

koo ja: “Nda yaari ibats, par pësien batsi awokani.”

MATEU 6:10

Tsuun pësienu pa bili; uŋalu u roaan tsi umundu, bi u ci bi di batsi.

MATEU 9:13

Nda tsëpan ndii juk ko wi përim pan picana pink pac wi: ‘Kayëk-ipës ki n fier kun, maa cits bëjakan.’ Par cits bañaan ba mab biki, biki n bi bukun përu, maa bajuban.”

LÚKAS 15:10

Man ja ind, unk di ulílan uwiak ci run tsi ngëwaanju Nasien-batsi, undo najuban naloole na yaari ibats.”

LÚKAS 15:7

Man ja ind, unk di ulílan uwiak kë ci run di batsi, undo najuban naloole na yaari ibats, apean ulílan bamabal ngëntaaja këwas ngun ni ulon ni bamabal këwas ni nalon ban fierats biki kayaar-ibats.

LÚKAS 24:47

din kayaar-ibats, pa pëjampësaa ngëjuban, ka leentsaa tsi katimul pa bañaan ban cits biki Bajudeu bëlieng, pëkurëna tsi Jerusalem.

LÚKAS 3:23

Yeesu ka kur uleempul, na wokan pëka ngëwaanu ngëntaaja ngëwaants. Nul Yeesu, ajaka aci abuk Juse, nan ci abuk Eli.

LÚKAS 5:32

Cits bañaan bamabal, biki n bi bëkun përu, maa bajuban, pa ba yaar ibats.”

LÚKAS 9:2

Na yël bukul pëleents bañaan ngëko pësien Nasien-batsi, ni pëyësan bamoj.

NGËRO 11:18

Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”

NGËRO 17:30

Tsi inkri, Nasien-batsi teenats ka meets ko ija maa inkri, a wël ulai ne bañaan bëlieng kara tsëko ka yaar ibats.

NGËRO 2:38

A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

NGËRO 26:20

maa, man cakës pëleents bañaan Damaasku përim, ni di Jerusalem buts, ni di Judeeya bëlieng, ni ban cits biki Bajudeu, pa ba yaar ibats, bu ka witsësee pa Nasien-batsi, bu ka mob tsi përo ngëko ngi kan piban ngi ba yaar ibats.

NGËRO 3:19

Nda yaari ibats, ndë witsësee tsi Nasien-batsi, pa ngëjuban ind pëfaawaa

BAYEBËREU 6:1

Wul ka wun, nda ju ngë wëtan bëjukan ngëko ngëcäk tsi uleka Këristu, nja ka pënar ngëko këjëŋal. Nja tsë tsu kak ucak-cakan, un ci wi, kayaar-ibats tsi uleka ngi ñaando ngi, ngi kan tsëpandul ngi pëcäts, ni un ci wi uwak tsi Nasien-batsi,