MATEU 4:10 - KARÚK-PËRIM KAWALU Nouveau Testament

¹⁰ A Yeesu ja : “Pënan tsi, wi useetaani, par ko wi picana wun: ‘Jintëlaan Ajug, nul nan cii Nasien-batsiu, kuu bëndanul, nul koorul.’”

MATEU 4:10 ပူးပေါင်းရင်းမြစ်များ

MATEU 16:23

Maa, a Yeesu witsësa, a na ja Per: “Pënan lawanin, Useetaani! M ci natsuin pëyër, par ngëwejatsu cits ngi Nasien-batsi, maa ngi bañaan-bajin.”

MARKU 1:13

A na ro ngënu ngëntaaja ngëbaakër di ulaalats, a Useetaani kë teen-teenanul. A na ci rul ni ngë n jar, a ngëwaanju kë këmandul.

LÚKAS 10:18

Din, Yeesu ja bukul: “Man win Useetaani, uyëri wul di batsi, pi kalikajan.

LÚKAS 11:18

A uci Useetaani kë kaman been wul, um bi pësien wul kë nats bun? Par nda ci tsi pëja, aci Beelsebul wi ndu nduakëna wun ngëcaay.

LÚKAS 13:16

A ŋaatsi, nul nan ci abuk Abraam, a Useetaani tanul ngëwaanu untaaja ni këwas, kaats na roon në pacaa tsi Unu-pënaakësa, tsi pëtana pi na tanaa pink-a?”

LÚKAS 22:3

Din a Useetaani niaj Judas, ni ka n jakee Iskarioti, nul nan ci nalon tsi bapostolu untaaja bukun ni batëb;

LÚKAS 22:31

“Simon, Simon, teenan-e! Useetaani ayep ind, pa u roon u way ind pi mmaaj.

LÚKAS 4:8

Yeesu ja : “Ko wi, picana wun: Jintëlaan Ajug, nul nan cii Nasien-batsiu, kuu leemparul, nul koorul.”

KAKÚRAN-KAWAR YEESU KRISTU BI JOŊ LEENŢ BI KUL AJA 13:27

Bi Judas yank bi kapom, Ujabël niajul, uyëk umënts wun. Din, a Yeesu jaul: “Ko wi kë ro wi, caran do wul.”

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

NGËRO 5:3

Din, a Per ja: “Ananias, we ka wun a m wët Useetaani a u cumu uwaas? M tsupar Uwejats-ujënts, m bek ko tsi uncaam wi m waapar wi bëka.

1 KORINTU 5:5

ndë gutsar Useetaani ñaan namëntsan, u gar uliaful, pa uwejatsul ka buer tsi Unu Ajug.

1 KORINTU 7:5

Ind tsë laaŋëlar, ucits ba pëjaa nda baar pëloole ulon uwal, pa pëmob tsi bëñaan, a uu ba, ndë kak ka bof; pa Useetaani përits teen-teenan ind, undo kayëlaants pëmob ngëliaf ind.

2 KORINTU 11:14

A ko wan pikranats, par ŋal Useetaani bërier wul awitsësar anaam uwaanju ufac.

2 KORINTU 12:7

A nji përits cum ni pëbëndan been nji tsi undo ngëko ngëwar mak ngi Nasien-batsi pibanin ngi, a n tsuaa kayu tsi uyamats nji; ulon uwaanju Useetaani atsua pëwaŋin tsi kambakats, pa nji përits bëndan been nji.

2 KORINTU 2:11

pa n ja tsë ci biki Ujabël kë fal biki, par ngë paaŋats ngëwejats wul.

JAKOB 4:7

Bi u ci bank, nda baari ibats ind tsi Nasien-batsi; nda liincandari tsi pëpok Ujabël, din u túk u lawan ind.

1 PER 5:9

Nda tambandari pëpok Ujabël tsi uwak, ndë me ne, batsaar ni ind aci buts tsi unoor umënts wi, tsi umundu.