MATEU 3:2 - KARÚK-PËRIM KAWALU Nouveau Testament

² koo ja: “Nda yaari ibats, par pësien batsi awokani.”

MATEU 3:2 ပူးပေါင်းရင်းမြစ်များ

MATEU 10:7

Utsëp ind nduu leentsand bañaan ne Pësien batsi woki.

MATEU 11:20

Din a Yeesu leentsar mak iraasa i na peena yi përo ngëkoul ngi bawitsa, par bañaan yul yaarats ibats; a na aja bukul:

MATEU 12:41

Tsi Unu kawat-pëleents, bañaan-ucaak Niniwe ka natsee ni bañaan ntsari, bu ka lacan bañaan ntsari. Par, bi Jonas leents bi bukul përim Nasien-batsi, a ba yaar ibats. A te, nan pee Jonas ci ink tsi.

MATEU 13:11

A Yeesu yank bukul aja: “Par ind, nda wëla pëme ngi pësien batsi, ngandoots ngunk mea. Maa bukul, bu wëlaatsa pëme ngul.

MATEU 13:24

A Yeesu tib bukul pëlon përim kak, aja: “Pësien batsi anaam pi nints nan saali tsi mleempnaul.

MATEU 13:31

A na tib bukul pëlon përim kak, aja: “Pësien batsi, anaam pi pëbuk bëmutaar, pi ñaan jej pi a na saal tsi tsëkoul.

MATEU 13:33

A na tib bukul pëlon përim, aja: “Pësien batsi anaam pi bëko-bëlëntsëtsaani, bi ŋaats jej bi abofëlan ni ifale i niiba yi iniibi iwaants, aa i lëntsëtsëni bëlieng.”

MATEU 13:47

Pësien batsi akaka naam pi pëtseenk pan gutsa pi di bërëk, a pa mob ngëkoraar ngëtsëb bëlieng.

MATEU 13:52

A na ja bukul: “Wul ka wun, napican-ulua nan ci nafets ngëko pësien batsi, anaam pi nawiak kato nan pënanii ngëko ngëwalu ni ngëjon tsi bëkaul.”

MATEU 18:23

Wul ka wun, pësien batsi anaam pi nasien na ŋali përo baleempul unkoont.

MATEU 20:1

Par pësien batsi anaam pi ajug kato na natsee tsi kafa-unu pëtsas baleemp, ba leemparul di uwoorta mko ubiiñu.

MATEU 22:2

“Pësien batsi anaam pi nasien nan cii tsi përo ufesta bënim abukul niints;

MATEU 23:13

Cay bapican-ulua ni Bafariseu, ind banguungu! Par nda ja nda roon nduu ríc bañaan Pësien batsi tsi këkës bukul. Maa ind bërërind nda ri ka niaj, nin pëwëtan biki kan këmand biki pëniaj ba niaj.

MATEU 25:1

Unk, pësien batsi ka naam pi bampëli untaaja ba meets biki niints, bän jej biki ngëlamp bukul, a ba tsëp pii jëk ni nanim.

MATEU 25:14

Pësien batsi naam pi ñaan ni kan pëni pëya bëyaas, a na rui balempul, a na pëtanan bukul bëkaul.

MATEU 4:17

Pëkur tsi uwal umënts wun, a Yeesu jot pëleents përim, a nuu ja: “Nda yaari ibats, par pësien batsi awokani.”

MATEU 4:23

Yeesu kë yaana Galileeya bëlieng, nuu jukan di ito-ijuki bukul, nuu leents Upetsan-uwar uleka pësien batsi, nuu yësanaand maak bëlieng, ni basal ban ci bi ba këci tsi bañaan.

MATEU 5:10

Bë naak, ban ci biki tsi përeata undo bëmabal, par pësien batsi aci píic bukul!

MATEU 5:3

“Bu naak, ban ci biki baranj tsi uwejats, par pësien batsi aci piic bukul!

MATEU 6:10

Tsuun pësienu pa bili; uŋalu u roaan tsi umundu, bi u ci bi di batsi.

MATEU 6:33

Nda tsasan bërun pësienul ni bëmabalul, din ngëmënts ngan bëlieng kee watsësa ind.

MARKU 1:15

koo ja: “Uwal aband, pësien Nasien-batsi awokani. Nda yaari ibats, ndë Uwak tsi Upetsan-uwar.”

MARKU 1:4

Joŋ-namijan, apibandar di ulaalats, a nuu leents uleka bëmijan kayaar-ibats, pa pëjampësaa ngëjuban.

MARKU 6:12

Din a ba pën, a bu kë leents përim koo ja bañaan ba yaar ibats.

LÚKAS 1:16

Ka tsu bañaan Israel bacumal, ka kaki tsi Ajug, Nasien-batsi kul.

LÚKAS 11:20

Maa, uci u ci pëkuanj Nasien-batsi pi ndu nduakëna pun ngëcaay nga pën di bañaan, ndë me, pësien Nasien-batsi abaandi tsi ind.

LÚKAS 13:3

Man ja ind, nin a! Maa uci nda yaarats ba ibats, ndë niam bëlieng, bi ba niam bunk.

LÚKAS 13:5

Man ja ind, nin a! Maa uci nda yaarats ba ibats, ndë niam bëlieng, bi ba niam bunk.”

LÚKAS 15:10

Man ja ind, unk di ulílan uwiak ci run tsi ngëwaanju Nasien-batsi, undo najuban naloole na yaari ibats.”

LÚKAS 15:7

Man ja ind, unk di ulílan uwiak kë ci run di batsi, undo najuban naloole na yaari ibats, apean ulílan bamabal ngëntaaja këwas ngun ni ulon ni bamabal këwas ni nalon ban fierats biki kayaar-ibats.

LÚKAS 16:30

Na yank Abraam, aja: ‘Nin a, paapa, Abraam! Par uci nalon pën di bacäts atsëp di bukul, din bu ka yaar ibats.’

LÚKAS 21:31

Unk buts, uwin ind ngëko ngëmënts ngan kë baandi, ndë me ne, pësien Nasien-batsi awokani.

LÚKAS 24:47

din kayaar-ibats, pa pëjampësaa ngëjuban, ka leentsaa tsi katimul pa bañaan ban cits biki Bajudeu bëlieng, pëkurëna tsi Jerusalem.

LÚKAS 6:20

A Yeesu kat këkës akaŋan bafetsul, na ja: “Nda naak, ind baranj! Par pësien Nasien-batsi aci piic ind.

LÚKAS 9:2

Na yël bukul pëleents bañaan ngëko pësien Nasien-batsi, ni pëyësan bamoj.

NGËRO 11:18

Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”

NGËRO 17:30

Tsi inkri, Nasien-batsi teenats ka meets ko ija maa inkri, a wël ulai ne bañaan bëlieng kara tsëko ka yaar ibats.

NGËRO 2:38

A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

NGËRO 26:20

maa, man cakës pëleents bañaan Damaasku përim, ni di Jerusalem buts, ni di Judeeya bëlieng, ni ban cits biki Bajudeu, pa ba yaar ibats, bu ka witsësee pa Nasien-batsi, bu ka mob tsi përo ngëko ngi kan piban ngi ba yaar ibats.

NGËRO 3:19

Nda yaari ibats, ndë witsësee tsi Nasien-batsi, pa ngëjuban ind pëfaawaa

2 KORINTU 7:10

Par pëjuatsan pan pënë-ni pi tsi Nasien-batsi, ka tsiji kayaar-ibats pa pëbuer, kan dits ki ka tsiji pëja, n do me; maa pëjuatsan pan ci pi pi umundu, ka tsiji pëcäts.

KOLOS 1:13

Apënan nja tsi uyëlan krëm, a na butan nja di pësien Abuk ni na ŋal unk;

2 TIMOTEU 2:25

ni kajuab-uwaas nuu cikës bapok bëjukan bi nuu jukan bi; në wats tsi Nasien-batsi pëtseend bukul kayaar-ibats, pa bu ka me ucär,

BAYEBËREU 6:1

Wul ka wun, nda ju ngë wëtan bëjukan ngëko ngëcäk tsi uleka Këristu, nja ka pënar ngëko këjëŋal. Nja tsë tsu kak ucak-cakan, un ci wi, kayaar-ibats tsi uleka ngi ñaando ngi, ngi kan tsëpandul ngi pëcäts, ni un ci wi uwak tsi Nasien-batsi,

2 PER 3:9

Ajug di ka jonand uwatsanul, bi balon kë wejats bi tsi ibats, nuu jonand; maa aja na roon nuu miira ind këmiira ind, a ŋalats nin naloole pëniam, maa bañaan bëlieng pëyaar ibats.

UPIBAN 2:21

Man wëlul uwal pa na yaar ibats, maa ŋalats pëwëtan katúk-ufuts ki na ciina ki.

UPIBAN 2:5

Bi u ci bank, lesan tsi m pënë-ni tsi m yëri, yaari ibats, doan ngëcäk ngi m do ngi ka ro. Ucits ank ba, ka bi tsi wi, din ka pënan kapafëni-ulampu, tsi pëlas kul, uci m yaarats ibats.