MATEU 27:19 - KARÚK-PËRIM KAWALU Nouveau Testament

¹⁹ Bi Pilaatus tsoar bi di kato kawat-pëleents, a aarul wëtaniul përim aja: “Tsë tsu mtumu di ko niints namabal ni, par ntsari ma noor mak tsi utsaafi, ujaraul.”

MATEU 27:19 ပူးပေါင်းရင်းမြစ်များ

MATEU 1:20

Maa bi nu wejats bi përo ko wan, a u ka uwaanju Ajug un cili wi tsi nul tsi utsaafi, a u jaul: “Juse abuk Dawid! Tsë lënk pëyank Maaria, aaru. Par amob pëpës maa aci ko un biini wi tsi Uwejats-ujënts.

MATEU 2:19

Bi Eroodis cäts bi, a u ka uwaanju Ajug un cili wi tsi Juse tsi utsaafi, di Ejipët;

MATEU 2:22

Maa, bi na te bi u jaka Arkelaus ruka un sien Judeeya tsi pëlas asinul Eroodis, a na lal pëtsëp rul. A tsi utsaafi, a Nasien-batsi car apibanul, din a na kikara kajara Galileeya.

MATEU 27:18

Par nul ame u ci-undo mankocar ka wun ba gutsariul Yeesu.

MATEU 27:24

Bi Pilaatus win bi na nayëlants ko tsul, a mangëbulër kë watsësar, a na jej mlik, a na ñaw iñan tsi bërun kandënd bañaan, a na ja: “Iñan nji jënts tsi katul pëñaak namëntsi. Ind ka teen bukun.”

MATEU 27:4

a na ja: “Ma ndo ujuban, par ma n tsu na lacätsi pa na fiŋa.” Maa a ba yankul aja: “Mtúm wund we tsul? Wi ruka un m me!”

LÚKAS 23:41

Pa n ja, aci ko u mab wi: nja ka yank këyank bëluk ko wi ngë ro wi, maa nul roots ko u waraatsa wi.”

LÚKAS 23:47

Bi kapëton basondaari win bi ko un par wi, na bëndan Nasien-batsi, aja: “Tsi ubaaraari, ñaan ni aro ci namabal.”

KAKÚRAN-KAWAR YEESU KRISTU BI JOŊ LEENŢ BI KUL AJA 19:13

Bi Pilaatus te bi irim yan, a na pënand Yeesu utsand, a na tsoar tsi pëtsoari kawat-pëleents, tsi tsëko tsi ka n jaka tsi Litoostërotu; a tsuu jaka Gabata, tsi pëleents Bayebëreu.

NGËRO 12:21

Tsi unu un tsua wi, a Eroodis tiema iŋi pësien a na tsoar tsi pëtsoari kawat-pëleents, a na ñakanaan bañaan bëlieng.

NGËRO 18:12

Maa bi Gaaliu ci bi na tsijëna-pëboos Akaaya, Bajudeu baar pëloole a ba natsara Pol, ba tsëpandul kato kawat-pëleents,

NGËRO 18:16

A na ruak bukul di kato kawat-pëleents.

NGËRO 18:17

Din, a Bajudeu bëlieng yërand Sostenes nawiak kato-kajuki, koo tucanul tsi bërun kato kawat-pëleents; maa Gaaliu teenats koon këteen ngëmënts ngan.

NGËRO 25:10

Maa, Pol jaul: “Man ci tsi bërun bañaan kato kawat-pëleents, ki Seesar, nasien nawiak; tsul tsi n ka tsun pëwataa pëleents. Bi m me bunk uwar, nji n doots nin ulon ko u waraatsa wi tsi uleka Bajudeu.

NGËRO 25:17

A bi ba baandi bi tsi, tsi unu ucints, jonats a n tsoar di kato kawat-pëleents, a n tsu bukul ba tsiji niints namënts un.

NGËRO 25:6

A Festu ci ni bukul aro ngënu ngan peets ngi këwas oo untaaja, a na wela atsëp Seesareeya. Tsi unu ucints, a na tsoar di kato kawat-pëleents, na tsu bañaan ba tsiji Pol.

1 PER 2:22

Nul nandootsi ujuban, nin kalon kafäl cits di mtumul.

1 JOŊ 2:1

Upats nji baties, mán picari ind ngëko ngi, pa ind përits juban. Maa uci ñaan bi juban, ngë ka na natsar nja tsi bërun Asin, un ci wi Yeesu Këristu, namabal.