MATEU 26:55 - KARÚK-PËRIM KAWALU Nouveau Testament

⁵⁵ Tsi uwoora umënts wun, a Yeesu ja kandënd bañaan: “Nda bi ni ngëlaac ni ngëndog, pii mobin, pi man ci uwayu. Man do ka n tsoar ngënu bëlieng di kato-kayëman, a ndu jukan, a nda mobatsin.

MATEU 26:55 ပူးပေါင်းရင်းမြစ်များ

MATEU 21:23

Yeesu niaj kato-kayëman, a na ci tsi bëjukan. A bawiak-bajakan, ni bawiak Bajudeu baandi tsi nul, a ba yeparul aja: “Wee m tsënkanaan wun përo ngëko ngi? A yën wëlu un pëtsënkan përo ngul?”

MATEU 26:47

Bi na wama bi ka ñakan, a Judas baandi; nul nan ci nalon tsi untaaja bukun ni batëb, acii ni kandënd bañaan kawiak, a ba ŋaŋandër ni ngëlaac ni ngëndog; bawiak-bajakan, ni bawiak Bajudeu yëli bukun bukul.

MARKU 10:1

A Yeesu pën tsul atsëp pëboos Judeeya, a na lut kajara bërëk Jordan. A kandënd bañaan kaka júk tsi nul, a na kaka ci tsi puu jukan bukul, bi na ro bi Uwakëtsa përo.

MARKU 12:35

Bi Yeesu kë jukan bi di kato-kayëman, a na yepar aja: “Um bi bapican-ngëtsua yëlan bun pëja Këristu aci Abuk Dawid?

LÚKAS 19:47

A nuu jukan di kato-kayëman, kara unu. Bawiak-bajakan ni bapican-ulua ni bawiak bañaan-ucaak kë tsas pëfiŋul.

LÚKAS 20:1

Ulon unu, bi Yeesu kë jukan bi bañaan di kato-kayëman, a nuu leentsand Upetsan-uwar, din bawiak-bajakan, ni bapican-ulua, baandi ni bawiak Bajudeu.

LÚKAS 4:20

Yeesu lëm ulibëru, na kakan wul naleemp, na tsoar. Bañaan bëlieng di kato-kajúki kaŋanul këkës.

KAKÚRAN-KAWAR YEESU KRISTU BI JOŊ LEENŢ BI KUL AJA 7:14

A bi ufesta ruka bi band umetaari, a Yeesu kata atsëp kato-kayëman, a nuu jukan.

KAKÚRAN-KAWAR YEESU KRISTU BI JOŊ LEENŢ BI KUL AJA 7:28

Bi Yeesu kë jukan bi di kato-kayëman, a na lie aja: “Ind nda mein, a nda me buts tsi n pënë-ni tsi! Nji n biits tsi uŋal nji bërierin, maa na yëliini aci nacär; ind nda meetsul.

KAKÚRAN-KAWAR YEESU KRISTU BI JOŊ LEENŢ BI KUL AJA 8:2

Ufa unu, na witsee kato-kayëman. A bañaan bëlieng kë bi tsi nul, na tsoar, a na ci tsi pëjukan bukul.

KAKÚRAN-KAWAR YEESU KRISTU BI JOŊ LEENŢ BI KUL AJA 8:20

Yeesu ajaana irim yan di tsëko tsëgaangëni-bëka, bi na ci bi tsi bëjukan di kato-kayëman. A ñaan mobatsul, par uwalul netse band.