MATEU 26:28 - KARÚK-PËRIM KAWALU Nouveau Testament

²⁸ par ko wi aci pëñaak nji, pëñaak karo-pëloole, pan tulaa pi pa bacumal, pa pëjampësana ngëjuban.

MATEU 26:28 ပူးပေါင်းရင်းမြစ်များ

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

MATEU 26:27

A bi na jej bi karaani a na wël mbaran, a nu wël bukul a na ja: “Nda raanan tsi kul, ind bëlieng;

MATEU 26:29

Par ma n ja ind, pëpën tsi inkri pëya bërun, in katse ka n daan pëwat mbuk bëbiiñu pi, te unu wi n du n daan wi pul pëwalu, ni ind, di pësien Asin nji.”

MATEU 6:12

Jampësaan wund ngëjuban, bi wund jampësabi ba lac wund biki.

MARKU 1:4

Joŋ-namijan, apibandar di ulaalats, a nuu leents uleka bëmijan kayaar-ibats, pa pëjampësaa ngëjuban.

MARKU 14:24

A na ja bukul: “Ko wi aci pëñaak nji, pëñaak karo-pëloole, pan tulaa pi pa bañaan bacumal.

LÚKAS 22:19

Din, a na jej pëpom, na baran, na cëtës pul, na wël bukul, na ja: “Ko wi, aci uliaf nji, u wëla wi pa ind. Nda ru kuu ro ko umënts wi, pa pëlesënin.”

LÚKAS 22:20

Tsi uleka karaani, bi ba ba bi kare ufëri, na ro unk buts, aja: “Karaani ki, aci Karo-pëloole kawalu tsi pëñaak nji pan tulaa pi pa ind.

ROOMA 5:15

Maa utseend u wëla wi bëlukats cits pi ulaci. Par uci ulaci ñaan naloole baŋ ka wun bañaan bacumal cats, andes bëtseend Nasien-batsi ni utseend u wëla wi bëlukats, un ci wi tsi ñaan naloole baŋ, nul Yeesu Këristu ape pëka bëkat tsi bañaan bacumal.

ROOMA 5:19

Par bi ñaan-najin naloole baŋ niiraants bunk përim, a bañaan bacumal tsuaa bajuban; unk buts di bañaan bacumal kë tsua run bamabal, undo bi ñaan-najin naloole baŋ niiran bunk përim.

1 KORINTU 11:25

Unk, bi ba ba bi kare ufëri, a na kaka jej buts karaani, a na ja: “Karaani ki, aci karo-pëloole kawalu tsi pëñaak nji. Ndu ja nduu raan tsi kul, ndë ro unk pa puu lesënin.”

EFEESU 1:7

tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

KOLOS 1:14

tsi nul ngë lukaraa pëbuer a ngëjuban nja jampësaa.

KOLOS 1:20

a na tsu ngëko bëlieng nga teelaraan ni nul tsi Abuk, uci ank ngan ci ngi tsi utsia oo ngan ci ngi di batsi; bi na tsu bi pëfac a pa ci, undo pëñaakul pi kruusul.

BAYEBËREU 10:29

Nda wejatsari-e! Nan poos-poosani Abuk Nasien-batsi, nan tsui pëñaak karo-pëloole pi ko utsopal, te tsi pul tsi na ro tsun yëmana, a nee kar Uwejats, wi bëtseend, uwom unoor un pe pëjuats ka kakanaul wun?

BAYEBËREU 13:20

Nasien-batsi kankaana pëfac, nul nan katii nayafan ngënkaanel nawiak di bacäts, un ci wi Ajug nja Yeesu, undo pëñaak karo-pëloole kan dits ki ka ba.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

1 JOŊ 2:2

Nul ci-un bëjakan bi kan pënan bi ngëjuban nja a cits ngëjuban nja rin, maa ngi bañaan umundu bëlieng.

UPIBAN 7:14

A n yankul a n ja: “Nawiak nji! Wi m me.” A na jain: “Bamënts biki aci ban pëni biki di unoor uwiak. Bë nijëna iŋi bukul yi bëtiema ba faacanaan yul tsi pëñaak Ubuk-unkaanel wun.

UPIBAN 7:9

A ngëmënts ngun par, din a n win: aci kandënd bañaan kawiak mak; ñaan yëlaants pëpin bukul. Bë pënë-ni ngëcaak bëlieng, ni këbuka bëlieng, ni bañaan bëlieng, ni ngëlíingu bëlieng; bu nats tsi bërun pëtsoari-pësien ni tsi bërun Ubuk-unkaanel wun. Bë tiema iŋi iyampal ifaacal, a ba tsij ikënd tsi iñan bukul.