MATEU 24:9 - KARÚK-PËRIM KAWALU Nouveau Testament

⁹ Din, bu ka guts ind tsi unoor, bu ka fiŋ ind. Ban cits biki Bajudeu bëlieng, bu ka ñaas ind, undo katim nji.

MATEU 24:9 ပူးပေါင်းရင်းမြစ်များ

MATEU 22:6

a banduka bukun mob baleemp atucan aa ba fiŋ bukul.

MATEU 23:34

Wul ka wun, a wëtani ind bayëlia, ni bameko, ni bapican-ulua. Nduu fiŋ balon, ndë rieŋ balon di kruus; uja tsi kato-kajúki ind, ndë tucan balon; uja tsi përaasa, ndë natsara bukul koo noor-nooran.

LÚKAS 11:49

Wul ka wun Kameko Nasien-batsi ja: ‘Mán wëtani bukul bayëlia ni bapostolu, bu ka fiŋ balon tsi ba wëtanee biki, bu ka noor-nooran bacints;’

LÚKAS 21:12

Maa ngëmënts ngan bëlieng ka ruka ka ci, bu ka lak ind kañan, bu ka noor-nooran ind, bu ka guts ind di ito-ijúki ni di ngëkalabus, bu ka tsëpand ind di bërun basien, ni di bërun ba tsijëna-këboos, undo katim nji.

KAKÚRAN-KAWAR YEESU KRISTU BI JOŊ LEENŢ BI KUL AJA 15:18

Uci umundu ñaas ind, nda mean u ci nji ni u ñaas un ucäk.

KAKÚRAN-KAWAR YEESU KRISTU BI JOŊ LEENŢ BI KUL AJA 15:21

Maa, bu ka ro ind ngëko ngan bëlieng, undo katim nji, par bu meets na yëliini.

KAKÚRAN-KAWAR YEESU KRISTU BI JOŊ LEENŢ BI KUL AJA 16:2

Bu ka pënan ind di ito-ijúki. Maa uwal ka bi, uja ñaan fiŋ ind, në ja ne aci tsi pëleempar Nasien-batsi.

NGËRO 28:22

Maa, wund aŋal pëte ko wi m wejats wi bërieru. Par tsi ucär, wund ate uleka bëjukan bi, di ngëburu bëlieng bu ka ñakandar bul ngëwutsëtsuël.”

NGËRO 7:59

Bi bu kë tap bi Estefan ni ilaak, a na ñaan aja: “Yeesu Ajug! Yankan uwejats nji.”

1 PER 4:16

Maa uci na ci tsi unoor pi Ñaan-këristu, nul tsë kawara ko wan, maa na rëmbani Nasien-batsi tsi undo katim ki.

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 2:13

‘Ma me tsi m ciina tsi: tsul tsi pëtsoari-pësien Useetaani ci tsun. Maa, m mob tsi katim nji m liincan, a m wëtaants uwak nji, ŋal uwal wi Antipas fiŋa wi, nul nan ci namaatir-ngëmiñ, na mobi tsi ngul; afiŋa tsi pëncuaf ind, tsul tsi Useetaani ciina tsi.

UPIBAN 7:14

A n yankul a n ja: “Nawiak nji! Wi m me.” A na jain: “Bamënts biki aci ban pëni biki di unoor uwiak. Bë nijëna iŋi bukul yi bëtiema ba faacanaan yul tsi pëñaak Ubuk-unkaanel wun.