MATEU 24:24 - KARÚK-PËRIM KAWALU Nouveau Testament

²⁴ Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

MATEU 24:24 ပူးပေါင်းရင်းမြစ်များ

MATEU 22:14

Par bandua biki, bu cum; maa ko uties data wun.”

MATEU 24:11

Bayëlia batsup bacumal ka natsa, bu kë fäl bañaan bacumal.

MATEU 24:22

Te uci ngënu ngëmënts ngandoots rukësa, nin ñaan di ka buer; maa undo ban data biki, ngënu ngëmënts ngan ka rukësa.

MATEU 24:25

Nji n car ank a leents ind.

MATEU 24:31

pëncend puwiak ka leents mak, në yëli ngëwanjul ngë jukëlën bayiicul ban data biki, pëjej ni ri kajendats umundu te ri kacints.

MATEU 24:5

Par bacumal kee ba bi, bu ka tsuar katim nji; uja nan dooni nuu ja: ‘Nji n ci-un Këristu;’ bu kee fäl bañaan bacumal.

MATEU 7:15

Nda rukan ibats tsi bayëlia batsup; bi bu bi bi tsi ind ni kawara urafaal; maa di bametsu bukul, bë ci ngënjurtu ngëjuatsal.

MARKU 13:22

Par barata batsup, ni bayëlia batsup, bu ka natsa, bu kë ro ngëpibanaani, ni ngëko ngan pikran ngi, pa puu falëna bañaan, te ŋal ban data biki, uci u yëla bëro.

LÚKAS 18:7

Ande Nasien-batsi di ka faŋan biki na rat biki-a? Bukul ba nja biki ba roon bu kë kat përim koo ruul pënak ni bërëm; kee na jon pëyankar bukul-a?

KAKÚRAN-KAWAR YEESU KRISTU BI JOŊ LEENŢ BI KUL AJA 4:48

A Yeesu jaul: “Uci nda winats ngëpibanaani, ni ngëko ngan pikran ngi, nda ri ka wak, yaas.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:37

Bañaan biki Asin nji wëlin biki bëlieng, bu ka bi tsi nji; a nan bii tsi nji, yaas a ka gutsarul utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 6:39

A uŋal na yëliini ci wun wi: Pa nin naloole tsi biki na wëlin biki bëlieng tsë niamënin, maa nji pënatsani bukul di pëcäts, tsi unu utuami.

NGËRO 20:16

Pol ŋalats pëjon di Aasia, na baaraan përits caal Efeesu par acësara pëmaatir unu Pentëkost di Jerusalem, uci u yëla bëro.

ROOMA 12:18

uci u yëla bëro, nda ciin tsi pëfac ni bañaan bëlieng; aruka rukëna tsi ind.

GALAASIA 4:15

Ulílan ind aci tsum-i? Par mán leents ind ne, uci u ro yila bëro, nda bi ka ro kuatës këkës ind nda wëlin.

2 TIMOTEU 2:19

Maa ujuundi uliincal, di Nasien-batsi natsan di, lëg-lëgaats. Tampoŋ dul ci run përim pi: “Ajug ame ban ci biki bayiicul;” ni përim pi buts: “Na n jai ba këja abof ni Ajug, na lawani ngëko-kamabats.”

1 PER 1:5

A tsi undo uwak ind, nda gaanga tsi pëyëlan Nasien-batsi, pa pëbuer pan yecisa pi pëpibana tsi uwal utuami.

2 PER 3:17

Bi u ci bank, bamiñ ba ŋala biki, bi nda car bink ame ngëko ngëmënts ngi, nda rukan ibats; ind tsë wët bameets-ngëtsua, ba tsëpand ind di mtsopi bukul, a ndii yër tsi uwak ind wi nda natsëna wi.

1 JOŊ 2:18

Upats uties, aci ba uler utuami; bi nda te bi u jaka nanatsara-këristu ka bi, inkri banatsara-këstu bacumal apëni ba. Wul ka wun ngë me u ci ba uler utuami.

1 JOŊ 2:22

Naom ci-un natsup, ucits ba nan poki ja Yeesu cits Këristu? Namëntsi ci-un nanatsara-Këristu nan bëri Asin ni Abuk.

1 JOŊ 5:18

Ngë me ne, ñaan nan bukee ba këbuka tsi Nasien-batsi di ka ci tsi ujuban, maa Abuk Nasien-batsi ka waayul, a Naro-ngëko-kawaraatsa di ka këraraul.

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.