MATEU 24:14 - KARÚK-PËRIM KAWALU Nouveau Testament

¹⁴ Upetsan-uwar pësien Nasien-batsi wi, ka leentsa di umundu bëlieng, pa pëci upibanaani pa ban cits biki Bajudeu bëlieng. Din, utuami ka baandi.

MATEU 24:14 ပူးပေါင်းရင်းမြစ်များ

MATEU 10:7

Utsëp ind nduu leentsand bañaan ne Pësien batsi woki.

MATEU 18:19

Mán leents ind ucär kak: Uci batëb tsi ind baar pëloole tsi umundu, tsi ko wi bu kë yep wi ba këyep, Asin nji nan cii di batsi ka wël bukul.

MATEU 24:3

Bi na tsoar bi tsi untunda Mëoliwa, a bafetsul bi tsi nul tsi ufaai, a ba jaul: “Leents wund-e lum di ngëmënts ngan kii ci run? A wom upibanaani kee piban wun pëbiu, ni ubaar umundu?”

MATEU 24:6

Nduu te ukam kë kamaa, ni pësiints ukam; maa, ind tsë lënk, par ko wan aka pëci; maa netse ka ci ubaar umundu.

MATEU 4:23

Yeesu kë yaana Galileeya bëlieng, nuu jukan di ito-ijuki bukul, nuu leents Upetsan-uwar uleka pësien batsi, nuu yësanaand maak bëlieng, ni basal ban ci bi ba këci tsi bañaan.

MATEU 9:35

A Yeesu yaana iraasa bëlieng ni ngëntab, a nuu jukan bañaan di ito-ijuki, nuu leents Upetsan-uwar uleka pësien batsi, nuu yësanaand bañaan mmoj bëlieng, ni mmaak man ci bi ba këci.

MARKU 13:10

Maa, Upetsan-uwar aka bërun pëleentsa bañaan ban cits biki Bajudeu bëlieng.

LÚKAS 2:1

Tsi uwal umënts wun, Agustu, nasien nawiak tsu ulua pa bañaan bëlieng pëmarkaara.

LÚKAS 24:47

din kayaar-ibats, pa pëjampësaa ngëjuban, ka leentsaa tsi katimul pa bañaan ban cits biki Bajudeu bëlieng, pëkurëna tsi Jerusalem.

LÚKAS 4:5

Ujabël tsëpandul ruëts. Ucar umënts wun, u pibanul msien bëlieng tsi umundu.

NGËRO 1:2

te unu wi na tsëpanda wi batsi, bi na ba bi pëwël bapostolu ngëtsua tsi pëyëlan Uwejats-ujënts, bukul biki na rat biki.

NGËRO 11:28

a nalon ni ka n jakee Agabës natsa, a na ñakan tsi pëyëlan Uwejats, aleents ubon uwiak kii ci tsi umundu bëlieng; a u bi ci tsi uwal Klaudiu, nasien nawiak.

NGËRO 17:31

Par, atsu unu, wi nu wat wi umundu pëleents tsi bëmabal, tsi niints nalon ni na rati; a na wël bañaan bëlieng upibanaani u ciul, bi na tsuul bi na natsee di bacäts.”

NGËRO 17:6

Bi ba winats bi bukul, a ba púul Jaason ni balon ba uwak biki atsëpand di bawiak përaasa; bu kë lië koo ja: “Bañaan biki ka cok bukun ucaak, bë baandi buts tsi;

NGËRO 19:27

Cits uleemp nja rin kee yëlan wun pëtienkëtsëna, maa buts ndërum ucaay ukaats uwiak, wi ka n jaka wink Arteemis di ka wëla urispiitu. Arteemis bërier wul, wi bañaan Aasia bëlieng kë bëndan wi ni bañaan umundu bëlieng, katse kee rëmbanaa.”

NGËRO 20:25

Tsi inkri, man me ne ind biki yaana biki bëlieng, a n dë leents uleka pësien Nasien-batsi, nda katse ka win urostu nji.

ROOMA 10:18

Maa mán yepar: Ane bë teets-a? Tsi ucär bë te! “Përim bukul atea di ucaak bëlieng, a irim bukul tea te di ngëntsañi umundu.”

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

KOLOS 1:6

un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

BAYEBËREU 1:6

Maa, uwal wi Nasien-batsi tsiji wi Bajan tsi umundu, a na ja: “Ngëwaanju Nasien-batsi bëlieng, nga jintëlaanul.”

BAYEBËREU 2:5

Par, cits ngëwaanju ngi Nasien-batsi wël ngun pëtsijëna umundu wi kan bi wi, wi ngë ci wink tsi pëñakanaan.

UPIBAN 14:6

Din a n win uwaanju ucints, a uu yits di umetaari batsi, a tsij Upetsan-uwar un dits wi ka ba, pa pëleents wul ban ciina biki utsia, kara ucaak, kara pëbuka, kara uliingu, ni kara bañaan-ucaak.

UPIBAN 16:14

Aci ngëwejats ngëcaay; ngul ka ro ngëpibanaani, a nguu tsëp di basien umundu upëban, pëjukëlën bukul pa ukam unu uwiak wun, wi Nasien-batsi Kayëlan-bëlieng.

UPIBAN 3:10

Undo m mob tsi përim umiira nji, nji buts mán dandanu uler wi pëteenamana kë baandë-ni wi umundu upëban, pa pëteenaman ban ciina biki umundu.