MATEU 23:34 - KARÚK-PËRIM KAWALU Nouveau Testament

³⁴ Wul ka wun, a wëtani ind bayëlia, ni bameko, ni bapican-ulua. Nduu fiŋ balon, ndë rieŋ balon di kruus; uja tsi kato-kajúki ind, ndë tucan balon; uja tsi përaasa, ndë natsara bukul koo noor-nooran.

MATEU 23:34 ပူးပေါင်းရင်းမြစ်များ

MATEU 10:23

A u ci ba noor-nooran ind tsi pëlon përaasa, nda tukari pëcints; mán leents ind ucär: Nda netse ka jëkëlan iraasa Israel bëlieng, Abuk ñaan-najin, ka witsee.

MATEU 13:52

A na ja bukul: “Wul ka wun, napican-ulua nan ci nafets ngëko pësien batsi, anaam pi nawiak kato nan pënanii ngëko ngëwalu ni ngëjon tsi bëkaul.”

MATEU 23:31

Unk, nda ci tsi pëpiban bërier ind nda ci babuk bañaan ban fiŋ biki bayëlia.

LÚKAS 24:47

din kayaar-ibats, pa pëjampësaa ngëjuban, ka leentsaa tsi katimul pa bañaan ban cits biki Bajudeu bëlieng, pëkurëna tsi Jerusalem.

KAKÚRAN-KAWAR YEESU KRISTU BI JOŊ LEENŢ BI KUL AJA 16:2

Bu ka pënan ind di ito-ijúki. Maa uwal ka bi, uja ñaan fiŋ ind, në ja ne aci tsi pëleempar Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 20:21

A Yeesu kaka ja bukul: “Pëfac pa ciin ni ind! Bi Asin nji yëliin bink, unk buts di n du n yël ind run.”

NGËRO 1:8

Maa ndu yank pëyëlan, uwelee Uwejats-ujënts tsi ind, din ndë ci bamaatir ngëmíñ, di Jerusalem, unk buts di Judeeya bëlieng, ni di Samaaria, te di ngëntsañi umundu.”

NGËRO 11:27

Tsi ngënu ngëmënts ngun, balon bayëlia pëni Jerusalem ajúŋee Antiookia;

NGËRO 12:2

Na tsu Jakob, nan tsaari ni Joŋ, na fiŋënaa ulaac.

NGËRO 13:1

Di Ngëriisia Antiookia, aka rul bayëlia, ni bajukan: aci Barnabas, ni Simeon ni ka n jakee buts Niger, ni Lusiu kanpënë-ni Sireeni, ni Manayen, nan kusee tsëloole ni Eroodis nasien kajara Galileeya, ni Sol.

NGËRO 14:19

Maa, Bajudeu ban pëni biki Antiookia ni Ikooniu baandi ee sualan indënd bañaan, a ba tap Pol ni ilaak, ba puularul utsand përaasa, bë ja ne a cäts.

NGËRO 15:32

A Judas ni Silas, bukul ban ci biki bayëlia, liinc-liincan bukul ngëwaas ni irim icumal, a ba tsënk bukul.

NGËRO 5:40

A ba niiran irim Gamaliel, ba rui bapostolu ee tucan bukul, a ba tsu bukul ba rits ñakan tsi uleka katim Yeesu, a ba wëtan bukul.

1 KORINTU 2:6

Ucar, wund ka ñakanaan kameko tsi bajëŋal, maa cits kameko umundu wi, nin cits kameko babuk basien umundu wi, ki kan ba ki.

1 KORINTU 3:10

Tsi bëtseend bi Nasien-batsi wëlin bi, a n tsu ujuundi pi naniew nameko, a nalon niew tsi ruets dul. Maa kara ñaan në teen bi nu niew bi.

KOLOS 1:28

Nul Këristu, nul ni wund ci-un tsi pëleents bañaan; uja kara ñaan në car ka leentsa, kara ñaan nuu jukana tsi kameko bëlieng, pa kara ñaan wund ka bandanul na ba pëjëŋ tsi Këristu.

1 TESALONIKA 2:16

a bu kë laaŋ wund pëñakanaan ban cits biki Bajudeu pa ba buer. Unk, tsi ngëwal bëlieng, bu kë watsës ngëjuban bukul, a ba par-paran. Maa tsi utuami, uriab Nasien-batsi ayërëna bukul.

BAYEBËREU 11:37

Aka ban tapaa biki ilaak te a ba cäts, ni ban falaa biki ngëliaf tsi umetaari, ni ban fiŋënaa biki ulaac. Bë ruka ro ka yandaar unk, bë tiema iŋi in ci yi injand ngënkaanel, ni yi ngëpi. Bë ci ni bëranj, bë noor-noorana, bë tsija ka tsija ka waraatsa ki –

UPIBAN 11:10

Din bañaan tsi umundu ka lílan tsi uleka pëcäts bukul, bu kë juc ni ulílan, bu kë wëlar ngëtseend ni bacints bukul, par bayëlia batëb bamënts biki bu ro ka nooran mak ban ciina biki umundu.