MATEU 20:19 - KARÚK-PËRIM KAWALU Nouveau Testament

¹⁹ bu ka gutsul tsi iñan bañaan ban cits biki Bajudeu, pa ba jiul, bu ka tucanul, në rieŋa di kruus; unu uwaajantsan, në natsee di pëcäts.”

MATEU 20:19 ပူးပေါင်းရင်းမြစ်များ

MATEU 12:40

Par, bi Jonas ro bunk kënak këwaants, ni ngërëm ngëwaants di pëpës utsëb uwiak, unk buts di Abuk ñaan-najin kë ro run kënak këwaants ni ngërëm ngëwaants di utsia.

MATEU 16:21

Tsi uwal umënts wun, a Yeesu kur pëpiban bafetsul na ka pëtsëp Jerusalem, di nii unoor ri mak tsi bawiak Bajudeu, ni bawiak-bajakan, ni bapican-ulua, në fiŋaa, në natsee di pëcäts tsi unu uwaajantsan.

MATEU 17:23

bu ka fiŋul, në natsee di pëcäts tsi unu uwaajantsan.” Bi bafetsul te bi irim yan, a ba juatsan mak.

MATEU 27:26

Din, a Pilaatus wëtandar bukul Barabas, a na tsu a Yeesu tucana; a uu ba, a na gutsarul përieŋa di kruus.

MATEU 27:63

a ba jaul: “Ajug! Wund ales natsupalar namënts un ro ja uwal wi na wama wi ci: ‘Upar ngënu ngëwaants, ka n natsee di pëcäts.’

MARKU 14:65

A balon kur pëtújarul, ba kúndul këkës, ba kobul ngësuk, ba jaul: “Leentsan-e!” A bagaarir mobul awaŋul tsi imbakats.

MARKU 15:1

Ujënts unu, a bawiak-bajakan, júk abaar pëloole ni bawiak Bajudeu, ni bapican-ngëtsua, ni kato kawat-pëleents kawiak bëlieng. A ba tan Yeesu, ba tsëpandul ee gutsar Pilaatus.

MARKU 15:15

A Pilaatus ŋal pëtsu kandënd bañaan ba lílan, a na wëtandari bukul Barabas; a na tsu Yeesu a na tucana a uu ba, na gutsar bukul nul, pa na rieŋa di kruus.

LÚKAS 18:32

par, ka gutsara bañaan ban cits biki Bajudeu, në jiaa, në karaa, në tújaraa;

LÚKAS 23:11

Eroodis ci tsi pëtienkëtsanul, nuu riatul, nul ni basondaariul. Na tiemana kaŋí kakulal kan, a na kakanul Pilaatus.

LÚKAS 24:46

Na ja bukul: “Iink di u picana run aja: ‘Këristu aka pëci tsi unoor, në natsee tsi bacäts tsi unu uwaajantsan,’

NGËRO 2:23

nul agutsara ind, bi Nasien-batsi ro bi baaraan u rola, tsi utsaagul ni tsi kacar-umeul; a nda rieŋul di kruus afiŋënul iñan bamabats.

NGËRO 21:11

Na bi di wund, a na jej katël Pol atanar itsiim ni iñan, a na ja: “Iink di Uwejats-ujënts ja run: ‘Niints nan kai katël ki, unk di Bajudeu kë tanul run di Jerusalem bu ka gutsul tsi iñan ban cits biki Bajudeu.’”

NGËRO 4:27

Tsi ucär, Eroodis ni Ponsiu Pilaatus, ni ban cits biki Bajudeu, ni bañaan Israel, bë bofëlar tsi përaasa pi, a ba natsara naleempu nayëman, Yeesu, ni m dati.